AMAKURU

UKWEZI
ubumwe

Haratangira ibitaramo by’ ubuntu bizajya bibera I Kigali buri kwezi

Haratangira ibitaramo by’ ubuntu bizajya bibera I Kigali buri kwezi
25-07-2019 saa 11:18' | By Nsanzimana Ernest | Yasomwe n'abantu 623 | Ibitekerezo

Umujyi wa Kigali washyizweho ibitaramo ngarukakwezi bitishyurwa bizajya bibera muri car free zone icya mbere kiratangira kuri uyu wa 26 Nyakanga 2019.

Iki gitaramo kiratangirana n’Itsinda ricuranga ryitwa Aganze rimenyerewe gutarama mu mahoteli akomeye, umuhanzi Makanyaga Abdul, umuhanzi Bruce Melody ndetse na Nsengiyumva (Igisupusupu).

Mu kiganiro n’abanyamakuru cyabaye kuri uyu wa gatatu tariki ya 24 Nyakanga, Umuyobozi w’Umujyi wa Kigali wungirije ushinzwe Iterambere ry’Ubukungu, Busabizwa Parfait yatangaje ko iyi gahunda izafasha abatuye Kigali gushyuha, kwishima kandi bakidagadura.

Yagize ati “Ni gahunda tumaze igihe dutekerezaho kugira ngo Umujyi wacu ube ushyushye, twabishyize mu mpera za buri kwezi kubera ko abantu baba bamaze ukwezi mu kazi barushye bakeneye kwidagura.”

Yongeyeho ati “Icyo gitaramo kizajya gitangira saa kumi n’imwe z’umugoroba kugeza saa tatu z’ijoro muri car free zone. Kwinjira ni ubuntu, ntabwo tuzishyuza. Nubwo duhereye kuri Makanyaga ,Bruce Melody, Nsengiyumva ndetse n’Itsinda Aganze ntabwo ari abo tuzajya dukoresha gusa, n’abandi bose bakunzwe tuzabageraho kuko ni igikorwa kizajya kibaho buri wa gatanu wa nyuma w’ukwezi, kikazakomeza.”

Busabizwa yatangaje ko hari igihe ibi bitaramo bizajya byimurirwa no hirya no hino mu turere tugize Umujyi wa Kigali nka Kicukiro bikaba byabera kuri IPRC, muri Gasabo bikaba byabera kuri ULK bitewe n’uburyo abantu bazagenda babyishimira.


Ikitaramo kibanza kizabera aha


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...