konka coffee
KONKA

AMAKURU

UKWEZI
Minijust

Ibintu 5 bitangaje kuri Gahongayire wifuzaga ko yaba arinda Jeannette Kagame akaba ari umukozi w’ Imana

Ibintu 5 bitangaje kuri Gahongayire wifuzaga ko yaba arinda Jeannette Kagame akaba ari umukozi w’ Imana
6-02-2019 saa 17:59' | By Nsanzimana Ernest | Yasomwe n'abantu 9973 | Ibitekerezo 4

Umuhanzi mu ndirimbo zihimbaza Imana , Aline Gahongayire wamamaye mu ndirimbo nka Ndanyuzwe, Iyabivuze, Warampishe, Niyo Yabikoze yagiranye ikiganiro n’ itangazamakuru ahishura bimwe mu byo abantu batari bazi birimo no kuba yarifuzaga kuba umwe mu barinda umugore wa Perezida bazwi nka Garde Presindentiel (GP)

Mu isoko banga kunkaturira

Aline Gahongayire avuga ko ubuzima bwo kubaho nk’ icyamamare bigoye ndetse ko ngo ntabikunda uretse ariyo nzira Imana yamuhitiyemo. Ati “Urabyutse ugiye mu isoko nk’ abandi badamu, urakatuje ibiciro ugasanga ntibigikunze. Ngerayo bati ‘ikilo cy’ isombe n’ icyarindwi 1700 kandi ubundi yari 500.” Ngo ibi ni ikibazo ku musitari wo mu Rwanda kuko umuziki mu Rwanda utinjiza amafaranga menshi nk’ umuntu uwukora wonyine gusa ati “Nta kundi ni umuhamagaro”

Nifuzaga kuzaba Body Guard w’ umugore wa Perezida

Uyu mubyeyi w’ imyaka 33 y’ amavuko mu kiganiro na KT Radio yavuze ko ashimira Imana kuba uyu munsi ari umukozi wayo, gusa ngo akiri muto yumvaga azaba umwe mu barinda umutekano w’ umugore w’ umukuru w’ igihugu, ndetse ngo yajyaga akora imyitozo yo kwimenyereza.

Ati “Njyewe ubundi nari mfite inzozi zo kuzaba Body Guard wa First Lady, nkiri umwana numvaga nifuza kuzamucungira umutekano ku buryo n’ ijisho gusa nakuramo fume nkakureba n’ ibyo wari ufite ugahita ubisiga aho. Imana yanyujije izindi nzira nisanga naramaze kuba undi muntu ariko nko kwishuri najyaga mu myitozo, ngaterura ibyuma nkumva kandi nzaba Body Guard w’ umudamu w’ umukuru w’ igihugu kandi ngahora nkeye, ngahora nafunze shinyo kandi nambaye uniforme”

Ikanzu ndende inyegereye hasi igataraka

Gahongayire watandukanye n’ umugabo akaba yifuza undi, wabajijwe n’ umukunzi w’ ibihangano bye imyenda yambara akumva aberewe avuga ko ari ikanzu ndende imwegereye ariko yagera hasi igataraka.

Nafashe regime ngo nanuke

Mu myaka 10 ishize Gahongayire yari abyibushe, ugereranyije n’ uyu munsi. Uyu mukozi w’ Imana kuri uyu wa 6 Gashyantare 2019 yavuze ko uku kunanuka yabigizemo uruhare kuko yari amaze kumenya ibiryo umuntu arya akananuka, n’ ibyo arya akabyibuha ati “Nafashe regime kugira ngo nanuke, kandi ngakora na siporo”

Nanuka birashoboka

Aline Gahongayire, avuga ko yabonye abantu bamufasha ku buryo nawe yageze ku rwego rwo gufasha abandi kunanuka. Yajyaga ategura amarushanwa y’ abantu babyibushye (Fat size Fashon show) ngo agiye kongera kubyubura. Ati “Mu kwezi kwa 6 uyu mwanya iri rushanwa rizagaruka ariko rizaba ari Fat size + beaty na Slim possible kuko ushobora kubyibuha ariko no kunanuka birashoboka”


INKURU ZA :
Tanga Igitekerezo
Ibitekerezo 4
Bamenya Kuya 7-02-2019

hitimana na Kamana ndabamenye Muri Abayehova. Kuki mupinga Ibintu byose maze mukagaragaza ukuri kwanyu mwifashishije Bibiliya? Rwose si byiza gupinga abandi. Aline ni umukozi w’Imana kabisa. Ikindi kandi Niba pastor yigishije abantu bagafashwa bibatwaye iki? Mujye mwitotondera gucira abandi imanza Imana itazabahana.

ELISA Kuya 7-02-2019

Mwebwe noneho muransekeje!!!!!
none se niba kujya mu nsengero mutabyemera ngo turirimbe, Dawidi yaba yarakoze ikosa ryo kwandika Zaburi kuko zaburi ni indirimbo, Eg. Zaburi ya 95 "nIMUZE TURIRIMBIRE uWITEKA..." Hanyuma Salomo nawe yaba yarakoze ikosa ryo kubaka urusengero rwa Yerusaremu, Kuro nawe yaba yarakoze ikosa ryo kurusana, hanyuma Yesu ubwe nawe yaba yarakoze ikosa ryo kuvuga ko inzu ya Se (yayindi Salom yubatse nyine) bayihinduye isenga ry’abambuzi ,Pawulo nawe abwira Abikorinto ati ntimukirengagize guterana kwera, so n’abandi benshi, Benedata bavandimwe mujye mukurikirana neza ibiganiro bica kuri Social media neza kuko mushobora kuyobywa nabyo knd buri wese agumane ukwemera kwe neza nibwo bizabagirira umumaro naho gupinga imyemerere y’undi mbona atari byiza. Murakoze

Kamana Kuya 6-02-2019

Hitimana we, ibyo uvuze nibyo najye ndagushyigikiye , izo indirimbo ntizihuye no kwiga bible. Hali bamwe mu nsengero buzurwa namarangamutima kubera imirya wenda se namagambo , ukumva ngo bararirimbye turafashwa. Hali benshi bava mu nsengero za gatulika bishakira imiziki idunda naba pasiteri basakuza basubiramo kenshi ibintu bimwe ngo ni ukwatura neza da, nubwo ntali umuhamya wa yehova , nasanze bo bagerageza gukora ibyo Yesu yatumye intumwa ze gukora. Jye hali bimwe tutumvikanaho kuko najye ngira Dogmes zajye. Mugore amahoro.

hitimana Kuya 6-02-2019

Ndunganira ALINE.Ndemera ko ari umuririmbyi.Ariko niba koko ashaka kuba "umukozi w’Imana",nakore umurimo YESU yasize asabye umukristu nyakuri muli Yohana 14:12.Kujya mu nsengero ukaririmba,ntabwo ariwo murimo Yesu yasabye abakristu.Muli Matayo 28:19,yabwiye Abigishwa be ati "mugende kubwiriza".
Ntabwo yavuze ngo tujye mu nsengero kuririmba.Nkuko nawe yabigenzaga hamwe n’abigishwa be,bajyaga mu mihanda,mu masoko no mu ngo z’abantu bakababwiriza.Kubwiriza,bisobanura "kungurana ibitekerezo ku ijambo ry’Imana n’abantu ubwiriza".Soma Ibyakozwe 17:17.Tujye dufata ibintu nkuko Bible ibifata.

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...