konka coffee
KONKA

AMAKURU

UKWEZI

Icyamamare Bebe Cool uje gutaramira Abanyarwanda, yageze i Kigali yakiranwa urugwiro

Icyamamare Bebe Cool uje gutaramira Abanyarwanda, yageze i Kigali yakiranwa urugwiro
27-06-2018 saa 13:59' | By Muhire Aime Placide | Yasomwe n'abantu 2761 | Ibitekerezo

Mu gitondo cyo kuri uyu wa Gatatu tariki 27 Kamena 2018 nibwo Bebe Cool, Umuhanzi w’icyamamare wo mu gihugu cya Uganda yasesekaye i Kigali aho aje kwitabira igitaramo cya Kigali Jazz Junction giteganyijwe kuzaba kuri uyu wa Gatanu.

Mosses Sali wamenyekanye nka Bebe Cool ariko nanone wamenyekanye nka Big Size mu muziki, umwe mu Banyafurika ba mbere mu njyana ya Reggae na Ragga guhera mu w’1997, aje gususurutsa Abanyarwanda mu mpera z’iki cyumweru mu gitaramo ngaruka kwezi cya Kigali Jazz Junction aho hazaba hanizihizwa imyaka itatu ishize iki gitaramo kibera mu Rwanda. Iki gitaramo giteganyijwe kuba kuri uyu wa 29 Kamena,2018 ahazwi nka Camp Kigali.

Nk’uko bisanzwe bikorwa mu bitaramo byabanjirije iki ngiki, abakunzi b’umuziki w’umwimerere bataramirwa n’abahanzi b’Abanyarwanda n’abandi baba batumiwe baturutse hanze y’igihugu kandi no kuri iyi nshuro niko bizagenda nk’uko twabitangarijwe n’abashinzwe gutegura Kigali Jazz Junction.

Kuri iyi nshuro hatumiwe Ringo wo muri Afurika y’epfo wamenyekanye cyane mu ndirimbo yitwa Sondela, na Bebe Cool wo muri Uganda uherutse gukorana indirimbo n’itsinda rya Charly na Nina bakayita ‘I DO’. Muri iki gitaramo abahanzi nyarwanda bazaririmbamo ni Mani Martin na Irakoze Hope uheutse gufatanya na Knowless bagashyira hanze indirimbo yiswe’Inch’Allah’.

Mu gitondo cyo kuri uyu wa Gatatu nib wo Bebe Cool yageze mu Rwanda yakiranwa urugwiro n’abashinzwe gutegura Kigali Jazz Junction. Ringo bazafatanya gutaramira abazitabira iki gitaramo we biteganyijwe ko agera i Kigali ahagana saa tatu z’umugoroba.

Mbere y’uko iki gitaramo kiba, aba bahanzi bazabanza kugirana ikiganiro n’itangazamakuru mu gitondo cyo kuri uyu wa kane. Kigali Jazz Junction imaze kunyuramo abahanzi batandukanye barimo nka Kidumu, Seyi Shay n’abandi


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
  • uwayo https://umuseke.rw/amp/turarakaye-twabuze-epfo-na-ruguru-abagore-babwira-paapa.html

    ">nsubize#Igiraneza https://umuseke.rw/amp/turarakaye-twabuze-epfo-na-ruguru-abagore-babwira-paap
  • IZINDI NKURU WASOMA
    Loading...