AMAKURU

UKWEZI

Icyamamare Koffi Olomide arahigwa bukware kubera gukubita umunyamakuru w’Umunyarwanda

Icyamamare Koffi Olomide arahigwa bukware kubera gukubita umunyamakuru w’Umunyarwanda
21-09-2018 saa 18:06' | By Chief Editor | Yasomwe n'abantu 10330 | Ibitekerezo 2

Umuhanzi akaba n’umuririmbyi w’icyamamare Koffi Olomide wo muri Repubulika Iharanira Demokarasi ya Kongo, arahigwa bukware n’inzego z’ubutabera muri Zambia azira gukubitira muri iki gihugu umunyamakuru akaba n’umufotozi w’Umunyarwanda.

Uyu muhanzi ufatwa nk’umwami w’injyana ya Rumba, arahigwa bukware n’inzego z’ubutabera zo muri Zambia azira gukubita no guhohotera umunyamakuru akaba n’umufotozi w’Umunyarwanda witwa Nepomuscene Ndayisenga, akaba yarakubitiwe mu gitaramo cyabereye i Lusaka muri hoteli yari yabereyemo igitaramo tariki 28 Ukuboza 2012.

Kuri uyu wa Gatanu tariki 21 Nzeri 2018 nibwo Koffi Olomide yagombaga kwitaba urukiko ariko ntiyigeze agaragara. Ukurikirana iby’inyungu ze muri Zambia witwa Mark Mumbalama yasabye ubutabera ko umukiliya we yahabwa ikindi gihe kuko ngo habayeho imbogamizi zatuma atamugezaho impapuro zimutegeka kwitaba.

Ku rundi ruhande ariko, Gilbert Phiri, umunyamategeko uhanganye na Koffi Olomide, avuga ko yasabye impapuro zo kumuta muri yombi kuko atigeze yitaba n’ikindi gihe cyose yahamagajwe.

Koffi Olomide w’imyaka 62 y’amavuko, ashinjwa kuba yarakubise uwo munyamakuru akaba n’umufotozi w’Umunyarwanda, akamukomeretsa mu maso ndetse akanamuvuna ikiganza cy’iburyo.

Muri Nyakanga, Ambasade y’u Bufaransa muri Zambia yari yasabye ko Koffi Olomide atabwa muri yombi kubera ibyaha bitandukanye ashinjwa birimo ibyo guhohotera abagore n’abakobwa mu buryo butandukanye, byanatumye igitaramo yari afite muri icyo gihugu gisubikwa.

Si ubwa mbere Koffi Olomide ahura n’akaga mu gihugu cya Zambia kuko muri Mutarama 2013, yahohoteye umunyamakuru wo muri iki gihugu bikaza gutuma atoroka bwangu atinya gufungwa. Byaje kurangira afunzwe amezi atatu ndetse nyuma aza gusaba imbabazi uwo munyamakuru.

Muri Nyakanga 2016, yakubise bikomeye umubyinnyi we ku kibuga cy’indege cya Jomo Kenyatta muri Kenya, yoherezwa igitaraganya i Kinshasa aho yaje kuburanishwa kuri iki cyaha ndetse nyuma yo gutabwa muri yombi aza kurekurwa yishyuye akayabo. Ibi nabyo amaze kubikora, yaje gusaba imbabazi abanyakenya ku bw’imyitwarire mibi yagaragaje.

Koffi Olomide w’imyaka 62 y’amavuko, asanzwe azwiho urugomo no mu gihugu cye cy’amavuko. Nko muri Kanama 2012, yahawe igifungo cy’amezi atatu asubitse azira gukubita uwamutunganyirizaga indirimbo.


INKURU ZA :
Tanga Igitekerezo
Ibitekerezo 2
Munyemana Kuya 24-09-2018

Jye mbabazwa nuko abantu bakomeye akenshi badafungwa.Nyamara Constitutions zo mu bihugu byose,zivuga ko "abantu bose bareshya imbere y’amategeko".Niyo mpamvu dukeneye Ubwami bw’Imana.Nukuvuga ubutegetsi bw’imana.Nkuko Daniel 2:44 havuga,ubutegetsi bw’imana buzaza ku munsi w’imperuka,bukureho abategetsi bose bo ku isi,noneho imana itegeke isi yose.Ubutegetsi bw’isi buzahabwa Yesu nkuko Ibyahishuwe 11:15 havuga.Ariko nkuko Imigani 2:21,22 havuga,abantu bose bakora ibyo imana itubuza bazakurwa mu isi izaba paradizo.

Johnson sipiriyani Kuya 22-09-2018

the justice is more important without it the world can be blind

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...