konka coffee
KONKA

AMAKURU

UKWEZI

Impamvu 10 zishimangira ko Mwiseneza Josiane ari we ukwiye kuba Miss Rwanda 2019

Impamvu 10 zishimangira ko Mwiseneza Josiane ari we ukwiye kuba Miss Rwanda 2019
7-01-2019 saa 13:27' | By Umusomyi | Yasomwe n'abantu 11992 | Ibitekerezo 32

Ikinyamakuru Ukwezi.com, giha agaciro ibitekerezo by’abakunzi n’abasomyi bacyo, ninayo mpamvu twabageneye umwanya wo gutambutsa ibitekerezo byanyu ku ngingo zitandukanye mwihitiramo, mukavuga uko mubyumva maze abandi basomyi nabo bakinigura bakanenga cyangwa bagashima ibitekerezo byatanzwe. Iki nacyo ni igitekerezo bwite cy’umusomyi, ugaragaza impamvu 10 Mwiseneza Josiane ari we mukobwa ukwiye kwambikwa ikamba rya Miss Rwanda 2019.

1. Irushanwa ryo gushaka nyampinga mu Rwanda ryagiye ryiharirwa n’abakobwa umuntu yakwita abanyamugi. Ni ibintu bisanzwe cyane muri iri rushanwa kubona abakobwa b’Abanyakigali ari bo bahagararira intara zitandukanye mbese witegereje neza irushanwa ryahinduye isura kuko usanga umukobwa w’i Nyamirambo ahagararira Uburengerazuba, uw’i Gikondo agahagararira Uburasirazuba. Mwiseneza aramutse atsinze byakangurira abakobwa bo mu cyaro ari nabo benshi mu Rwanda kutisuzugura ndetse byanatuma ubutaha abahatanira ikamba mu ntara runaka baba ari abahavuka koko kuko birasekeje kujyana ikipe itora i Rubavu ukajya guhitamo abakobwa mwaturukanye i Kigali.

2. Umuntu avuze ko n’ubundi nta gitangaza mu bikorwa bya Nyampinga Abanyarwanda baba bategereje ntabwo yaba abeshye. Birazwi ko abakobwa bose twatoye mbere nta n’umwe byibura wagiye hanze ngo byibura aze muri batatu ba mbere, bose baba bagiye kwitemberera, rero niba abanyamugi bananiwe mwaretse tugahindura umuvuno.

3. Mu bakobwa bose bari muri iri rushanwa nta n’umwe wabivunikiye nka Mwiseneza, urugendo ruhari kuva mu mujyi wa Gisenyi kugera kuri Inzozi hotel ni kure cyane, ibyo ubwabyo bigaragaza umuhate ubwitange ndetse no kwiyemeza kugera ku kintu biri muri we kuburyo ashobora no gukora ibirenze iby’abazaba baramubanjirije. Uyu abaye Miss Rwanda 2019 bigaragaza ko yazatanga umusaruro uhambaye kubera umuhate n’ubwitange agaragaza.

4. Nta washidikanya ko kugeza ubu Mwiseneza Josiane ari we Miss Popularity ndetse ko afite abafana benshi kurusha bagenzi be. Uburyo ashyigikiwe butanga icyizere ko anabaye Miss Rwanda, imishinga yose yajya ategura abantu bajya bamwumva bakamushyigikira bityo ibyo ashaka gukora cyangwa ubutumwa ashaka gutanga bugatambuka vuba.

5. Igihe kirageze kugirango duhindure imyumvire yacu nk’umuryango nyarwanda ku cyitwa ubwiza, ntabwo umukobwa aba mwiza kuko ari umunyamugi uzi kwisiga ibirungo cyangwa kwikoroga mu mvugo ya ab’ubu. Igihe kirageze kandi ku bategura irushanwa kujya babanza gushaka ba Nyampinga bahagarariye intara zitandukanye kandi koko babe abahavuka cyangwa batuye aho hantu. Birarambiranye kubona umukobwa umwe agerageza amahirwe mu ntara zirenze imwe, ibyo ni ukugabanya amahirwe y’abandi mu ntara aba agiyemo ubwa kabiri. Josiane rero yabaye intangarugero ahatana iwabo kandi akomeje kwigaragaza nk’utewe ishema ryo kuhabera umukandida mwiza.

6. Mwiseneza aramutse atowe kandi bizakangurira urubyiruko kumva ko iyo ufite ubushake bwo kugera ku kintu runaka ukabishyiramo umutima wawe wose n’ingufu nyinshi utitaye ku bibazo bihari byaguhagarika kubigeraho utinda ukagera ku nzozi zawe. Nk’Abanyarwanda ibi byatugirira akamaro kurusha gutora uwundi uzaza akagenda nka bagenzi be, nihatorwa nka bamwe dusanzwe tubona nta muntu uzaba yibuka izina rye nyuma y’imyaka ibiri.

7. Ntawashidikanya ko Mwiseneza ari we mukobwa usa cyane na logo y’irushanwa kurusha abandi bakobwa bose bigeze kwitabira iri rushanwa, ibi ubwabyo birerekana ko ariwe ufite ishusho yenda gusa n’ushakishwa muri iri rushanwa.

8. Mwiseneza yamaze kutwereka ko ashobora gukora urugendo rurerure cyane yambaye inkweto ndende (N’abanyamugi bazihoramo ntawabishobora), iyi ni impano ikomeye cyane kuko byibura wenda twabona Nyampinga ukangurira abakobwa gukora siporo yo kugenda n’amaguru kuko benshi muri bashiki bacu ntibakibikozwa yewe na sporo bitabira cyane ni izikorerwa mu mazu yabugenewe.

9. Itorwa rya Mwiseneza nka Nyampinga rizagaragaza ko u Rwanda ari igihugu giha amahirwe buri wese ndetse ko ari igihugu aho uwo ariwe wese ushyize umwete akanoza ibyo akora abibonera igihembo.

10. Itorwa rya Mwiseneza kandi rizigisha buri wese ko igishoro cy’umukene ari imbaraga ze bwite ndetse ko bishoboka guhera ku bike ufite ukabasha kugera kure hashoboka.

Iki ni igitekerezo bwite cy’umusomyi wacu. Nawe watanga igitekerezo cy’uko wumva ibyo avuga. Si ihame ko buri wese yabyumva uko.


INKURU ZA :
Tanga Igitekerezo
Ibitekerezo 32
maso Kuya 20-01-2019

Rata wowe witwa/Cg wiyise MUGENZI ndakwemeye cyane ,abatanga impamvu ngo MWISENEZA Josiane agomba kuba Miss Rwanda kubera ko aturuka mu cyaro,ko yagaragaye nk’uturuka mu muryango ukennye ,.....ibyo sibyo. Gutoranya Miss rwanda hari icyo bigenderaho kdi muri byo ndakeka hatarimo akarere(rural or urban area ,ubudehe category ,etc) ; abazana ibyo bindi by’ibyiciro by’ubudehe rero wa mugani wawe bamenye ko irushanwa rya Miss Rwanda atari VUP. Thx rata MUGENZI n’abandi batekereza kimwe nawe muri abantu b’abagabo!!!!!

minan Kuya 17-01-2019

ariko iki kintu giteye nkabahungu murakijyana hehe?mureke abana bahiye batambuke wana,muri kwica irushanwa

aline Kuya 16-01-2019

ariko nanone abategura iri rushanwa nabo bagomba gusora ibyo bagenderaho kuko haraho bitubera imbogamizi bigatuma natwe tubura uko turyitabira natwe turabakobwa nkabandi kdi sitwe twiremye

MUNTU Kuya 14-01-2019

JOSIANE NIWE MISS RWOSE ABAJUDGES BASHATSE BAKWIRUHUKIRA AKAZI KOSE ABANYARWANDA TWARAGAKOZE

Ramadhan Kuya 9-01-2019

Muribuka ko mu guhindura constitution y’igihugu cyacu,byababaje benshi ndetse batangira gushaka kutuvangira,ariko kubera ugushyira hamwe kwacu nk’abanyarwanda,twahisemo icyo dushaka tutitaye kuri bagashakabuhake bashakaga ko president wacu ava kubuyobozi,twarabigaragaje,turabiharanira ,duhindura itegeko nshinga,maze tumuhundagazaho amajwi aza tumwishimiye kdi tumushaka,so MWISENEZA JOSIANE niwe abanyarwanda twifuza tutitaye ngo ko atazi indimi z’amahanga,n’abazizi ntacyo batumariye kuko baza amara masa,turamushyigikiye kdi turamwifuza

Semugeshi Real Kuya 9-01-2019

Ibaze nk’umukobwa urangije amashuri yisunbuye utazi akarere atuyemo. Ngo ...... Akarere ka kacyiru kweli...? Uko yamarira iki urubyiruko nkuruhagarariye ? Nyampinga(ubwenge, umuco , ubwiza budakoroze)

Phoebe Kuya 8-01-2019

ibitekerezo utanze nukuri .kuberako gutora nyampinga ari bulimwaka.uyu bawumuhariye byabaribyiza kuko indimyaka yose nabanyamugi.kandi ibikorwa byabo nibike bimenywa na population.miss colombe niwe nibuka wagerageje mubikorwa.abonye amahirwe twarebako haricyahinduka gifatika.kigaragarira buliwese bulimunyarwanda

erickison Kuya 8-01-2019

murwengo rwo gukangurira abanyarwanda ko ubwiza Atari mukorogo ko nu mukobwra wigikara yaba miss Rwanda .twagakwiye guha mwiseneza ikamba ryuyumwaka rwose byafasha urubyiruko twitukuza kuguma kugikara ibyo kwitukuza bakabivaho

Stephen Shyaka Kuya 8-01-2019

Amahitamo nayaba Judges, nico-babereyeho.

jesus Kuya 8-01-2019

JOSIANE atabaye nyampinga, tuzahita dusa ministery yumuco na sport gukuraho iryo rushanwa ryasarutswe na ruswa Ni ikimenyane

Songa Kuya 8-01-2019

Njyewe rwose ndahamya neza ko nubwo hazabaho ibindi bishobora gutuma Miss Josiane adatorwa nka miss, twe tuzahora tumwita Miss Rwanda 2019, ababishinzwe bagomba kurenga ubwiza bwo ku ruhu gusa..Urugero: bazarebere kuri Miss UGANDA...Jyambere mwari mwiza ubereye kuba Miss Abanyarwanda bashaka, say no to Mukorogo

Kagina Kuya 8-01-2019

Mwiseneza atabaye Nyampinga w’abanyarwanda uyu mwaka, namenya ko habayemo ruswa mu ba juges. Niba koko bahagarariye abanyarwanda mu kuduhitiramo Nyampinga, twe twagaragaje uwo dushaka, nibumve ijwi ryacu bamuduhe.

Nizeyimana Gratien Kuya 8-01-2019

Nukuri uwo mwari turagushyigikiye ndavuga mwiseneza josiane kuko arashoboye rwose kdi arabikwiye gusa Imana ikomeze imufashe kdi ntakiyinanira

Mansoor Kuya 8-01-2019

Reka mbaze nshime jojo kugitekerezo cyiza no kwigirira ikizere yagize , ibi bibere isomo ryiza abandi bameze nkawe kuko ndabizi kandi ndabihamya beshi banyampinga bukuri wabasanga aho yaturutse nahandi nkaho (ndavuga nubyaro) ahubwo nuko batigirira ikizere nabandi bakigize bagahirikwa nicyo nakwita itsinda ry’ abanyamugi .
Ese twakora iki ngo tubirwanye cg ngo bicike ?
*mbere na mbere havugururwe amategeko yo gutara ba nyampinga nako ba miss kuko ukurikije ijambo nyampinga usanga rihabanye nibyo bakora niyompamvu mbona batora miss atari nyampinga ( abazi ikinyarwanda kundusha bazadusobanurire ).
*buri mukandida yiyamamarize aho aba cg atuye kugirango hagabanuke no kubuza amahirwe abandi bafite ubushake ariko bakitinya kubera bakavantara babinjiriye .
* mubibazo babazwa hazemo n’ ibidukikije byaho ibazwa ryabereye kandi bifashishe nurubyiruko rwaho kuko niba atazwi aho bizamenyekana.
Ahubwo nyuma y’intara zose bongereho abakorera bushake aho hage hahurira buri wese wifitiye ikizere bityo bizagabanya amahirwe yahabwaga abanya mujyi byongere abo mubiturage baryamanye impano zabo .
Mbibukije gato mwibuke muzika yacu uko yarimeze ni uko guma guma yatangiye ese abakobwa bari bangahe byagenze gute kugirango baboneke ?
Nufata umwanya ukabitekereza uzabona igisubizo cyinoze cyabo ba miss
Murakoze.., .

Nvugauko mbunva Kuya 8-01-2019

Icyambere ndibaza ko irisesengura Atari iryumusomyi ashobora kuba ari irya manirakiza Theogene kuko ntawundi nzi usesengura neza gutya nkawe. Uko mbyunva nanjye rwose nuko miss Rwanda igomba guhindura isura nubundi abatowe ntacyo batumariye . Wenda icyo mbona ligotanye ho gato Kuri josiane ni indimi zamahanga Kandi nazo azaziga nabandi ntawuzivukana naho ibindi nugutayanjwa kuko arabahiga bose. Miss 🇷🇼 igomba gundura uburyo abantu bayibona . Josiane natorwa bisahindura ibintu byinshi cyane . Abakobwa bitinyaga bo muntara baziyamamaza nabo , Kandi Josiane azashira mubikorwa umushinga we bitandukanye nabirirwa biyamamaza gusa

Pacifique Kuya 8-01-2019

Nukuri abanyarwanda mutureke twitorere uwodushaka erega nomucyara harabanyabwenge josiane gira kwizera kwishi nudatwara ikapa nsinzongera nokubireba narimwe?

Mugezi Kuya 7-01-2019

Mujye mutandukanya ibintu, ngo impamvu 10 . Nta nimwe igaragaza ko Josiane akwiye kuba Miss Rwanda, ahubwo nategereze . Iri nirushanwa natsinda azaba we.
Ikindi Irushanwa rya nyampinga si VUP kukibazo cyubukene ngo aturutse mumuryango ukenye.

Fifi louc Kuya 7-01-2019

Jojo ntimumutware umwana kuko mwaba mykabije

Gaspard Kuya 7-01-2019

Uyu mukobwa nange ndamushyigikiye kuko niwe mukobwa washubije neza muri pre selection nibareke ukuri kwigaragaze ikamba nirye rwose.

Gaspard Kuya 7-01-2019

Uyu mukobwa nange ndamushyigikiye kuko niwe mukobwa washubije neza muri pre selection nibareke ukuri kwigaragaze ikamba nirye rwose.

Elie Kuya 7-01-2019

Nyampinga abanyarwanda dukeneye ni Mwiseneza Josiane kumpamvu zitandukanye mugenzi wacu yavuze hejuru

Elie Kuya 7-01-2019

Nyampinga abanyarwanda dukeneye ni Mwiseneza Josiane kumpamvu zitandukanye mugenzi wacu yavuze hejuru

Elie Kuya 7-01-2019

Nyampinga abanyarwanda dukeneye ni Mwiseneza Josiane kumpamvu zitandukanye mugenzi wacu yavuze hejuru

Uwiringiyimana Philippe Kuya 7-01-2019

Rwose natwe nubwo hatorwaga ba NYAMPINGA byabaga bitubabaje kuko wasangaga nkumukobwa utavuka muntara atinyuka akaza guhagararira abana bomuntara nkaho badahari uburero Amazi ntakiri yayandi Miss Rwanda atabaye MWISENEZA JOSIANE ,Ilana yaba irya Ruswa pe

Lucy muhire Kuya 7-01-2019

Buriwese agomba kujya yiyamamariza muntara avukamo ntabyo kuva ikigali ukajya kwiyamamariza muyindi ntara

higiro v Kuya 7-01-2019

ibyo uvuze nukuri ingingo yakane 4 ni ok

Secondine Hakorimana Kuya 7-01-2019

Mubigaragara ishyaka n’umuhate bya Jojo byageza kure kandi heza urubyiruko rwa none by’umwihariko ruri mu byaro aramutse ahawe ikamba rya nyampinga 2019.Jojo courrageeeeerrrrr

Uwamahoro anita Kuya 7-01-2019

Nibyo rwose ndabona kuba yabona iri kamba byagaragaza neza ko batagendera kuronda karere

Aulerie Kuya 7-01-2019

Nanjye rwose ndamushyigikiye peeee!nakunze cyane ikizere we ubwe numuhate yifitemo rwose amahirwe masa ku mwari wacu Josiane Imana imushyigikire!

FelicienUFITIMANA Kuya 7-01-2019

Nomero gatatu,icyenda n’icumi ndahamanya Nazi.

FelicienUFITIMANA Kuya 7-01-2019

Nomero gatatu,icyenda n’icumi ndahamanya Nazi.

Yvan Kuya 7-01-2019

rwose ndumva wowe usobanukiwe na Nyampinga abanyarwanda dukeneye ko ataruhindura uruhu izina utarubonera kuko si inzobe ,umuzungu cg imwirabura kd ibyo bakabikora muri mind ntacyibereyemo mbese babaye nkaya nkingi bitaga mbona bihita ntacyo batumariye kubwanjye binakomeje gutya numva nto iri rushanwa ritumariye nk’abanyarwanda dukeneye mind isobanutse nkiya Jojo mwiseneza kuruta mukorogo

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...