konka coffee
KONKA

AMAKURU

UKWEZI
ubumwe

Israel Mbonyi yavuze uko yatanze ubufasha mu ndege anasubiza ibibazo byose abantu bamwibazaho

Israel Mbonyi yavuze uko yatanze ubufasha mu ndege anasubiza ibibazo byose abantu bamwibazaho
30-01-2019 saa 17:04' | By Nsanzimana Ernest | Yasomwe n'abantu 4788 | Ibitekerezo

Israel Mbonyicyambu, umuhanzi nyarwanda uririmba izihimbaza Imana yasubije ibibazo byinshi by’ amatsiko abantu bamwibazaho anavuga ukuntu yigeze gutabara umurwayi mu ndege habuze umuganga umutera umuti.

Uyu muririmbyi uzwi mu ndirimbo nka ‘Hari ubuzima, Agasambi, Ku migezi, Ndanyuzwe, Sinzibagirwa, Intashyo n’ izindi yavuze ko nta biribwa atarya ariko ngo akunda kurya imbuto.

Israel Mbonyi yavugiye kuri KT Radio ko kugeza ubu nta mukunzi afite cyokora ngo arimo kubisengera ngo Imana izamumuhe.

Ni umuhanzi abatamuzi bavuga ko adashyushya imyidagaduro ariko azi kuganira cyane. Yitwa Mbonyicyambu, izina ababyeyi be bamubwiye ko rikomoka ku ijambo icyambu basobanura aho inka zikukira.

Uyu muhanzi yamamaye mu Rwanda atabizi kuko yabaga mu Buhinde agakora indirimbo ari ku ishuri akazishyira kuri Youtube. Yavuze ko Se yajyaga amwohereza indirimbo ze azikunda atazi ko ari iz’ umuhungu we. Ubwo yageraga ku kibuga cy’ indege I Kanombe yakiriwe n’ abantu benshi biramutungura kuko atari azi ari icyamamare mu Rwanda.

Israel Mbonyi wize ibijyanye n’ imibare n’ ubugenge muri Kaminuza yize mu Buhine ibijyanye n’ Imiti (Pharmacy), yavuze ukuntu yigeze gutanga ubufasha mu ndege k’ umurwayi wari ukeneye guterwa umuti bagasanga mu ndege nta muganga urimo.

Yagize ati “Twari mu rugendo tuva Amsterdam, umuntu wari iruhande rwanjye ararwara, barabaza ngo nta muganga dufitemo hano?, Nta muganga wari urimo, bashakaga kumuteramo akantu kagabanya uburibwe, ndabikora nshaka umutsi we ndakamutera da!”

Mbonyi avuga ko uretse aha yatanze ubufasha ubundi ataratangira gukora ibijyanye n’ umwuga wa Pharmacy yize, ngo gutanga ubufasha byaramworoheye kuko ku ishuri bari basanzwe babyitoza.

Akunda abahanzi barimo Serge, Dusabe, Patient Bizimana, Ama-G The Black ariko ngo akunda Bruce Melody by’ umwihariko kubwe ngo ‘azi kuririmba’.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...