AMAKURU

UKWEZI

Jose Chameleone yandikiye Perezida Museveni ibaruwa atakamba, asabira imbabazi Bobi Wine uri mu gihome

Jose Chameleone yandikiye Perezida Museveni ibaruwa atakamba, asabira imbabazi Bobi Wine uri mu gihome
16-08-2018 saa 12:14' | By Vincent Nsengiyumva | Yasomwe n'abantu 5010 | Ibitekerezo 2

Umuhanzi w’icyamamare muri Uganda, Jose Chameleone yandikiye ibaruwa Umukuru w’igihugu Kaguta Museveni amutakambira, asaba ko mugenzi we Depite akaba n’umuhanzi Bobi Wine yacirwa inkoni izamba agakurwa mu gihome.

Mu gitondo cyo ku wa Kabiri tariki ya 14 Kanama 2018, nibwo ku rubuga rwa Facebook ya Bobi Wine haciye itangazo ryavugaga ko uyu mudepite na bagenzi be bamushyigikira umunsi ku munsi bajyanwe gufungirwa ahantu hatazwi muri Arua.

Itabwa muri yombi rya Depite Bobi Wine n’abambari be 33 ryaje nyuma y’igihe gito, imodoka za Perezida Museveni zigabweho igitero zigaterwa amabuye ubwo bari mu gace ka Arua mu bikorwa byo kwamamaza bashaka usimbura mu Nteko Ishinga Amategeko, Ibrahim Abiriga.

Nyuma y’urwo rugomo rwakorewe Perezida n’abo bari kumwe bagaterwa amabuye, inzego z’umutekano zatangiye guhiga bukware Bobi Wine n’abambari be, aza gufatwa we n’abambari be 33 bose bajyanwa mu gihome ahantu hataramenyekana kugeza magingo aya.

Bobi Wine akimara gutabwa muri yombi inzego z’umutekano za Uganda zatangaje ko yasanzwe mu cyumba cya Hotel imwe yo muri Arua aho yari yihishe, ndetse ngo banamusangana imbunda ebyiri.

Biteganyijwe ko uyu munsi ari bwo Bobi Wine agezwa imbere y’urukiko rwa Gisirikare rwa Uganda (UPDF Court Martial) ruri mu gace ka Gulu nk’uko Chimprepots dukesha iyi nkuru ibitangaza.

Kuri uyu Gatatu tariki ya 15 Kanama 2018, nibwo umuhanzi w’icyamamare muri iki gihugu ndetse no muri Afurika y’Uburasirazuba, Jose Chameleoni usanzwe ari inshuti ikomeye ya Perezida Museveni yamwadikiye ibaruwa ifunguye amusaba gucira inkoni izamba mugenzi we Depite akaba n’umuhanzi Bobi Wine, akarekurwa.

Jose Chameleoni asanzwe ari inshuti y’akadasohoka ya Perezida Museveni

Chameleone yateruye avuga ko ibyabereye Arua ku wa mbere w’iki cyumweru, abaturage bose biyumvisha ko ari uguteshuka kw’inzego z’umutekano. Ngo ibi byatumye imodoka za Museveni zangirika, ku buryo hari benshi batabyiyumvisha.

Yagize ati” Nyakubahwa umuvandimwe wacu, Umwana wawe Bobi Wine ashobora kuba yaratatiriye igihango biturutse kuri bimwe mu bitekerezo bye.Icyo ni ikibazo koko!!!Nk’umuntu utureberera, ni wowe ukwiriye kutubera urugero rwiza mu gutanga imbabazi no kwiyunga nka kimwe mu bibazo byugarije Uganda.Nk’umwana w’igihugu, nshingiye ku kirango cyacu ndakwinginze ngo ugaragaze umutima wa kimuntu. Ni icyubahiro cyinshi ndakwinginze nyakubahwa Perezida ugaragaze umutima ubabarira uce inkoni izamba. Twese twakora amakosa ariko ikiruta byose ni ukubabarira.Perezida wacu, turabizi uri umubyeyi, uri papa, nizeye ko uri bubabariye umwana wawe. ”

Depite Bobi Wine ni umwe mu batavuga rumwe na Guverinoma ya Perezida Museveni, aho iteka akunze kugaragara yamaganira kure Politike ye, akenshi akabigaragaza mu myigaragambyo ikomeye akunda gutegura.

PNG - 582.8 kb

Depite Bobi Wine akunze gutabwa muri yombi azira ibikorwa birwanya ubutegetsi bwa Uganda

JPEG - 75.5 kb

INKURU ZA :
Tanga Igitekerezo
Ibitekerezo 2
Hirwa Raoul Kuya 22-08-2018

Niba koko ariwe wakoreye urugomo umukuru w’igihugu nahamwe by’inangarugero kuko yararengereye cyane.

hhhh Kuya 17-08-2018

Nibamuhane arakabya cyane

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...