konka coffee
KONKA

AMAKURU

UKWEZI

Kanyombya yasekeje abantu baratembagara, Bosebabireba avuga uko yakubitiwe Uganda (Amafoto&Video)

Kanyombya yasekeje abantu baratembagara, Bosebabireba avuga uko  yakubitiwe Uganda (Amafoto&Video)
27-05-2018 saa 19:30' | By Akayezu Jean de Dieu | Yasomwe n'abantu 12459 | Ibitekerezo

Umunyarwenya akaba n’umukinnyi wa filimi hano mu Rwanda, Kayitankore Ndoli wamamaye ku izina rya Kanyombya, kuri uyu wa Gatandatu yasekeje abaturage bo mu karere ka Nyamagabe mu Ntara y’Amajyepfo baratembagara nyuma yo kuza kubataramira yambaye imyambaro imenyerewe kwambarwa n’abakobwa bari mu marushanwa ya Nyampinga( Miss).

Ni mu birori byari bigamije gutangiza ubukangurambaga ku gutanga mituweri hakoreshejwe ikoranabuhanga aho abaturage bahawe ubutumwa mu buryo butandukanye burimo indirimbo zaririmbwe n’umuhanzi Theo Bosebabireba, udukino tw’Itsinda ry’Urubyiruko rwo muri kaminuza y’u Rwanda rwibumbiye mu cyitwa ‘Umukororombya- Imboni zarwo’ dukubiyemo ubutumwa bw’uko abaturage bakwiye gutanga mituweri ndetse n’urwenya rwa Kanyombya waje wambaye nk’igitsina gore bamwe bamwita Miss wa Nyamagabe.

Iri tsinda ‘Imboni Zarwo’ ry’urubyiruko rwo muri kaminuza y’u Rwanda, ryatambukije ubutumwa mu buhanzi bw’ikinamico aho rwashishikarizaga abaturage by’umwihariko abo muri Nyamagabe kumenya ko kugira ubwisungane mu kwivuza ari ingenzi ndetse bakajya bibuka no kugira isuku aho batuye no ku mubiri wabo mu rwego rwo kugira roho nziza ituye heza.

Mu butumwa bwatangiwe muri utu dukino kandi uretse gukangurira abaturage kwitabira gutanga mituweri banabakanguriraga kwirinda indwara harimo uburyo abaturage bakwirinda imirire mibi ituma abana bagwingira.

Muri ibi birori kandi Theo Bosebabireba yaboneyeho kubwira aba baturage ku nsanganya aherutse guhura nazo agakubitirwa bikomeye muri Uganda gusa yanababwiye ko iyo atagira mituweri ngo aze mu gihugu cye yivuze atari kubona amafaranga yishyuye mu bitaro bya Uganda.

Yagize ati “Muribuka ko bigeze kumpondagura? Nigeze kujya ahantu mu gihugu cy’abaturanyi mpura n’abantu batagira neza barandiha bantera imigeri imbavu zirajegera, ndivuza by’ibanze byo kwitabara ariko nahise ngaruka mu Rwanda ibisigaye mbyivuza iwacu da! Nyine mpita njyana na ka mituweri kanjye nti ni muntabare”

Yakomeje agira ati “None ubu byararangiye ntan’ubwo numva n’umusonga. Ubwo iyo ngumayo amafaranga yari kunshirana kandi narishyuye mituweri”.

Ubu bukangurambaga bwo kwishyura ubwisungane mu kwivuza hifashishijwe ikoranabuhanga bwatangirijwe mu murenge wa Gasaka, akarere ka Nyamagabe mu Ntara y’Amajyepfo, kuri uyu wa Gatandatu tariki 26 Gicurasi 2018, butangizwa n’Umunyamabanga wa Leta muri Minisiteri y’Ubutegetsi bw’Igihugu ushinzwe imibereho myiza y’abaturage, Madamu Mukabaramba Alvera.

Hakinwe udukino dukubiyemo ubutumwa bukangurira abaturage kwitabira gutanga mituweri bakoresheje ikoranabuhanga na telefone igendanwa Abaturage bari basetse bishimye aba bakinnyi Imyambaro Kanyombya yari yambaye yasekeje benshi

Minisitiri Mukabaramba nawe yari yatangajwe n’iyi mikino icigatiye ubutumwa bwigisha abaturage Kanyombya mu rwambariro


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...