AMAKURU

UKWEZI

Kizito Mihigo yasohoye indirimbo ya mbere nyuma yo kuva muri Gereza (Video)

Kizito Mihigo yasohoye indirimbo ya mbere nyuma yo kuva muri Gereza (Video)
12-11-2018 saa 08:10' | By Vincent Nsengiyumva | Yasomwe n'abantu 5318 | Ibitekerezo 9

Umuhanzi Kizito Mihigo yasohoye indirimbo ye ya mbere yise "Aho kuguhomba yaguhombya", igaruka cyane ku mpuwe z’Imana n’urukundo rwayo rutuma idakura amaboko kuri muntu kabone n’iyo yaba yarayigomeyeho birenze urugero.

Kizito Mihigo wavuye muri Gereza muri Nzeri uyu mwaka afunguwe ku mbabazi za Perezida wa Repubulika, indirimbo yasohoye niyo ya mbere nyuma yo kuva muri Gereza.

"Aho kuguhomba yaguhombya" ni indirimbo icurangitse mu njyana y’indirimbo zihimbaza Imana zikunze kuririmbwa muri Kiliziya Gatolika
Iyi ndirimbo ya mbere ya Kizito nyuma yo kuva muri Gereza, ikubiyemo ubutumwa bwa gikirisitu bugaruka cyane ku gukomera ku Mana no kuyigarukira mu gihe waba wayikoshereje.

Mu butumwa yashyize ahagaragara ubwo yamaraga gusohora iyi ndirimbo yavuze ko ayituye abakunzi b’ibihangano bye bose.

Yagize ati "Bavandimwe, Nimwakire indirimbo nabemereye. Nayise "AHO KUGUHOMBA YAGUHOMBYA". Nicyo gihangano cya mbere nshyize ku mugaragaro nyuma yo kuva muri Gereza. Ni ubutumwa bwa gikristu bumvuye ku mutima. "

Yunzemo ati "Ndizera ko iyi ndirimbo izafasha abakunzi b’ibihangano byanjye, cyane cyane abemera Imana, kuyikomeraho no kuyigarukira mu gihe bari kure yayo. Igihe ubutunzi n’ibyubahiro byo ku isi byaturangaje tukayitera umugongo, ishobora kwemera ko tubibura ariko tukongera tukayigana kuko ariyo Nyirubuzima. Aho kuduhomba, yakwemera ikaduhombya tugasubira ku isuka tugatangira bundi bushya ariko tukayigarukira nka wa mwana w’ikirara. Mugire Amahoro ! "

Iyi ndirimbo imara iminota 6 n’amasegonda 39,ikaba igizwe n’ibitero bitatu n’inyikirizo, amajwi yayo yatunganyijwe na Bob naho amashusho akorwa na Mariva, akaba yarafatiwe kuri Kiliziya ya Diyosezi ya Kabgayi.


INKURU ZA :
Tanga Igitekerezo
Ibitekerezo 9
Bonaventure Kuya 26-11-2018

komera cyane KIZITO imana wizeye iracyaguhozaho amaboko, ntabwo izaguhomba kuberakowemeye kuba umugaragu wayo indirimbo nziza zirimo ubutumwa bwiza turazikeneye, kumeza wogeze ingoma ya NYAGASANI.

van Kuya 20-11-2018

ubutumwa bwawe turabwemera kd haribyo tutemera maze nuko twabyakiriy biriy ntiwabikora Ni system di

Gruec Kuya 16-11-2018

UMUNYABYINSHI TUMUSIIME Kuya 13-11-2018
wowe wiyise GRUEC uri imbwa cyane nkibyo bigambo uhurutuye ubitewe niki? gufungwa kwa Kizito hari uwo babihora ngo nuko ateye commentaire kundirimbo bavuga ko yasohoye.

GRUEC Kuya 12-11-2018
Harya mwanga kurekura commentaires ngo nuko yafunzwe, bitabafataho nihahandi hanyu, mubishaka mutabishaka yafunzwe ahe ariko ahanyu muzahifungirwa. Twese turi abakandida kuva na kera na kare.

TUMUSIME UMUNYABYINSHI, muri byinshi ufite haricyo wibagiwe gushaka "UBURERE" mukugufasha rero nubwo ntacya ndaramo UBUTE ndagira nti : URAKOZE, WENDA IMBWA NDIYO;

FOFO Kuya 15-11-2018

BRAVOOOOOO,WAHISEMO NEZA NYAGASANI MURI KUMWE

RUUKUNDO JOHN Kuya 14-11-2018

NYAGASANI YEZU Akomeze kugushyigikira ukomeze utere imbere.

David Kuya 13-11-2018

Nice song! Full of newness! Best of luck!

umunyabyinshi tumusiime Kuya 13-11-2018

wowe wiyise GRUEC uri imbwa cyane nkibyo bigambo uhurutuye ubitewe niki? gufungwa kwa Kizito hari uwo babihora ngo nuko ateye commentaire kundirimbo bavuga ko yasohoye. stupid

Karangwa Felix Kuya 13-11-2018

Komeza Uhange Nizindi Turakwemera.

Gruec Kuya 12-11-2018

Harya mwanga kurekura commentaires ngo nuko yafunzwe, bitabafataho nihahandi hanyu, mubishaka mutabishaka yafunzwe ahe ariko ahanyu muzahifungirwa. Twese turi abakandida kuva na kera na kare.

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...