AMAKURU

UKWEZI

M’Bilia Bel yageze i Kigali yizeza Abanyarwanda igitaramo cy’uburyohe buhanitse

M’Bilia Bel yageze i Kigali yizeza Abanyarwanda igitaramo cy’uburyohe buhanitse
4-12-2018 saa 10:14' | By Vincent Nsengiyumva | Yasomwe n'abantu 2284 | Ibitekerezo

Umunyamuziki ufatwa nk’Umwamikazi w’injyana ya Rumba na Kizomba muri Afurika, M’bilia Bel, yasesekaye ku kibuga cy’indege Mpuzamahanga cya Kigali i Kanombe mu ijoro ryo kuri uyu wa Mbere tariki ya 3 Ukuboza 2018, yizeza Abanyarwanda ko azabataramiramo bakaryoherwa ku rwego rwo hejuru

Ni igitaramo gikomeye kizabera muri Serena Hotel ku wa 07 Ukuboza 2018 muri Kigali Jazz Junction.

Umuhanzikazi w’icyamamare muri Afurika ndetse no ku Isi, M’bilia Bel, akigera ku kibuga cy’indege cya Kigali i Kanombe yagaragaje ko yishimiye bikomeye kongera gutaramana n’Abanyarwanda, ashimangira ko azabataramira bakanyurwa kuko yakoze imyiteguro ihagije.

M’bilia Bel yageze i Kigali ari kumwe n’itsinda ry’abantu barimo abacuranzi be ndetse n’abandi bakorana nawe bya hafi mu muziki we.

M’bilia Bel yasesekaye i Kigali mu masaha y’igicuku

Yavuze ko aje gufatanya n’abanyarwanda bakunda umuziki w’umwimerere gusoza umwaka wa 2018 mu gitarramo cy’uburyohe mu njyana yihariye ku banyafurika.

M’bilia Bel yaje gutaramira Abanyarwanda ku butumire bwa RG Consult isanzwe itegura ibitaramo by’uburyohe bya Kigali Jazz Junction.

Uyu muhanzikazi w’imyaka 59 umaze imyaka myinshi yarigaruriye imitima y’abakunzi b’umuziki nyafuirika, asanzwe aba mu murwa mukuru wa Repubulika Iharanira Demokarasi ya Congo, i Kinshasa ari naho akorera umuziki we.

M’bilia Bel wazamuye ibendera rya RDC inshuro zitabarika kubera ibihangano bye byazanzamuye imitima y’abatari bacye kubera icyanga cy’amagambo azigize n’imicurangire yazo, yamenyekanye cyane mu ndirimbo ‘Nakei Naïrobi (El Alambre)’ , ‘Nadina’, ‘Boya Yé’ , ‘Beyanga’ n’izindi nyinshi zitajya ziva mu mitima y’abantu n’ubwo ari izo mu myaka yo hambere.

Kwinjira muri iki gitaramo ni ibihumbi icumi (10,000 Frw) mu myanya isanzwe, mu myanya y’icyubahiro ni ibihumbi makumyabiri (20,000Frw), ku meza y’abantu umunani ni ibihumbi ijana na mirongo itandatu (160,000 Frw).

Imiryango izafungurwa saa kumi n’ebyiri n’igice z’umugorobo (18h:30’), igitaramo gitangire saa mbili z’ijoro (20h:00’).

JPEG - 101.6 kb

M’bilia Bel yazanye n’itsinda ry’abacuranzi be

JPEG - 120.1 kb

Yijeje Abanyarwanda kuzabataramira bakanyurwa

Reba indirimbo ‘Nakei Naïrobi’ ya M’bilia Bel yakunzwe bikomeye kugera na magingo aya

Amafoto: Inyarwanda


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...