AMAKURU

UKWEZI
ubumwe

Makanyaga Abdul ngo impamvu atagisohora indirimbo ni ukubera abasope

Makanyaga Abdul ngo impamvu atagisohora indirimbo ni ukubera abasope
17-05-2019 saa 10:29' | By Nsanzimana Ernest | Yasomwe n'abantu 2220 | Ibitekerezo 1

Umuhanzi Nyarwanda Makanyaga Abdul yahishuye ko impamvu nta ndirimbo agishyira ahagaragara ari uko izo yakoze zibyazwa umusaruro n’ abandi we agataha amara masa.

Uyu muhanzi wakanyujijeho mu ndirimbo za karahanyuze zakunzwe n’ abatari bake nka Ansilla, Rubanda, Mporeza umutima, Suzana n’ izindi, avuga ko abantu bacuranga indirimbo za karahanyuze mu tubari n’ amahoteli bamuhombya. Gucuranga izi ndirimbo mu buryo bwa live mu tubari nibyo bita ’Igisope’.

Yabwiye RBA ati “Aha haraturuka Umugande akajya muri bare akaririmba Rubanda ntibakakoshye. Haraturuka Umutanzaniya hariya akaza akaririmba Ansilla mbabarira , buri wese biramutunze. Simbyanze ko byamutunga kuko kuba bimutunze ni amahoro ariko se wowe wagize icyo ukora? Ubu mfite nk’ indirimbo zirenga 100 zitari zajya no kuri radiyo. Hari izo nereka abantu bakumva birabatangaje, bakambwira, ko utazijyana ku masitidiyo”

Akomeza agira ati “Amafaranga ya sitidiyo urayatanze, amaherezo wunguke iki? Kuko abantu bazumvise gusa”

Makanyaga avuga ko umunsi hageze ko umuhanzi atungwa n’ umuziki we ntawe uwibye hazaboneka indirimbo nyinshi nziza.

Makanyaga Abdul siwe wa mbere uzamuye ikibazo cy’ uko indirimbo z’ abahanzi nyarwanda bazitangaho menshi ariko zikungukira abatazitanzeho n’ urumiya.
Nubwo abahanzi badapfa kuvuga amafaranga bishyuye indirimbo muri studio , ikizwi ni uko nibura indirimbo y’ amajwi gusa itajya munsi y’ ibihumbi 50

Abahanzi barimo Eric Senderi, Munyanshoza Dieu donné, Intore Tuyisenge na Kabera Robert (Seargeant Robert) bashyizeho ikiguzi ku bantu bashaka gukoresha byemewe n’ amategeko indirimbo zabo.

Mu Rwanda hari itegeko rirengera abahanzi riteganya ko igihangano ari umutungo bwite mu by’ ubwenge. Umuhanzi iyo yamaze kwandikisha indirimbo ye mu Kigo cy’ Igihugu cy’ Iterambere RDB aba afite uburenganzira bwo guhana uwayikoresheje batabyumvikanyeho.


INKURU ZA :
Tanga Igitekerezo
Ibitekerezo 1
ndumunyarwanda Kuya 23-05-2019

ahubwo na Abidjan muli cote dívoire baducurangiye indilimbo yawe mukabali vubaha rwose ntanamezi atatu aracaho ndumirwa, yacuranzwe numucongomani warusanzwuhakorera abonye kohari abanyarwanda bahasohokeye ati ndabona twasuwe na la communauté rwandaise reka tubaririmbire mazashiramo indilimboyawe turahaguruka tuvahasi turabyina igisope karahava

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...