AMAKURU

UKWEZI

Minisitiri Uwacu yasabye imbabazi itsinda rya Sauti Sol yatumiwe muri FESPAD bagataha bataririmbye

Minisitiri Uwacu yasabye imbabazi itsinda rya Sauti Sol yatumiwe muri FESPAD bagataha bataririmbye
31-07-2018 saa 10:38' | By Vincent Nsengiyumva | Yasomwe n'abantu 5035 | Ibitekerezo 3

Minisitiri w’Umuco na Siporo Uwacu Julienne, yiseguye ku itsinda ry’abahanzi bazwi nka Sauti Sol, nyuma yo gutumirwa mu iserukiramuco FESPAD bakaza gutaha bataririmbye.

Iserukiramuco FESPAD ryatangijwe mu ijoro ryo ku Cyumweru tariki ya 29 Nyakanga 2018, hakaba hari hatumiwe abahanzi batandukanye barimo n’Abanyarwanda bagombaga gutaramira abitabiriye iri serukiramuco.

Abahanzi bari batumiwe harimo itsinda rya Sauti Sol, Knowless, Bruce Melodie ndetse na Zao Zoba wo muri Congo Brazzaville.

Ku ruhande rw’abasore bagize itsinda rya Sauti Sol, ntibyabagendeye neza, kuko igitaramo cyo gutangiza iri serukiramuco cyarinze gihumuza badahamagawe ku rubyiniriro ngo bataramire imbaga y’abakunzi babo bari babategereje.

Nyuma y’uko ibi bibaye, Sauti Sol ibinyujije ku mbuga nkoranyambaga, yatangaje ko itishimiye imitegurire ya FESPAD, bavuga ko ibyakozwe ari amakosa adakwiye kugaragara mu gikorwa gikomeye kuri uru rwego.

Bagize bati “Ni ikibazo cy’imitegurire cyaturutse ku wateguye iserukiramuco. Barabidusabye nubwo byari bigoye cyane twakoze uko dushoboye turaza kuko iteka biradushimisha kuririmbira abakunzi bacu b’i Kigali. Twaje mu Rwanda duturutse muri Zambia,mbese byari ibintu bigoye cyane.”

Aba basore ba Sauti Sol basesekaye ku Kibuga cy’indege i Kanombe mu ijoro ryo ku Cyumweru, bahitira kuri Stade i Remera ahaberaga ibirori byo gutangiza iserukiramuco FESPAD bazi ko bahita baririmba, birangira babwiwe ko nta mwanya bateguriwe ngo kuko amasaha yari amaze gukura.

Abinyujije ku rukuta rwe rwa Twitter, Minisitri w’Umuco na Siporo, Uwacu Julienne yiseguye cyane ku itsinda rya Sauti Sol ndetse n’Abanyarwanda bose bari babategereje bikarangira batashye batababonye.

Yagize ati “Njyewe n’ubuyobozi bwa Minisiteri y’Umuco na Siporo twiseguye ku bwo kuba hari ibitaragenze neza mu itangizwa rya FESPAD nk’uko byari byitezwe ku mpande zombi haba ku bahanzi n’Abanyarwanda muri rusange. Twiseguye kuri Sauti Sol, kuri buri muhanzi ndetse n’abafana muri rusange ku ntege nke twagize. Amasomo twakuyemo ntabwo azapfa ubusa.”


INKURU ZA :
Tanga Igitekerezo
Ibitekerezo 3
Thiago Kuya 8-08-2018

Ntabwo bikwiye pe niba hari gahunda yateguwe yagakwiye gukurikizwa,biriya ni bitanga isura mbi mu ruhando rw’amahanga ,kuko igihugu gifite umutekano ntibakagombye kwitwaza igihe kuko nabo bababatakaje umwanya,impinduka irakenewe.

Sa Kuya 1-08-2018

Birababaje kabisa, niba twizieye ko igihugu cyacu gifite umutekano ibi ntibyakabye kabisa, iri fespad ni international ubwo aba aba banyamahanga baza , ubwo nibaduseka kweli, ibi bintu bibonye iwacu kandi so ubwa mbere ababishinzwe twisubireho

Kalisa Kuya 31-07-2018

ESE ko adasaba imbabazi abafana??? Please police yacu yige kuba yajya ishyira mugaciro ibintu byo kuza NGO zimya sibyo no muri Kigali up byarabaye bazimije Hari unuhanzi Uri muririmba atararangiza indirimbo ye!!!! Abanyamahanga nabanyarwanda Bari bahari barumirwa ubu tumaze 24 and genocide ihagaze mureke gukora nkinyeshyamba ESE wowe minister ko wari uhari wahazindukiye Hari aba jepe NGO 1st lady araza ubu iyo aba ahari byari kugenda kuriya ???? Hari ibintu byubujiji mukora Kandi sibyiza mukirirwa musakuza NGO visit Rwanda Kandi Hari ibyo mukora biyirwanya!!!

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...