AMAKURU

UKWEZI
ubumwe

Miss Mwiseneza Josiane yasobanuye ikibazo yagiranye na Meya wa Rwamagana n’ impamvu yahisemo kwicecekera

Miss Mwiseneza Josiane yasobanuye ikibazo yagiranye na Meya wa Rwamagana n’ impamvu yahisemo kwicecekera
20-04-2019 saa 09:52' | By Nsanzimana Ernest | Yasomwe n'abantu 14226 | Ibitekerezo 16

Nyampinga w’ u Rwanda wakunze muri 2019 , Mwiseneza Josiane yavuze ko atemeranya n’ Umuyobozi w’ akarere ka Rwamagana wavuze ko impamvu ibikorwa yagombaga gukorera muri aka karere byaburijwemo ari uko atabamenyesheje mbere, ngo Josiane yirinze kugira icyo abivugaho mu rwego rwo kwirinda kubahuka umuyobozi.

Yabitangaje mu kiganiro yagiranye n’ abanyamakuru kuri uyu wa Gatanu tariki 19 Mata 2019, aho yanerekanye umujyanama we mu bijyanye no gushira mu bikorwa umushinga we wo kurwanya igwingira mu bana.

Tariki 20 Gashyantare 2019 nibwo Miss Josiane yagombaga gukorera mu karere ka Rwamagana ubukangurambaga bwo kurwanya igwira mu bana. Uwo munsi Miss Josiane yabwiye UKWEZI ko ubu bukangurambaga bwahagaritswe ariko yirinda kugira byinshi asobanura kuri iki kibazo.

Umuyobozi w’ akarere ka Rwamagana , Mbonyumuvunyi Radjab, uwo munsi yatubwiye ko impamvu ibikorwa bya Miss Josiane byaburijwemo ari uko atabimenyesheje akarere mu nyandiko.


Miss Mwiseneza Josiane na Manager we Sunday James

Ejo tariki 19 Mata nibwo Miss Josiane yavuze ko ibyo meya Mbonyumuvunyi yavuze atari ko byagenze.

Yagize ati “Twarabyumvikanye twandika ibaruwa, nan’ ubu ushatse kuyireba nakwereka iyasigaye. Baduha umurenge baduha n’ itariki. Nyuma y’ ibyo rero nibwo yanze ngo twebwe mu karere kacu ntabwo harimo igwingira, nta kibazo gihari, ati ahubwo mwebwe mugende murebe aho rikabije, nimuharangiza natwe muzatugarukaho ariko uyu munsi wanone ntabwo turi mubafite icyo kibazo”

Icyo gihe, Meya Mbonyumuvunyi yatubwiye ko atahagaritse ubukangurambaga bwa Miss Josiane ati “Ayo makuru nanjye nayumvise gutyo sinzi aho yaturutse, na Josiane namwandikiye mubaza niba ari we wayatanze ntabwo yansubije… Josiane ni umunyarwanda icyo yashaka kubwira Abanyarwanda yakivuga, ikibazo ni uko atigeze abitumenyesha kandi ntabwo waza mu karere ngo uze ukore igitaramo utarigeze ubibwira abayobozi”

Miss Josiane yavuze ko impamvu yirinze kugira icyo arenza ku byo Meya yabwiye itangazamakuru ko ubukangurambaga bwahagaritswe kuko atamenyesheje akarere, ari uko yabonaga abafana be batangiye kubahuka Meya Radjab kandi bidakwiye.

Yagize ati “Ntabwo njye yigeze abwira ikibazo cyo kutamumenyesha hakiri kare. Yarabivuze mu itangazamakuru ariko njye ntabwo yigeze atabimbwira kandi twandika umurenge batubwiye njye ntabwo narinywuzi. Ntabwo yigeze ampamagara n’ ubu nan’ ubu nabivuga”

Yongeye ati “Habayeho indi mbogamizi nabonaga ishobora no ku nkoraho kuko Abanyarwanda babifashe nabi batangira no kumwubahuka, batangira no kumutuka. Bitewe n’ uburyo nabonaga abafana banjye bamutuka kandi bidakwiye, nararebye nsanga icyo aribuvuge mbyihoreye nkicecekera ntacyo byantwara”


Miss Josiane yagiranye ikiganiro n’ itangazamakuru asobanura ibijyanye no gushyira mu bikorwa umushinga we

Sunday James, manager wa Miss Josiane yavuze ibikorwa byose bigira inzira binyura, bityo ko batavuga ko Meya yabeshye cyangwa ko yavuze ibyo atazi kuko azi akarere ayoboye kurenza abandi bantu.

Ati “Akarere gakoramo abantu benshi, Josiane ashobora kumenyesha umunyambana, umunyamabanga ntamenyeshe, Meya , Meya bikamugwaho atabizi. Nibwira ko yaba meya, yaba Josiane buri wese afite mu nshingano kurengera abo bana”

Miss Josiane yavuze ko ibyabaye mu karere ka Rwamagana babikuyemo isomo kuko ngo magingo aya bavuganye na Minisiteri y’ Ubuzima, Ikigo cy’ igihugu mbonezamikurire y’ abana kugira abe aribo babereka aho bahera ubukangurambaga bwabo kuko arizo nzego za Leta zishinzwe by’ umwihariko kurwanya igwingira.

Ibyo Meya wa Rwamagana yabwiye itangazamakuru ku bijyanye n’ ihagarikwa ry’ igikorwa cya Miss Josiane Mwiseneza


INKURU ZA :
Tanga Igitekerezo
Ibitekerezo 16
Wesley Kuya 25-04-2019

Ese uravunika uvunikira iki? Ko waronse akazi ukaronka nimuduga wabyihorera se ? meghan ntari kudya inoti yiyicariye se ? Weho wabiretse ibyo ko leta ibibona

Gruec Kuya 23-04-2019

None se BYUMVUHORE JEAN CLAUDE, uhamaye Miss Josiane nk’umuntu uhagarariye ako karere? Mwabyumvikanyeho se na HABITEGEKO F. ugusaba kumuhagararira muricyo gikorwa cya Josiane? Mureke turekere responsabilite bene zo twe dukore ibyo dusabwa tutarenze umurongo ngenderwaho. Murakoze

BYUMVUHORE jean Claude Kuya 22-04-2019

Nanjye josiane ndamwemera byahatari ahubwo nahano i Nyaruguru azatugereho turamukeneye.

BYUMVUHORE jean Claude Kuya 22-04-2019

Nanjye josiane ndamwemera byahatari ahubwo nahano i Nyaruguru azatugereho turamukeneye.

Thank charly Kuya 22-04-2019

Wahereye mu burengerazuba aho ukomaka ncuti ko umushinga wawe utaraba ONG ije gufasha igihugu?!

gigi Kuya 22-04-2019

Yewe nzabandora iyo proje kbsa kowiboneye imodoka ukamenyekana wakwiturije stress niziki Ko wizumushinga nabi.Mwiza Megan se burikwezi ntahebwa cgwa urashaka kuboneka mwitangazamakuru?

Alex Kuya 21-04-2019

Ndatekereza ko ibyiza nuko yatangirira mu cyaro aho yaturutse kuko ibyo aribyo byose baramuzi kandi azi neza ibitagenda aho ku bana baho. Then she expands slow by slow to other areas.

Esther Kuya 21-04-2019

Ariko rero Josiane nawe urakabya rwose, urifata ugahera mu karere kaba aka mbere inshuro zikurikiranya mu mihigo ngo gafite ikibazo cy’igwingira ry’abana koko? genda uhere iwanyu niho urizi kuva kera kuko nkekako ari naho igitekerezo cyavuye, i Rwamagana c ubundi wajyaga kuhabanza wigeze ukora ubushakashatsi ngo urebe niba ariho ukwiye kubanza? Nanjye ndi umuyobozi sinagukundira ubwo ni ubusembwa rwose kdi waba uri no kumvuguruza mu mihigo

Mimi Kuya 21-04-2019

Josiane, jye nakugiriye inama kuva mbere ngo ushake umujyanama, maze uve mu bafana, ko keiyamamaza byarangiye urananira. Kuba uri popular ibyo ntibyakanga maire cyane ko hari n’igihe iyo popularity yawe ntayo aba azi. Ni byiza ko wabonye umujyanama

Gasabo Kuya 21-04-2019

Abo bakubeshya bagukomera amashyi n’abandi ngo ni ba manager, ukongeraho abanyamakuru baba bashyushya imitwe baragushuka!
Nk’ubu uyu mutwe w’inkuru ushatse kuvuga iki? Josiane yagiranye ikibazo na Mayor!!!!!! Njye narumiwe, ari abanyamakuru ari aba ba manager! Ntacyo bakurushije mu bitekerezo, wowe uri umwana bagakwiye kuguha guideline

kingdallas Kuya 21-04-2019

Nanjye rwose josiane nda mufana ariko uriya mujyanama wiwe ndabona ntanama yamugira kabisa .. Abanyamakuru ko mbona musobanukiwe kd muri inshuti ya josianne kuki mutamugira inama yibyo abantu baba bakeneye!

Jado Kuya 20-04-2019

Ariko ntekereza ko nubundi hari mo no kudadobanukirwa ubundi ikintu cyose iyo cyiswe umushinga cyangwa projet kigira statut iyo ONG ikandikwa muri RGB ubundi se watoranya umujyanama nawe ufite imisatsi yizinze nawe utaragize iyo yigira aka kugeza kuki. Niba ushaka gukora projet neza reka gukorana nabantu basanabageingiye nubundi mumutwe basa nibirara

hhhhhh Kuya 20-04-2019

Warwanyutese igwingira mubuzima Ko harugukura vuba nogukura buhoro kndi umwanatabuze ibimutunga.

Quinta Kuya 20-04-2019

Ariko nubu ntabwo numva icyo abo bajyanama bakmumariye? Ntabwo kuba witwa Josiane Mwiseneza biguha uburenganzira bwo gutangiza ikintu mukarere . Kuba waragiye muri Miss ibyo nibintu Privee, Ugomba gukora organization yemewe ifite ubuzima gatozi bwa RGB. Ubundi ugatanga action plan yawe, ukabona kuvugana nakarere bazi uwo uriwe naho ubarizwa.

Quinta Kuya 20-04-2019

Ariko nubu ntabwo numva icyo abo bajyanama bakmumariye? Ntabwo kuba witwa Josiane Mwiseneza biguha uburenganzira bwo gutangiza ikintu mukarere . Kuba waragiye muri Miss ibyo nibintu Privee, Ugomba gukora organization yemewe ifite ubuzima gatozi bwa RGB. Ubundi ugatanga action plan yawe, ukabona kuvugana nakarere bazi uwo uriwe naho ubarizwa.

Quinta Kuya 20-04-2019

Ariko nubu ntabwo numva icyo abo bajyanama bakmumariye? Ntabwo kuba witwa Josiane Mwiseneza biguha uburenganzira bwo gutangiza ikintu mukarere . Kuba waragiye muri Miss ibyo nibintu Privee, Ugomba gukora organization yemewe ifite ubuzima gatozi bwa RGB. Ubundi ugatanga action plan yawe, ukabona kuvugana nakarere bazi uwo uriwe naho ubarizwa.

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...