AMAKURU

UKWEZI
ubumwe

Nyampinga w’ Isi niwe wambitse ikamba Nyampinga mushya wa Uganda

Nyampinga w’ Isi niwe wambitse ikamba Nyampinga mushya wa Uganda
29-07-2019 saa 08:09' | By Nsanzimana Ernest | Yasomwe n'abantu 3078 | Ibitekerezo

Oliver Nakakande niwe wambitse ikamba ry’ umukobwa uhiga abandi mu bwiza , ubwenge n’ umuco ‘Miss Uganda 2019/2020’ ahigitse abakobwa 21 bahataniraga iri kamba.

Ni mu muhango wabereye muri Uganda mu mpera z’ icyumweru gishize. Umuhango wo gutoranya no kwambika ikamba Miss Uganda 2019/2020 witabiriwe na Miss World 2019 Vannessa Ponce ari nawe wambitse ikamba Miss Nakakande.

Nakakande asimbuye kuri uyu mwanya Quinn Abenakyo wari nyampinga wa Uganda wa 2018/19. Abenayo yahagarariye Uganda mu marushanwa ya nyampinga w’ Isi aba igisonga cya 2 ndetse anatorerwa kuba Nyampinga w’ Isi wahize abandi bakobwa bari baturutse muri Afurika.

Mu ijoro ryo ku wa Gatanu tariki 26 Nyakanga 2019 ubwo hatoranywaga Miss Uganda 2019/2020 , ibirori byitabiriwe n’ abantu benshi ku buryo bitari byoroheye umuntu wicaye inyuma kubona ibyaberaga ku rubyiniro uretse kubireba kuri ecran yari yashyizwe mu ihema rinini ahaberaga ibi birori.

Abakobwa 22 bahataniraga iri kamba buri umwe yari afite abafana be, bitwaje ibyapa bimwamamaza gusa abari bafite umurindi ukarishye ni aba Nakakande. Umurindi wabo ntiwapfuye ubusa kuko uwo bari bashyigikiye yageze ku ntsinzi.

Abakobwa batsindiye kuba ibisonga bya Miss Nakakande ni Petronella Acen igisonga cya mbere na Mariam Nyamatte igisonga cya kabiri.

Miss Nakakande yahembwe imodoka nshya ya Toyota yanditseho Miss Uganda.
Uretse Miss world 2019 Vanessa Ponce, ibindi byamamare byitabiriye ibirori byo gutoranya Miss Uganda 2019/2020 birimo Zari Hassan umunyamideli uzwi cyane muri Afurika na Anita Fabiola umusitari ukomeye kuri televisiyo ya NTV dukesha iyi nkuru. Anita Fabiola w’ imyaka 25 akora ikiganiro cyitwa ‘Second Chance’ kuri iyi televisiyo ndetse yigeze no kuba Miss.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...