konka coffee
KONKA

AMAKURU

UKWEZI

Oliver Mtukudzi arataramira abanyarwanda muri Kigali Jazz Junction

Oliver Mtukudzi arataramira abanyarwanda muri Kigali Jazz Junction
25-10-2018 saa 22:39' | By Muhizi Olivier | Yasomwe n'abantu 649 | Ibitekerezo

Umunyamuziki Oliver Mtukudzi wo mu gihugu cya Zimbabwe yageze mu Rwanda aho yaje gutaramira Abanyarwanda muri Kigali Jazz Junction kuri uyu wa Gatanu tariki 26 Ukwakira 2018 .

Uyu munyamuziki ui mu bakunzwe muri Zimbabwe yasabye abazitabira iki gitaramo kwitwaza inkweto zo kubyinana mu gitaramo azahuriramo n’umunyarwanda Bruce Melodie ngo kuko bazawuceka kakahava.

Uyu mugabou fite ubunararibonye mu muziki ubwo yaganiraga n’abanyamakuru yasezeranyije abanyarwanda kubataramira bakazaztaha batabishaka.

Mtukudz ini umunyamuziki akaba n’umwanditsi w’indirimbo ubimazemo igihe wihebeye injyana ya ‘Afro Jazz’. Yabonye izuba ku wa 22 Nzeri 1952, aherutse kwizihiza isabukuru y’amavuko y’imyaka 66 . Yavukiye mu Mujyi wa Harare muri Zimbabwe.

Mtukudzi w’imyaka 66, ni umuhanzi w’indirimbo ziganjemo izomora imitima yababaye, izishishikariza abantu kwirinda ibyorezo n’iz’ivugira ikiremwamuntu.

Yatangiye gukora umuziki mu myaka isaga 40 ishize, ashyira hanze imizingo y’indirimbo 66 ndetse akaba ari gutegura uwa 67.

Oliver Mtkudzi afite imizingo y’indirimbo 66 amaze imyaka 40 ari umuririmbyi ni Dr akaba na Ambasaderi w’umuryango w’ababumbye .

Yamenyekanye cyane ku Isi hose n’iwabo muri Zimbabwe biturutse ku ndirimbo yakoze ikomoza ku cyorezo cya SIDA yitwa ‘Todii’.

Mu kiganiro n’itangazamakuru cyabaye kuri uyu wa Kane gitegura igitaramo cya Jazz Junction azahuriramo na Bruce Melodie, Mtukudzi yavuze ko ikintu abandi bahanzi bamwigiraho cyatumye akomeza gukundwa, ari ukuba uwo uri we no kudashyira imbere guhangana.

Yagize ati “Navutse ndi Oliver Mtukudzi, nkora ndi uwo ndiwe. Iyo nkora ntago mba nshaka guhangana n’umuntu n’umwe. Igihe uzagerageza kugira uwo uhangana nawe bizarangira utangiye kumwigana. Maze imyaka irenga 40 mu rugendo rwa muzika ngendera kuri ibyo kandi n’abandi bahanzi bashoboye kuba abo bari bo byabafasha.”

Yakomeje agira ati “Bruce Melodie uri hano yabonye byose bishoboka bikwiye umuhanzi, njye sinabibona, ariko mfite buri kimwe we adafite. Turi kumwe tuzakora igitaramo kinogeye ijisho. Ba wowe nanjye mbe Oliver.”

Iki gitaramo Oliver Mtukudzi yatumiwemo kiri mu ruhererekane rw’ibya Kigali Jazz Junction gitegerejwe ku wa Gatanu tariki 26 Ukwakira 2018, muri Serena Hotel. Cyateguwe na RG Consult .

Bruce Melodie azafatanya na Oliver Mtukudzi gusurutswa Abanyakigali

Kwinjira bizaba ari 10 000 Frw mu myanya isanzwe, 20, 000 Frw mu myanya y’icyubahiro na 160 000 Frw ku meza y’abantu umunani. Imiryango izaba ifunguye guhera saa kumi n’ebyiri n’igice.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...