konka coffee
KONKA

AMAKURU

UKWEZI

Sesiliya wo mu ikinamico Urunana yitabye Imana

Sesiliya wo mu ikinamico Urunana yitabye Imana
16-08-2018 saa 13:21' | By Vincent Nsengiyumva | Yasomwe n'abantu 8736 | Ibitekerezo

Muteteri Penina Joy wakinaga yitwa Sesiliya mu ikinamico Urunana wakunzwe n’abatari bake ku bw’ubuhanga bwihariye mu gukina amakinamico atandukanye mu Rwanda yitabye Imana azize uburwayi bw’umutima.

Muteteri Penina Joy uzwi ku isina rya Sesiliya wamamaye cyane mu ikinamico Urunana ndetse akanakina amakinamico atandukanye mu itorero Indamutsa aca kuri Radio Rwanda arimo iyakunzwe cyane yitwa ‘Icyanzu cy’Imana’ yakinnyemo ari umugore wa Mbanzabugabo akaba mukase wa Uwera.

Mu ikinamico Urunana, Sesiliya yakinaga ari umubyeyi wa Patrick Musonera n’umugabo we akaba yitwa Musonera.

Inkuru y’urupfu rwa Sesiliya yamenyekanye mu gitondo cyo kuri uyu wa Kane tariki ya 16 Kanama 2018.

Sibomana Emmanuel ukina yitwa Patrick akaba umwana wa Sesiliya mu ikinamico Urunana, yatangarije Ukwezi .com ko yababajwe bikomeye n’urupfu rw’uyu mubyeyi,ngo kuko ari mu bantu bakinanaga bikagenda neza.

Yavuze ko yari umuhanga mu gukina amakinamico, ndetse ko hari byinshi yamwigiragaho.

Mu kiganiro umutoza w’abakinnyi b’ikinamico Urunana, Seraphine Kubwimana, yagiranye na Ukwezi.com yemeje iby’urupfu rwa Sesiliya, avuga ko yari amaze igihe kinini arwaye indwara y’umutima.

Yagize ati “Natwe amakuru y’urupfu rwe twayamenye muri iki gitondo. Amaranye igihe kinini indwara y’umutima niyo yamuhitanye.”

Yakomeje avuga ko bababajwe n’urupfu rwa Muteteri Sesiliya, ngo kuko babuze umuntu w’umuhanga cyane mu gukina amakinamico.

Yakomeje avuga ko uretse ikinamico urunana ngo Muteteri [Sesiliya] yakinnye amakinamico anyuranye mu itorero Indamutsa za Radio Rwanda, ngo ndetse ni naho yamenyekaniye cyane muri iyi mikino.

Muteteri Penina Joy uzwi ku isina rya Sesiliya mu ikinamico Urunana, yari atuye mu murenge wa Remera. Yari umubyeyi w’abana batatu, umugabo we akaba yaritabye Imana.

Seburikoko, Nyiramariza na Sesiliya witabye Imana


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
  • uwayo https://umuseke.rw/amp/turarakaye-twabuze-epfo-na-ruguru-abagore-babwira-paapa.html

    ">nsubize#Igiraneza https://umuseke.rw/amp/turarakaye-twabuze-epfo-na-ruguru-abagore-babwira-paap
  • IZINDI NKURU WASOMA
    Loading...