AMAKURU

UKWEZI
pax

Shaddyboo yabeshyeye Polisi y’u Rwanda ko yagiye gusaka urugo rwe

Shaddyboo yabeshyeye Polisi y’u Rwanda ko yagiye gusaka urugo rwe
10-08-2020 saa 16:17' | By Chief Editor | Yasomwe n'abantu 12891 | Ibitekerezo 5

Mu masaha y’umugoroba wo kuri iki Cyumweru tariki 9 Kanama 2020, Mbabazi Shadia uzwi nka Shaddyboo yanditse ku mbuga nkoranyambaga abaza Polisi y’u Rwanda n’Urwego rw’Ubugenzacyaha RIB impamvu abapolisi bagiye gusaka urugo rwe batanafite uruhushya rwo gusaka. Gusa ibi yakoze ngo byari ukubeshyera Polisi y’igihugu.

Ubu butumwa Shaddyboo yashyize kuri twitter na Instagram yagiraga ati : "Muraho Polisi y’u Rwanda ? Ese inyandiko y’isaka (Search Warrant) imaze iki niba Polisi y’u Rwanda isigaye yinjira mu mazu y’abantu igasaka kandi nta nyandiko y’isaka bafite, kandi ntibasobanure impamvu basaka inzu y’umuntu, ese ibyo nibyo ? RIB ndashaka ubusobanuro"

Polisi y’u Rwanda izwiho gusubiza no gufasha buri wese uyitabaje ku mbuga nkoranyambaga, yasabye Shaddyboo nimero ya telefone kugirango atange amakuru arambuye kuri icyo kibazo, gusa nyuma y’akanya gato Shaddyboo yaje guhita asiba ibyo yari yanditse byose.

Mu kiganiro kigufi yagiranye n’ikinyamakuru Ukwezi kuri uyu wa Mbere akabazwa ibyaraye bimubayeho ndetse n’impamvu yahise asiba ibyo yari yanditse kuri Twitter, Shaddyboo yavuze ko ntacyo yifuza kubivugaho.

Ku rundi ruhande, Umuvugizi wa Polisi y’u Rwanda, CP John Bosco Kabera yabwiye ikinyamakuru Ukwezi ko Shaddyboo yabeshyaga kuko Polisi itigeze ijya gusaka urugo rwe, akabishimangira anahereye ku kuba uyu mukobwa yahise asiba ibyo yari yanditse. Gusa kugeza ubu icyaba cyatumye abikora cyo ntikiramenyekana, na Polisi ivuga ko uwakabisobanuye ari nyir’ubwite wabikoze.


INKURU ZA :
Tanga Igitekerezo
Ibitekerezo 5
seburikoko Kuya 13-08-2020

sha uyu mwana wumukobwa ndahamya ko yatewe ubwoba ngo asibe iyi nkuru yuko yasatswe kabisa ntabwo yatinyuka kubeshyera urwego nka police ntibakatubeshye

ISIRIKOREYE Kuya 12-08-2020

icyo mbona chadiboo yasabwe na police gusiba ibyo yanditse kuko ntiwatinyuka kubeshyera police ngo ubishyire kumbuga nka twitter ahubwo bamusabye kwisubiraho mujye mushyira mugaciro uriya mudamu ntiyasara cg ngo asinde abeshyera police yashyizweho igitutu ngo abikureho

BAVUGANEZA Celestin Kuya 11-08-2020

nabazaga uko nabaha amakuru yandi atarebana niyinkuru murakoze tel ni 0785159443

Antoinette Kuya 10-08-2020

Nonese kuki batamuzajije , ? Kubeshya inzego zishizwe umutekano ntabwo bihanirwa namategeko ?

Antoinette Kuya 10-08-2020

Nonese kuki batamuzajije , ? Kubeshya inzego zishizwe umutekano ntabwo bihanirwa namategeko ?

IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA