AMAKURU

UKWEZI
ubumwe

Ukina Urunana yitwa Yvonne yahishuye uko yatamaje uwamwise indaya bari kumwe mu modoka - VIDEO

Ukina Urunana yitwa Yvonne yahishuye uko yatamaje uwamwise indaya bari kumwe mu modoka - VIDEO
14-08-2019 saa 06:50' | By Chief Editor | Yasomwe n'abantu 11777 | Ibitekerezo 3

Mukaseti Pacifique, ni umukinnyi w’ikinamico Urunana aho akina yitwa Ivona (Yvonne)umukozi wo mu rugo kwa Mugisha. Avuga ko mu minsi yashize ubwo yakinaga ari umukobwa wananiranye ufite ingeso mbi, hari abantu bagiye babifata uko bitari ndetse ngo hari uwamuharabitse atanamuzi amwita indaya bari kumwe mu modoka undi ahita amutamaza.

Mu kiganiro cyihariye yagiranye n’ikinyamakuru Ukwezi, Mukaseti yasobanuye byinshi ku buzima bwe, uko yatangiye gukina Ikinamico Urunana, uko bamwakiriye n’uko yatunguwe n’abantu nka Muhire na Bushombe yumvaga mbere bakina iyi kinamico, ndetse n’uburyo gukina iyi kinamico ikundwa na benshi byahinduye byinshi ku buzima bwe bikanamwagurira amarembo menshi.

Mukaseti yasobanuye uburyo ibyo akina hari ababifata nk’ukuri kw’ibyo abamo kandi ntaho biba bihuriye. Urugero rwa hafi ni uko ubusanzwe ari umubyeyi wubatse, ufite umugabo n’umwana ariko mu ikinamico Urunana akaba yisanisha na Yvonne, umukobwa w’umwangavu w’imyaka nka 19 y’amavuko, akabikora atanga ubutumwa ngo abantu bamenye ko ibyo bakina bibaho ndetse bamenye no kubyitwararika.

Mu gusobanura uburyo hari abamwibeshyaho bakitiranya ibyo akina n’ubuzima nyabwo abamo, yagize ati: "Byajyaga bibaho cyane cyane nk’iwacu iyo duturuka mu cyaro, usanga nyine abantu bumva nyine ko ari byo kuburyo nk’iyo umuntu akubonye atungurwa. Hari nk’abantu b’inshuti za mama,... bavugaga ngo yooo mbega wa mwana ibyo yagiyemo, mbega bakumva ko ari byo."

Mu gushimangira ibi, yanakomeje avuga ibyamubayeho ari mu modoka itwara abagenzi, umuntu akamuharabika nyamara atanamuzi. Yagize ati: "Hari n’akantu kigeze kumbaho ndi muri bus cyera nko muri 2010, tumaze kumva Urunana turi muri bus yavaga Nyabugogo icyo gihe, umuntu agenda avuga ukuntu anzi, koko ko ibintu nkina ari nako meze, avuga ibintu bitandukanye agenda ashyiraho details yumvisha abo twari kumwe muri bus kugirango bumve ko koko anzi cyane. Noneho binanira kubyihanganira ndamubeshyuza... "

Mukaseti akomeza agira ati: "Uwo muntu yavugaga ko ibyo mba nkina akenshi usanga ari ukuri, ngo uyu mwana ndamuzi iwabo batuye i Kibagabaga, papa we ni inshuti yo mu rugo, mbega ava imuzi inkuru zose avuga ukuntu nananiye papa wanjye, ukuntu mama wanjye yirirwa amuganyira, avuga ibintu birebire kuva nko kwa Rasta kugera nk’i Remera. Byari bikomeye binanira kwihangana... Namubwiye ko ibintu avuga ntaho bihuriye n’ukuri, ko ibyo dukina mu ikinamico nyine ari ugukina... Nabanje kumubaza niba koko uwo mukobwa amuzi, ati ndakazi, ni akarara... Ndamusobanurira mubwira ko ako gakobwa ari njyewe, noneho hamwe no kumuvugisha abandi bantu bari muri bus bumva ijwi, bumva ko ibyo avuga atari byo..."

Muri iki kiganiro kirekire twagiranye na Mukaseti Pacifique, twanamubajije ku hazaza he mu ikinamico Urunana cyane ko umugabo we Uwihanganye Jean De Dieu aherutse kugirwa ambasaderi muri Singapore bityo umuryango wose ukaba ugomba kwimukirayo vuba. Twamubajije kandi ibijyanye n’ibyo akunda mu myidagaduro, imikino n’ibindi byinshi bitandukanye.

REBA VIDEO Y’IKIGANIRO CYOSE TWAGIRANYE HANO:


INKURU ZA :
Tanga Igitekerezo
Ibitekerezo 3
Gahima Paul Kuya 14-08-2019

Yvonne akina neza cyane n’umuhanga pe turamukunda kabisa .

Dada Kuya 14-08-2019

Bamumpe musimbure bazanyandikire kuri email ntanze haruguru

Yvonne Kuya 14-08-2019

Ubwo nyine araje apfe cyangwa atoroke Mugisha

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...