konka coffee
KONKA

AMAKURU

UKWEZI

Umuraperi Cardi B yibarutse imfura ye ayita amazina yatangaje benshi

Umuraperi Cardi B yibarutse imfura ye ayita amazina yatangaje benshi
12-07-2018 saa 10:20' | By Muhire Aime Placide | Yasomwe n'abantu 7795 | Ibitekerezo 2

Icyamamare mu bahanzi bakora injyana ya Rap ku mugabane wa America, Belcalis Almanzar wamenyekanye nka Cardi B muri muzika yahamije amakuru avuga ko yibarutse umwana wiswe Kulture Kiari Cephus, amazina yatangaje abatari bake.

Uyu muraperikazi wamamaye cyane muri Amerika ndetse no hira no hino ku isi, yatangaje ko yabyaye imfura ndetse n’amazina ye abinyujije ku rubuga rwe rwa Instagram, aho akurikiranwa n’amamiliyoni y’abakunzi be.

Cardi B yari amaze iminsi afitanye urukundo rw’ibanga n’umuhanzi witwa Offset nawe ukora injyana ya Rap. Uyu mukobwa wavutse ni imfura ya Cardi B ariko ni umwana wa kane mu bana Offset yibarutse kuko yari asanzwe afite abana batatu yabyaranye n’ abagore bakundanye mbere ya Cardi B.

Offset w’imyaka 26 na Cardi B w’imyaka 25 batangiye inzira y’urukundo nyuma y’aho bahuriye i New York muri Gashyantare mu mwaka washize.

Aba bombi bahishe urukundo rwabo kugeza mu kwezi kwa 10 ubwo Offset yapfukamaga agasaba Cardi B ko yamubera umufasha mu gitaramo cyari kitabiriwe n’abantu benshi. Nyuma y’iminsi mike, abantu bamenye ko aba bombi bari basanzwe bibanira nk’umugabo n’umugore nyuma yo gushyingirwa mu ibanga.

Ubukwe bwa Cardi B na Offset bwabaye mu ibanga kuwa 20 Nzeri 2017 mu rukiko ruri ahitwa I Fulton. Cardi B yabwiye abafana ko ubukwe bwe na Offset ari bimwe mu bihe byiza bagiranye atazibagirwa kandi ngo nta mpamvu yari gutuma babyasasa isi yose ikabimenya.

Mu magambo ya Cardi B, ati “Urukundo rwacu rwari rukiri rushya,uyu munsi tugakundana ejo tugashwana kandi twari dufite byinshi byo gukora ariko tudashaka gutandukana.Umunsi umwe twazindutse dupanga iby’ubukwe ndetse burataha n’ubwo nta kanzu y’ubukwe nari nambaye cyangwa se niteguye bikomeye, yewe habe no kwambara impeta kuri uwo munsi.”

Abakurikira Cardi B ku rubuga rwe rwa Instagram bifurije ishya n’ihirwe umwana yibarutse, gusa bagaragaza ko bamwise amazina adasanzwe.

Mu mwaka wa 2015, Cardi B yamenyekanye nk’umwe mu bakobwa bakurikirwaga na miliyoni nyinshi z’abantu bakoresha Instagram. Nyuma gato, yatangiye gukora ibiganiro kuri televiziyo yitwa VH1 ahita yinjira mu muziki. Indirimbo nka Girls like you Cardi B yakoranye na Maroon 5 na Finesse remix ni zimwe mu ndirimbo zamenyekanishije uyu mukobwa. Yatwaye ibihembo byinshi birimo BET A wards, iHeart Radio Music Awards.

JPEG - 376.9 kb

Cardi B wibarutse imfura ye y’umukobwa


INKURU ZA :
Tanga Igitekerezo
Ibitekerezo 2
uwiringiyimana ibrhim Kuya 22-07-2018

ababashizi bisoni bohanze yureagasababo mutubabarire ayamafoto ntimukajye muyashyira kumbuga nkoranyambaga kuko yangiza abanabacu ugasanga arikubangiza mumutwe kandi bitakabaye ngimbwa murakoze

gakuba Kuya 15-07-2018

Njye ndumva ntakidasanzwe kirimo kuko na mazina ya nyina nuko we azi icyo ayo mazina yayamwitiye

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
  • uwayo https://umuseke.rw/amp/turarakaye-twabuze-epfo-na-ruguru-abagore-babwira-paapa.html

    ">nsubize#Igiraneza https://umuseke.rw/amp/turarakaye-twabuze-epfo-na-ruguru-abagore-babwira-paap
  • IZINDI NKURU WASOMA
    Loading...