konka coffee
KONKA

AMAKURU

UKWEZI
ubumwe

VIDEO: Miss Nimwiza Meghan yavuze byinshi ku buzima bwe no ku nshuti bararanye Mwiseneza Josiane

VIDEO: Miss Nimwiza Meghan yavuze byinshi ku buzima bwe no ku nshuti bararanye Mwiseneza Josiane
28-01-2019 saa 17:04' | By Chief Editor | Yasomwe n'abantu 16230 | Ibitekerezo 2

Nimwiza Meghan w’imyaka 20 y’amavuko, niwe uherutse kwambikwa ikamba rya Miss Rwanda 2019. Ikinyamakuru Ukwezi cyamusuye iwabo mu rugo, atuganirira byinshi ku buzima bwe, umuryango akomokamo, amashuri yize n’ibigo byinshi yizeho hanyuma anavuga kuri Mwiseneza Josiane, inshuti ye akunda cyane yamubaniye neza cyane ko ari nawe babanye mu cyumba ubwo bari mu mwiherero w’abahataniraga ikamba rya Miss Rwanda 2019.

Nimwiza Meghan ni umwana w’umukobwa wavutse tariki 10 Ukwakira 1998, bivuga ko afite imyaka 20 irengaho gato. Yavutse kuri se Ruvebana Gaspard na nyina Basiime Betty, akaba ari imfura mu muryango w’abana batatu bose b’abakobwa. Nimwiza Meghan yavukiye i Kigali, mu bitaro bya La Croix du Sud ahazwi nko kwa Nyirinkwaya.

Twamusuye aho we n’umuryango we batuye, ni mu mudugudu witwa Akaruvusha mu kagari ka Gacuriro mu murenge wa Kinyinya ho mu karere ka Gasabo mu mujyi wa Kigali, aho avuga ko we n’umuryango we bamaze igihe kirekire batuye. Mu kiganiro kirambuye cy’amashusho, yavuye imuzi ibijyanye n’ubuzima bwe, urugendo rwe muri Miss Rwanda 2019 n’ibindi bitandukanye.

REBA HANO IWABO WA MISS RWANDA 2019:

Nimwiza Meghan afite umwihariko wo kuba yarize ku bigo byinshi mu mashuri ye y’incuke, abanza n’ayisumbuye. Yatangiriye amashuri y’incuke ku kigo cya APACOPE, arahava akomereza kuri Good Foundation mu mashuri abanza ariko nabwo ntiyaharangiriza ahita ajya ku kigo cya Les Petits Poussins ari naho yarangirije amashuri ye abanza.

Yahise akomereza amashuri yisumbuye muri Kigali Christian School i Kibagabaga ariko ntiyahakomereza kuko yashakaga kujya mu kigo azajya yiga abamo (Internat) bityo ahita ajya kwiga i Rwamagana muri Marie Reine de la Paix, aha naho ntiyaharangirije icyiciro rusange cy’ayisumbuye kuko yahise ajya kwiga muri Wellspring Academy . Icyiciro cya kabiri cy’amashuri yisumbuye yagikomereje muri SOS aho yize ikoranabuhanga mu bya mudasobwa (Computer Science).

Nimwiza Meghan yakuze afite inzozi zo kuzaba umuganga ariko ngo arangije icyiciro rusange bamuhaye ishami ryagombaga kuzamugeza kuri izo nzozi yumva sibyo agishaka ahubwo ahitamo kwigira mu by’ikoranabuhanga mu bya mudasobwa.

Mu gihe Nimwiza Meghan yari kumwe na bagenzi be mu mwiherero i Nyamata, yabanye na Niyonsaba Josiane icyumweru kimwe ikindi abana na Mwiseneza Josiane, umukobwa agaragaza nk’udasanzwe kandi ngo uko babanye byunze ubucuti bwabo cyane kuburyo hari n’imishinga bishoboka ko bazakorana.

Miss Nimwiza Meghan ashimangira ko Josiane Mwiseneza ari umuntu mwiza cyane kandi ukunda gusenga kuburyo ngo yamubereye inshuti ikomeye ahora azirikana. Yagize ati: "Ikintu cya mbere nzamwibukiraho ni ukuntu yahoraga ambwira ngo azanyirukana mu cyumba cye. Hari igihe nabaga nagiye nko mu bindi byumba akaza agasanga sindakingura icyumba cyanjye ngo ninjire, kuko twabaga dufite urufunguzo rumwe cyangwa urundi twarutaye mu cyumba, yaza agafungura agasanga sindinjira akaza kunshaka akambwira ati kandi wowe nzakwirukana mu cyumba cyanjye, nanjye naza namubura nkamubwira nti nanjye nzakwirukana, kubana nawe byari byiza"

Nimwiza Meghan akomeza agaruka kuri Mwiseneza Josiane agira ati: "Ikindi kandi ni umuntu ukunda gusenga, kuko iyo nabaga ngiye kuryama ntasenze yarambwiraga ati byuka tubanze dusenge, tugafatana mu maboko tugasenga. Mana yanjye, Josiane ni umuntu mwiza, sinzi ukuntu ndibubibabwire. Josiane ni umuntu udasanzwe, ntabwo ari ibintu bya buri wese kubona umuntu nk’uriya"

Ikiganiro cy’amashusho twagiranye na Miss Nimwiza Meghan ni kirekire, yagitangarijemo byinshi kuri we, bishobora kukumara amatsiko ku bibazo ushobora kuba wibaza. Kuki Nimwiza Meghan yahoraga ahindura ibigo yizeho? Akunda iki mu buzima ari nacyo yakundiye cyane Mwiseneza Josiane? Ni iki Meghan yanga mu buzima bwe? Ni inde muntu afata nk’ikitegererezo mu buzima bwe? Ababyeyi be babyakiriye bate ababwira ko agiye guhatana muri Miss Rwanda? Ni iki Meghan akunda kurya? Ni iki akunda mu mikino n’imyidagaduro? Ni izihe ndirimbo akunda kumva? Abahanzi nyarwanda akunda indirimbo zabo ni bande? Meghan yakiriwe ate atahanye ikamba iwabo?

IBI N’IBINDI BYINSHI URABISUBIZWA MURI IKI KIGANIRO CYA VIDEO HANO:


INKURU ZA :
Tanga Igitekerezo
Ibitekerezo 2
Firimini Kuya 28-01-2019

abobakobwa bazakomeze gukundana kandi ndumva amasengesho basenze atarabapfiriye ubusa

hitimana Kuya 28-01-2019

Niba nibuka neza,uyu mukobwa yananiwe gusubiza ikibazo cyo mu Cyongereza.Bamusabye kuvuga icyo azi kuli EAC,abeshya ko igizwe n’ibihugu 5 kandi ari ari 6.Ananirwa no kuvuga amazina yabyo.Iryo ni ikosa rikomeye ryali rikwiye kumubuza kuba Nyampinga.
Gusa jyewe icyo mwisabira,nuko yazitwara neza ntiyiyandarike nkuko ba Nyampinga bamwe babigenje nyuma yo kubona ikamba.Urugero ni Bahati Grace wabyaye umwana na Akiwacu Lacolombe duhora tubona ku mafoto yanitse ibibero n’amabere muli France aho akora akazi ka Mannequin (fashion model).Aka ni akazi kabi cyane gatuma abakobwa biyandarika.Nyampinga nyawe,ni umukobwa utinya Imana,ntajye mu bagabo cyangwa udashyira imbere amafaranga,ahubwo agashaka Imana cyane kugirango izamuhe ubuzima bw’iteka muli paradizo.Bible ivuga ko Ubuto (youth) n’Ubwiza ari "ubusa".Kubera ko ejo usaza ntihagire uwongera kukureba.Ariko ushaka Imana izamuzura ku munsi w’imperuka,abe muli paradizo iteka ryose.

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...