AMAKURU

UKWEZI

Y-Filla uba muri Canada ushaka kumenyekanisha muzika Nyarwanda yasohoye Mixtape

Y-Filla uba muri Canada ushaka kumenyekanisha muzika Nyarwanda yasohoye Mixtape
28-05-2018 saa 15:34' | By Muhizi Olivier | Yasomwe n'abantu 1142 | Ibitekerezo

Y-Filla uba muri Canada ashaka kumenyekanisha muzika nyarwanda yasohoye mixtape nshya iriho indirimbo 5 ziganjemo iza Rap ziri mu kinyarwanda no mu cyongereza harimo nk’iyitwa ‘Jam my life’.Uyu musore arajwe ishinga no kumenyekanisha muzika Nyarwanda muri Canada.

Shyaka Yves mu muziki uzwi nka Y-Filla ni umunyarwanda uba mu gihugu cya Canada aho akorera n’umuziki, ndetse akaba ari n’umunyeshuri.

Avuga ko yasohoye mixtape yamutwaye imbaraga nyinshi ndetse n’igihe kinini bitewe n’uko ngo yabifatanyaga n’ubuzima bw’ishuri ndenze na Studio zaho zikaba zihenzze cyane.

Akomeza avuga ko yakomeje guterwa umuhate wo kubikora n’urukundo akunda umuziki by’umwihariko umuziki nyarwanda, bityo abikora yumva ko nta kigomba kuzamukoma mu nkokora kimubuza kugera ku nzozi ze.

Izo ndirimbo eshanu yakoze inyinshi ziri mu kinyarwanda izindi mu cyongereza. Zimwe mu zigize iyo mixtape ye harimo nk’iyitwa ‘Uwo ni njyewe’,’AfroTrap’, na’ Jam my life’ ari nayo yitiriye mixtape ye.

Y-Filla avuga ko aterwa ishema n’aho akomoka kandi na muzika ye ariho ifite imizi.

Ati “Nakoze iyi mixtape nshaka kwereka amahanga ko n’abanyarwanda dukunda iby’iwacu ari nayo mpamvu henshi naririmbye mu Kinyarwanda kurusha indimi zivugwa hano.”

Y-Filla avuga ko Abanyarwanda bakwiye kumumenya nk’umwe mu bahanzi ba Hip hop kandi yizeye kuzagaruka iwabo afite n’ibindi bikorwa byagutse bya muzika avanye muri Canada.

Uyu musore ukora Rap avuga ko yishimira intambwe abahanzi bo mu Rwanda bari gutera muri Hip hop kuko kubwe abona ko bageze ku rwego rushimishije.

Y-Filla ngo yakoze Mixtep ashaka kwereka amahanga ko n’abanyarwanda dukunda iby’iwacu


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
netlink
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...