konka coffee
KONKA

AMAKURU

UKWEZI

Abifuza kubaka bahishiwe byinshi n’uruganda rwa CIMERWA rukora sima

Abifuza kubaka bahishiwe byinshi n’uruganda rwa CIMERWA rukora sima
26-02-2018 saa 11:03' | By Chief Editor | Yasomwe n'abantu 4486 | Ibitekerezo

Uruganda rukora isima mu Rwanda ’CIMERWA’ rwatangaje ko kimwe mu bituma igiciro cya sima kikiri hejuru biterwa n’uko ruhendwa n’ibicanwa birimo amakara rukoresha mu kuyikora.

Mu kiganiro ubuyobozi bw’uru ruganda bwagiranye n’abanyamakuru ku wa 26 Gashyantare 2018, kigamije gutangaza intego nshya rwihaye mu mpera za 2017 ariyo ‘Strengthening Rwanda (Kongerera imbaraga u Rwanda)’ no kureba intambwe uruganda rumaze gutera, bwanasubije igituma sima idahenduka.

Umuyobozi ushinzwe Imishinga migari muri Cimerwa, Rutaganda Juvénal, yavuze ko biterwa nuko ibicanwa bikoreshwa bihenze.

Yagize ati “Ikintu kitugora cyane ni ukugura ariya makara dutwikisha. Ikiri gukorwa ubu, abikorera na Leta bari kudufasha kureba uko twayabona ku giciro giciriritse. Uko agura make niko n’igiciro cya sima kigabanuka. Hari gukorwa byinshi birimo no kureba ubundi bwoko bw’ibicanwa twakoresha bishobora gusimbura ayo makara.”

Yongeraho ko kugabanya igiciro biterwa n’icy’iby’ifashishwa mu gutunganya ibyo uruganda rukora.

Umuyobozi Mukuru wa Cimerwa, Bheki Mthembu, yavuze ko ubundi buryo buhanzwe amaso ni umushinga wo gutunganya Gaz Methane yo mu Kiyaga cya Kivu kuko yo niboneka izajya igurwa mu gihugu.

Uruganda rwa Cimerwa rwongereye umusaruro, ruva kuri toni ibihumbi 100 za sima ku mwaka mu 2013, ubu rugeze ku bihumbi 600.

Uretse kongera umusaruro, uru ruganda ruvuga ko n’Abanyarwanda bamaze kumva neza agaciro ka sima ya Cimerwa, bakaba ariyo bahaha bigashyigikira gahunda y’ibikorerwa imbere mu gihugu.

Runatangaza ko rufite intego y’uko rutangomba kuba ruzwiho ibikorwa byo gucuruza sima gusa, rukagira n’ibikorwa by’iterambere n’imibereho myiza rugeza kuri Sosiyete Nyarwanda.

Bimwe muri byo, ni ivuriro rifite imbangukiragutabara, rikaba rihuriweho n’imirenge itatu yo mu Karere ka Rusizi; ikigo cy’amashuri kirera abana basaga 480; gutunganya amashyuza; gufasha Abacitse ku icumu rya Jenoside yakorewe Abatutsi n’ibindi.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...