konka coffee
KONKA

AMAKURU

UKWEZI

Airtel na Tigo barimo gufatanya na Radiant kwita ku banyarwanda mu gihe barembeye mu bitaro

Airtel na Tigo barimo gufatanya na Radiant kwita ku banyarwanda mu gihe barembeye mu bitaro
8-03-2018 saa 21:29' | By Chief Editor | Yasomwe n'abantu 1908 | Ibitekerezo

Tigo na Airtel, ku bufatanye na Radiant Insurance Company, Inclusivity Solutions hamwe na Access to Finance Rwanda batangije ku mugaragaro ubwishingizi bushya bw’akataraboneka bwiswe Ingoboka Cash. Hamwe n’umubare w’abakiriya basaga miliyoni 4.1, n’abakoresha Tigo cash na Airtel money basaga miliyoni 1.4, Tigo na Airtel bakomeje guha agaciro ubuzima bw’abanyarwanda n’imibereho myiza yabo, babazanira serivisi nziza bisangamo.

Umuyobozi wa Airtel/Tigo, Phillip Amoateng, mu kumurika ubu buryo bushya kuri uyu wa Gatatu yagize ati”Abakiriya bacu nibo baturaje ishinga, niyo mpamvu iteka duhora dushakisha uburyo bwo kubashimira ko ari twe twenyine bahisemo. Uko Tigo na Airtel bikomeza guhuzwa, turashaka kwereka abakiriya bacu ko ari bo tuzakomeza gushyira imbere ya byose. Binyuze muri iyi serivisi idasanzwe kandi yihariye ya Ingoboka Cash, turakomeza kwerekana ko ubuzima bw’umukiriya, n’imibereho ye myiza, ari iby’ingenzi cyane kuri twe. Ingoboka Cash ni isezerano ntakuka ryo kwita ku bakiriya bacu dukunda”.

Ingoboka Cash irimo ubwishingizi bubiri bw’abakiriya bakoresha Tigo Cash cyangwa Airtel Money, bukabarinda guhangayika igihe bamaze iminsi itatu yikurikiranye mu bitaro yangwa se irenzeho. Ubu buryo bubiri bwakozwe hagendewe kubyo umurwayi akenera ari mu bitaro, ni Ingoboka Cash y’ubuntu ndetse na Ingoboka Cash yishyuwe. Binyuze mu Ingoboka Cash, umukiriya wemerewe, akoresha Tigo Cash cyangwa Airtel Money, ahabwa nibura 4000 Frw ku munsi, akayifashisha mubyo akeneye byose nko kugemurirwa, amafaranga y’urugendo cyangwa se imiti. Aya mafaranga yishyurirwa gusa uwiyandikishije mu Ingoboka Cash, akayahabwa binyuze kuri Tigo cash cyangwa Airtel Money ye.

Ingoboka Cash y’ubuntu ni serivisi itishyurwa, imara igihe runaka cyagenwe ku mukiriya wa Tigo Cash na Airtel Money wakoresheje nibura Frw 1000 mu kwezi kubanziriza uko yarwayemo. Ingoboka Cash yishyuwe yo, umukiriya wa Tigo Cash yizigamira amafaranga make make, akazahabwa amafaranga menshi yo kwifashisha igihe ahawe ibitaro. Ingoboka Cash yishyuwe ishobora kwishingira umuntu ku giti cye cyangwa umuryango wose.

Umukuru w’ikigo cya Inclusivity, Jeremy Leach, asobanura iby’ubu buryo yagize ati “Inclusivity Solutions ishimishijwe no kugira uruhare mu iterambere ry’ubukungu bose bibonamo binyuze mu Ingoboka Cash. Ingoboka Cash izanye impinduka nziza zifatika ku muryango nyarwanda itanga ubwishingizi buri wese yageraho kandi mu buryo buhendutse. Nk’impuguke mu guhanga ubwishingizi binyuze mu ikoranabuhanga, Inclusivity solutions itewe ishema no kuba umufatanya bikorwa w’ibanze mu guhanga no gushyira mu bikorwa iyi serivisi ku bufatanye na Tigo, Airtel ndetse na Radiant Insurance, babitewemo inkunga na Access to Finance Rwanda.”

Umuyobozi mukuru wa Radiant Insurance company, Marc Rugenera, yasobanuye uburyo ikigo ayobora gihora gishaka kugeza ibyiza ku banyarwanda. Yagize ati ”Radiant Insurance Company inejejwe no kuba umwishingizi benshi bifuza kugana mu Rwanda, wateguye ubu bwishingizi bugendera ku ikoranabuhanga ari bwo Ingoboka Cash. Muri uyu mushinga w’ingenzi ugamije gutanga ubwishingizi buhendutse ku bufatanye na Tigo, Airtel Rwanda, Inclusivity Solutions na Acess to Finance Rwanda, Radiant insurance Company ifite ubushobozi bwo kurinda abanyarwanda guhangayikishwa n’ibibazo byaza bitunguranye nk’indwara n’ibindi bibazo bijyanye no kujya mu bitaro bibasaba amafaranga. Hamwe n’iyi serivisi idasanzwe, abakiriya bacu baba bizeye amafaranga yihuse bifashisha basubiza ubuzima bwabo ku murongo badahangayitse. Iwacu muri Radiant Insurance Company, Isezerano ni Isezerano”.

Waringa Kibe, umuyobozi wa Access to Finance Rwanda mu Rwanda, we mu ijambo rye hatangizwa ubu buryo ku mugaragaro yagize ati: ”Nk’abashinzwe korohereza uruganda rw’imari gukora neza, dufite umurava mu kugeza ubwishingizi ku yindi ntera, binyuze mu ikoranabuhanga. Twemera ko bizatanga ibisubizo birambye ku bantu bafite ubushobozi buciriritse bifuza kwiteganyiriza bakazamura imibereho yabo mu Rwanda. Ku bw’ibyo rero twishimiye ubufatanye na Inclusivity solutions, Tigo, Airtel na Radiant Insurance Company mu gutanga ibisubizo byagenewe kuvugurura ubwishingizi bikihutisha kubugeza kuri benshi mu gihugu. Access to Finance Rwanda, ikomeza gukorana n’abafatanyabikorwa batandukanye kugirango haboneke imishinga n’ibisubizo birambye”.

Igitabo cy’Imibare ku buzima bw’abanyarwanda cy’umwaka gitangazwa na Minisiteri y’Ubuzima kigaragaza ko umubare fatizo w’amajoro umuntu amara mu bitaro uri hagari y’amajoro 4 n’amajoro 6. Umunyarwanda akaba atakaza nibura amafaranga 700 ku munsi igihe ari mu bitaro, bisobanuye amafaranga 3400 ku majoro yose.

Iyi gahunda ifasha ku buryo bufatika igice kingana na 83,5% cy’abanyarwanda bari mu cyiciro cya kabiri cy’ubudehe bangana na 3,077,816 n’abo mu cyiciro cya gatatu bangana na 5,766,506 bashegeshwa n’ibibazo igihe barembye.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...