konka coffee
KONKA

AMAKURU

UKWEZI

Airtel na Tigo byatangiye urugendo rushya, bivana abakiliya mu bwiza bibajyana mu gahebuzo

Airtel na Tigo byatangiye urugendo rushya, bivana abakiliya mu bwiza bibajyana mu gahebuzo
16-03-2018 saa 13:54' | By Chief Editor | Yasomwe n'abantu 3127 | Ibitekerezo

Kugeza ubu, Airtel Rwanda, nicyo kigo cy’itumanaho rya telefone zigendanwa gifite abakiliya benshi mu Rwanda, nyuma y’uko mu mpera z’umwaka ushize cyaguze Tigo Rwanda bikibumbira hamwe nk’uko byanemejwe n’ikigo ngenzuramikorere mu Rwanda, RURA. Kuri ubu rero, abasanzwe bakoresha Tigo na Airtel bashyiriweho agahebuzo, mu rugendo rushya rwiswe “Go from Good to best”.

“Go from Good to best” bishatse kuvuga "Kuva mu byiza ujya mu by’agahebuzo" ni uburyo bushya bwamuritswe kuri uyu wa Kane tariki 15 Werurwe 2018, aho abakiliya basanzwe bakoresha SIM Cards za Tigo n’abakoresha iza Airtel bazajya bahabwa serivisi zimwe, bagahamagara ku biciro bimwe kandi bakanakoresha internet ku mafaranga macye bahuriyeho, by’akarusho n’iminara y’ihuzanzira (Network) bakaba batangiye kuyikoresha bose kuburyo guhuzwa kwayo bizatuma ntawuzongera kugorwa n’itumanaho mu gihugu cyose.

Umuyobozi mukuru w’iki kigo cyahuje Airtel Rwanda na Tigo Rwanda, Bwana Philip Amoateng, asobanurwa iby’ubu buryo yagize ati: "Twishimiye cyane kubagezaho ubu buryo kandi ndabizeza ko abakiliya bacu bagiye kuryoherwa n’umuryango mugari barimo hamwe n’ibiciro by’agahebuzo kuri serivisi tubagezaho. Muri byinshi bizabanyura, harimo kubona izuzanzira (network) ivuguruye ku muyoboro wagutse kurushaho bazajya basangira, waba wakoreshaga Airtel cyangwa Tigo"

JPEG - 106.1 kb

Umuyobozi mukuru w’iki kigo cyahuje Airtel Rwanda na Tigo Rwanda, Bwana Philip Amoateng

Muri bitatu by’ingenzi byamuritswe, harimo ibiciro bishya byo guhamagarana hagati ya Airtel na Tigo, ibiciro bishya bya Internet yihuta ndetse n’umuyobozo mugari uhuriyeho Airtel na Tigo, aho abakiriya ba Airtel n’aba Tigo bose bazajya bakoresha umuyoboro umwe (network) haba mu guhamagara no gukoresha ikoranabuhanga rya Internet.

Amakarita (SIM Cards) abakiriya bafite ntazahinduka ndetse abakiriya bazakomeza kuryoherwa na serivisi basanzwe bakunda zirimo nka Bomba kuri Airtel cyangwa Cyizere kuri Tigo ndetse na Isanzure na Wiceceka byose bizagumaho, ariko ibyo byiyongereho serivisi zibahuza zirimo izo guhamagara no gukoresha internet, kandi urugero nk’uwa Tigo uzagura Cyizere azayikoresha no ku bafite Airtel kimwe n’uko uwa Airtel uzagura Bomba azayikoresha no ku bakiriya basanzwe bakoresha Tigo.

Abakoresha Tigo na Airtel bazajya bakanda *255# hanyuma babashe kwinjira mu buryo bwo kubona amapaki yo guhamagara cyangwa aya Internet, maze bibafashe kuryoherwa n’itumanaho riri hagati y’umuryango mugari w’abakabakaba miliyoni 5 hirya no hino mu gihugu ku biciro bimwe bishimishije.

JPEG - 145.3 kb

Byari ibyishimo bikomeye mu muhango wo kumurika ubu buryo bushya

JPEG - 124.2 kb
JPEG - 87.5 kb

Umuhanzi King James yafashije abari aha kwishimira ubu buryo bugiye guha abakiriya iby’agahebuzo


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
  • uwayo https://umuseke.rw/amp/turarakaye-twabuze-epfo-na-ruguru-abagore-babwira-paapa.html

    ">nsubize#Igiraneza https://umuseke.rw/amp/turarakaye-twabuze-epfo-na-ruguru-abagore-babwira-paap
  • IZINDI NKURU WASOMA
    Loading...