AMAKURU

UKWEZI

Abagabo 2 bafashwe batwaye mu mifuka imirambo y’abana isa n’iyokejwe mu mavuta

Abagabo 2  bafashwe batwaye mu mifuka imirambo y’abana isa n’iyokejwe mu mavuta
18-05-2018 saa 12:23' | By Vincent Nsengiyumva | Yasomwe n'abantu 11778 | Ibitekerezo 1

Abagabo babiri batatangajwe amazina bo mu gace ka Ogun muri Nigeria, batawe muri yombi na polisi yo muri iki gihugu batwaye mu mifuka imirambo y’abana. Iyo mirambo yasaga n’iyabanje gukarangwa mu mavuta cyangwa gutwikwa igashiririzwa.

Bivugwa ko aba bagabo batawe muri yombi, bagiye bashimuta abana mu bihe bitandukanye ndetse no mu bice binyuranye by’igihugu, bakaza kubica maze imirambo yabo igatwikwa kugirango bazayikoreshe mu bikorwa by’amarozi n’ubupfumu.

Ikinyamakuru KlannyBlog.com cyo muri Nigeria dukesha iyi nkuru cyashimangiye ko abagabo babiri bataramenyekana amazina batawe muri yombi na polisi batwaye imibiri y’abana mu mifuka ndetse ko iyo mibiri yari yaratwitswe cyangwa yarokejwe mu mavuta.

Iki kinyamakuru kivuga ko umugore w’umwe muri aba bagabo bakoze aya mahano ariwe wagiye gutabaza polisi nyuma yo kuvumbura ibikorwa byabo, maze iraza ibagwa gitumo bafite imifuka ipakiyemo imibiri y’abana basa n’abakaranzwe mu mavuta bagashiririzwa.

Aba bagabo bombi bahise bajyanwa kuri Sitasiyo ya polisi iherereye muri aka gace ka Ogun bafatiwemo, bakaba bakurikiranweho ibyaha byo gushimuta no kwica urubozo abana bato.

Igihugu cya Nigeria kiri mu bihugu bya mbere ku mugabane wa Afurika bishyirwa mu majwi mu kugira abarozi benshi bakomeye, aho usanga abenshi ngo bakoresha ibice binyuranye by’imibiri y’abantu, inyamaswa n’ibindi muri ibyo bikorwa byabo.

JPEG - 325.2 kb

Aba bagabo bafatanwe imifuka myinshi ipakiyemo imibiri y’abana batwitswe bagashiririzwa

JPEG - 95.6 kb

Muri Nigeria hakunze kuvugwa ibintu by’amarozi adasanzwe, aho bakoresha ibice by’imibiri y’abantu muri ibi bikorwa


INKURU ZA :
Tanga Igitekerezo
Ibitekerezo 1
Aulerie Kuya 19-05-2018

Nyagasani Yezu umukiza wisi yose natabare Nigeria kuko shitani yahagize indiri yayo peeee!

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...