konka coffee
KONKA

AMAKURU

UKWEZI

Kenya: Urugomero rw’amazi rwaturitse ruhitana abagera kuri 20

Kenya: Urugomero rw’amazi rwaturitse ruhitana abagera kuri 20
10-05-2018 saa 13:08' | By Vincent Nsengiyumva | Yasomwe n'abantu 1723 | Ibitekerezo

Imvura idasanzwe yaraye iguye mu gihugu cya Kenya mu gace ka Solai kari ku bilometero 120 mu majyaruguru ashyira uburengerazuba bwa Nairobi, iteza inkangu ikomeye yatumye urugomero rw’amazi ruraturika rugahitana abantu bagera kuri 20.

BBC dukesha iyi nkuru yatangaje ko abakorera ishyirahamwe ritabara imbabare Croix Rouge muri Kenya, bavuze ko abantu batanu baburiwe irengero, bagera kuri mirongo ine bakaba batabawe batarahasiga ubuzima.

Iri sandara ry’uru rugomero ryatewe n’umwuzure udasanzwe watewe n’iriya mvura yaguye muri aka gace, ndetse kugeza ubu hakaba hari kubarurwa amazuagera kuri magana atanu yassenywe n’imyuzure yashegeshe aka gace.

Abaturiye ahabereye ibi biza bavuga ko bumvise ikintu giturika n’urusaku rwinshi, mbere y’uko amazi menshi amanukayihuta cyane maze akabasanga mu mazu yabo.

Umuyobozi w’Intara ya Nakuru aho kiriya kiza cyabaye witwa Lee Kinyajui yatangaje ko amazi ya ruriya rugomera yangije ibintu byinshi kandi ibikorwa byo gusana bizagorana.

Imibare itangwa na Leta ya Kenya ivuga ko abantu 152 bamaze kwicwa n’ibiza biri guterwa n’imvura iri kuhagwa abantu ibihumbi 220 bakaba bamaze kuvanywa mu byabo n’ibi biza .


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...