konka coffee
KONKA

AMAKURU

UKWEZI

Umugabo yishe abana be b’impanga abaciye imitwe ahita atoroka

Umugabo yishe abana be b’impanga abaciye imitwe ahita atoroka
17-04-2018 saa 15:21' | By Vincent Nsengiyumva | Yasomwe n'abantu 7064 | Ibitekerezo

Umugabo witwa Respicius Diocress wo mu gace ka Butayaibega akarere ka Bukoba Intara ya Kagera muri Tanzania, yishe abana be b’impanga b’imyaka 4 abaciye imitwe, asiga ahaye mukuru wabo Bibilia ngo asigare abasengera maze ahita atoroka.

Uyu mugabo wihekuye mu joro ryo ku cyumweru tariki ya 15 Mata 2018, ubu ari guhigishwa uruhindu n’inzego za Polisi zo muri aka karere ndetse n’abaturanyi be, dore ko nyuma yo kwica aba bana yanagarutse agatwika inzu babagamo ndetse akanatemagura insina yari yateye hafi y’inzu.

Umukuru w’igipolisi cyo mu gace ka Butayaibega, Geofrey Deogratias yatangaje ko ubu bwicanyi bwabaye mu masaha ya saa saba z’igicuku ku Cyumweru, aho uyu mugabo yafashe abana be b’impanga bombi akabaca imitwe agahita atoroka.

Yagize ati "Nageze aho ubu bwicanyi bwabereye nsanga imirambo y’abana babiri aribo Devotha Nyangoma Respicius w’imyaka ine n’impanga ye yitwa Johanes Kato Respicius yaryamishijwe mu ruganiriro imitwe itandukanye n’ibihimba.Uyu mugabo wihekuye yari afite abana batatu aribo abana nabo gusa, ariko umwana umwe mukuru witwa Japhet Respicius w’imyaka 5 akaba ataramwishe ngo kugira ngo ariwe uzatanga ubuhamya bw’ibyabaye."

Devotha Nyangoma Respicius na Johanes Kato Respicius bashyinguwe ku munsi w’ejo tariki ya 16 Mata

Polisi yakomeje ivuga ko nyuma y’uko uyu mugabo akora ubu bwicanyi ndengakamere ngo yahamagaye polisi ayimenyesha ibyo amaze gukora maze nayo yihutira gutabara.

Geofrey Deogratias yakomeje avuga ko ubwo bageraga mu rugo rw’uyu mugabo basanze koko abana bishwe baciwe imitwe ndetse mukuru wabo abicaye imbere afite bibiriya mu ntoki arimo kurira cyane.

JPEG - 79.2 kb

Agahinda kari kose ku baturanyi b’uyu muryango

Ikinyamakuru Global Publishers dukesha iyi nkuru kivuga ko nyina w’aba bana yari yaratandukanye n’uyu mugabo ndetse ko umunsi yabiciyeho bari bavuye kumusura aho atuye mu kandi gace.

Abaturanyi b’uyu mugabo wihekuye bavuze ko nyuma yo gushyingura izi mpanga kuri uyu wa mbere tariki ya 16 Mata, ngo uyu mugabo yongeye kugaruka mu rugo rwe atwika inzu ndetse anatemagura insina zari munsi y’urugo arongera aratoroka ndetse ngo akaba yaranandikiye umuyobozi wo mu gace atuyemo ko azatuza yishe abo mu muryango we bose.

JPEG - 113.6 kb

Aha niho aba bana b’impanga bashyinguwe

Komanda wa Polisi mu ntara ya Kagera, Augustine Ollomi yavuze ko hagiye gukorwa iperereza ryo ku rwego rwo hejuru kugira ngo uyu mugabo atabwe muri yombi akurikiranwe kuri ibi byaha by’ubwicanyi ndengakamere.

JPEG - 110.2 kb

Nyuma yo kwihekura yaragarutse atwika n’inzu babagamo


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...