konka coffee
KONKA

AMAKURU

UKWEZI

Umugore yanze gutera akabariro n’umugabo we arakubitwa bimuviramo urupfu

Umugore  yanze gutera akabariro n’umugabo we arakubitwa bimuviramo urupfu
16-04-2018 saa 17:15' | By Vincent Nsengiyumva | Yasomwe n'abantu 4059 | Ibitekerezo

Umugabo witwa Kevin Smitham w’imyaka 51 wo mu Bwongereza yatawe muri yombi na Polisi yo muri iki gihugu aho akurikiranweho icyaha cyo gukubita umukunzi we witwa Kanda Smitham w’imyaka 29 akamwica nyuma yo kwanga ko bakorana imibonano mpuzabitsina.

Aya mahano yabaye kuri iki cyumweru tariki ya 15 Mata 2018, nyuma y’uko uyu mugabo yatahaga yasinze ageze mu rugo umugore yanga ko bakora imibonano mpuzabitsina, biramurakaza cyane atangira kumushinja kumuca inyuma, ari nako yatangiye kumukubita biza kumuviramo urupfu nk’uko Dailymail ibitangaza.

Polisi yahamije ko uyu mugore witwa Kanda Smitham yishwe n’inkoni yakubiswe n’uyu mugabo we nk’uko ibimenyetso byabibagaragarije.

Abaturanyi b’uyu muryango bakimara kumenya ko uyu mugabo yakoze amahano yo kwica umugore we, bahise bihutira gutabaza polisi maze ihageze isanga Kanda Smitham yapfuye ndetse afite ibikomere bigaragara ko yakubiswe.

Polisi yatangaje ko ubwo yatabazwaga yihutiye kuhagera mu masaha ya saa kumi n’ebyiri z’igitondo maze igasanga umurambo wa Kanda Smitham wajugunywe munsi y’inzu yambaye utwenda tw’imbere gusa.

Polisi yakomeje ivuga ko ubwo bageraga muri urwo rugo basanze Kevin Smitham ahari maze yiyemerera ko yashyamiranye n’umugore we, akamusunika maze akikubita hasi maze agahita yitaba Imana.

Umukuru wa Polisi wo mu karere ka Det Udom aya mahano yabereyemo witwa Watcharapol Pimwong, yashimangiye ko Kevin ari mu maboko ya polisi aho ari guhatwa ibibazo ku bijyane n’iyicwa ry’umukunzi we.

Nyakwigendera Kanda Smitham yari amaze igihe kitari gito abana n’umugabo we Kevin Smitham, bakaba bari bamaze kubyarana abana babiri .

Kevin Smitham na nyakwigendera Kanda Smitham bari bamaze kubyarana abana babiri


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...