konka coffee
KONKA

AMAKURU

UKWEZI

Umugore yitwikiye mu nzu n’abana kubera ko umugabo we atamuguriye inyama

Umugore yitwikiye mu nzu n’abana kubera ko umugabo we atamuguriye inyama
4-04-2018 saa 09:15' | By Vincent Nsengiyumva | Yasomwe n'abantu 2603 | Ibitekerezo 2

Umugore witwa Joan Naigaga wo mu gace ka Nakawano muri Namutumba yitwikiye mu nzu n’abana be babiri kubera ko ngo umugabo we atamuguriye inyama ku munsi mukuru wa Pasika.

Uyu mugore witwa Naigaga yitwikiye mu nzu hamwe n’abana be babiri b’abahungu, aribo Samson Owere w’imyaka 14 ndetse na murumuna we John Ofwono w’imyaka 11 ngo kuko umugabo w’uyu mugore witwa Mukama Gwaivu, atabaguriye inyama ku munsi mukuru wa Pasika nk’uko bari babyiteze.

Abaturanyi b’uyu muryango babonye ikibatsi cy’umuriro bahita batabara maze basanga uyu mugore n’abana be bamerewe nabi bihutira kubageza ku bitaro bya Budumba, Naigaga apfa akigerayo abana bo bahita batangira gukurikiranwa n’abaganga dore ko nabo bari bameze nabi cyane kubera ibikomere.

Dail Monitor dukesha iyi nkuru ivuga ko abaturanyi b’uyu muryango bayitangarije ko Naigaga n’umugabo we Gwaivu batangiye gushyamirana ku Cyumweru ku munsi wa Pasika mu masaha ya saa Cyenda, umugore arimo gushinja umugabo kumufata nabi we n’abana ngo kuko atari yabaguriye inyama zo kurya bizihiza umunsi mukuru wa Pasika.

Abaturanyi bakomeje bavuga ko intandaro yaturutse ku mashiringi bari bagurishijemo ihene muyri iyo minsi, aho yari yagurishijwe agera kuri 70, 000 Shs maze umugabo ahita yishyuriramo ishyuri umwe mu bana babo amashilingi 50 000 andi asigaye umugore amusaba ko yazagurwamo inyama zo kurya kuri Pasika.

Ku Cyumweru mu gitondo ubwo bavaga mu misa ya Pasika, Naigaga yatse umugabo we ya mafaranga ngo ajye kugura inyama maze umugabo amubwira ko ntayo agifite, ubushyamirane butangira ubwo, maze umugabo ahitamo guhungira iwabo mu gace ka Budumba ho mu karere ka Butaleja.

Mu masaha y’igicamunsi nibwo uyu mugabo yagarutse mu rugo maze umugore we atangira kumubwira nabi no kumusaba gusubira iyo amaze kurira umunsi mukuru maze umugabo yongera kumuhunga aribwo muri iryo joro umugore yafashe umwanzuro wo kwitwikira mu nzu n’abana.

Umuvugizi wa Polisi muri Busoga y’Iburasirazuba, James Mubi, yavuze ko bibabaje kuba umugabo yaremeye guta urugo kubera ko bamusabye kugura inyama ntabishobore.

Yanavuze ko hari gukorwa ibishoboka byose kugira ngo uyu mugabo atabwe muri yombi maze abazwe impamvu atuzuza inshingano z’urugo ahubwo akihutira kuruhunga.


INKURU ZA :
Tanga Igitekerezo
Ibitekerezo 2
Nzabahimana Abel Kuya 13-04-2018

ahaa nubwo ntazi aho ibyo byabereye arko birababaje gusa uwo mugabo agomba gukurikiranwa akabazwa impamvu atita kunshingano ze nk’umugabo.

Juv Kuya 7-04-2018

Ariko mujye mugerageza kunoza inkuru zanyu neza! Ni gute mushobora gutangira inkuru ikarinda irangira uyisoma ataramenya igihugu yabereyemo?!! keretse gusa ku muntu usanzwe azi uduce mwavuze..!! Problem!!

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...