konka coffee
KONKA

AMAKURU

UKWEZI

Abanyeshuri ba kaminuza birukanwe kubera ubusambanyi bakoze imyigaragambyo

Abanyeshuri ba kaminuza birukanwe kubera ubusambanyi bakoze imyigaragambyo
24-04-2018 saa 16:39' | By Akayezu Jean de Dieu | Yasomwe n'abantu 3985 | Ibitekerezo

Abanyeshuri 23 bo muri kaminuza ya ‘Islamic University’ (IUIU), iri mu karere ka Mbale mu Burasirazuba bw’Umujyi wa Kampala mu gihugu cya Uganda bakoze imyigaragambyo ikomeye nyuma y’icyemezo giherutse gufatwa n’ubuyobozi bw’iyi kaminuza cyo kubahagarika igihe cy’umwaka bashinjwa gukora ibikorwa by’ubusambanyi muri iyi kaminuza.

Aba banyeshuri bagizweho ingaruka n’iki cyemezo ari nabo bashinjwa ubusambanyi bandikiye ubuyobozi bwa kaminuza babusaba ko bwakora iperereza ryimbitse ku byavuzwe n’abashinzwe imyitwarire aho bavuze ko bafashe aba banyeshuri bihugitse mu mwijima bari kumwe n’abakunzi babo, ibintu bihabanye cyane n’amategeko agenga iyi kaminuza.

Ibaruwa yo guhagarika aba banyeshuri yasohotse tariki 14 Mata 2018, aho yavugaga ko bafashwe bari mu mwijima aho bageragezaga gukora ibikorwa bigaragaza abari mu rukundo birimo gusomana n’ibindi biganisha ku busambanyi kandi muri iyi kaminuza ngo ari ikizira.

Kuri uyu wa Mbere tariki 23 Mata 2018, nibwo umuhuzabikorwa w’iyi kaminuza ya IUIU , Dr Sulait Kabali,yabwiye Dail Monitor dukesha iyi nkuru ko ibihano aba banyeshuri babihawe kubwo kurenga ku mategeko n’amabwiriza agenda iyi kaminuza.

Dr Kabali yakomeje avuga ko aba banyeshuri bafatiwe mu cyaha cyo kwiba ibikoresho by’ikigo, banywa ibisindisha. Muri aba baghagaritswe harimo kandi n’abari bageze mu myaka ya nyuma bitegura ibizamini bisoza umwaka gusa ubuyobozi bw’iyi kaminuza ngo bushobora kuza kongera guterana bukigira hamwe ubusabe bw’aba banyeshuri bari kwigaragambya basaba kurenganurwa.

Iyi kaminuza ya IUIU imaze imyaka 30 ikorera muri iki gihugu cya Uganda ariko igendera ku mahame n’imyemerere y’idini ya Islam aho ari ikizira kuba abantu babiri badahuje ibitsina bakoranaho mu buryo nk’ubwo guhoberana, gusomana n’ibindi byose byaganisha ku gushaka gukora ubusambanyi.

Abakobwa bo muri iyi kaminuza bose baba bategetswe kwambara imyitandiro yambarwa n’abakobwa n’abagore bo muri iyi dini.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...