konka coffee
KONKA

AMAKURU

UKWEZI
ubumwe

Abashinwa banditse amateka yo kugeza irobo bwa mbere ku kwezi

Abashinwa banditse amateka yo kugeza irobo bwa mbere ku kwezi
3-01-2019 saa 11:53' | By Nsanzimana Ernest | Yasomwe n'abantu 959 | Ibitekerezo

Leta y’ Ubushinwa yatangaje ko irobo yayo yageze ku kwezi. Ni ubwa mbere yari ibigerageje kandi ngo byagenze neza.

Ibinyamakuru byo mu Bushinwa byatangaje ko iyi robo yageze ku kwezi saa munani n’ iminota 26 ku isaha ya GMT, bivuze ko hari saa kumi n’ iminota 26 z’ igitondo ku isaha yo mu Rwanda.

Iyi robo yitwaje ibikoresho byo kuyifasha gusuzuma uyu mubumbe ugaragiye Isi no gusuzuma niba kuri uyu mu bumbe ubuzima bushoboka.

Ubushinwa bwavuze ko ari intambwe nziza itewe mu bijyanye n’ ubuvumbuzi bwo mu kirere. Hageragejwe misiyo nyinshi zo kujya ku kwezi ariko iyaherukaga kugera ku ntego ni misiyo yiswe Apollo 17 yo mu 1972.

Iyi robo ‘The Chang’e-4 probe’ yamaze kohereza ku isi amafoto yafatiwe ku kwezi, aya mafoto yakwirakwijwe n’ ikinyamakuru cya Leta y’ Ubuhinwa.

Iyi robo yoherejwe tariki 7 Ukuboza 2018, igera hafi y’ ukwezi tariki 12 Ukuboza. Amafoto yafashwe na ‘The Chan’e-4 probe’ aherekanywa n’ amasitelite atandukanye kugeza ageze ku Isi. Iyi robo ntabwo yajyanye n’ umuntu ku kwezi iriyo yonyine.

Amafoto iyi robo yafashe yerekana ko Ukwezi gufite igice kijimye n’ igice gicyeye bisobanuye ko ku Kwezi naho habayo amanywa n’ ijoro.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...