AMAKURU

UKWEZI
ubumwe

Bwa mbere mu mateka umwami w’abami yatanze ingoma

Bwa mbere mu mateka umwami w’abami  yatanze ingoma
30-04-2019 saa 19:24' | By Nsanzimana Ernest | Yasomwe n'abantu 1309 | Ibitekerezo

Umwami w’abami Akihito w’Ubuyapani yatangaje ko atanze ingoma mu birori byabereye ku ngoro iri mu murwa mukuru Tokyo.

Mu ijambo rye rya nyuma nk’umwami w’abami, Akihito yatanze ibimenyetso by’ubwami, anashimira abanyagihugu uburyo bamushyigikiye mu myaka 30 yose yari amaze ku ngoma anongeraho ko yifuriza ubuzima bwiza n’umunezero igihugu cyabo n’isi yose.

Ibirori nyamukuru byo gutanga ingoma byabereye mu cyumba cy’ingoro imbere y’abatumirwa 300, barimo igikomangoma Naruhito, n’igikomangomakazi Masako.

Akihito w’imyaka 85 y’amavuko yemerewe ko ashobora gutanga ingoma nyuma y’aho atangarije ko yumva atagishoboye kuzuza inshingano ze kubera imyaka n’intege nke yumva asigaranye.

Ni umwami w’abami wa mbere w’Ubuyapani utanze ingoma mu myaka irenga 200 ishize.

Ingoma ya Akihito yaranzwe no kuganiriza abarwayi n’abahuye n’ibiza ari nabyo byatumye akundwa n’abaturage benshi b’Ubuyapani.

Akihito w’imyaka 85 y’amavuko yari yarabazwe kanseri ifata ibice by’imyororokere by’abagabo (Cancer de la prostate) mu mwaka wa 2003, hamwe n’umutima mu mwaka wa 2012.

Mu ijambo rye mu mwaka wa 2016, yari yatangaje ko afite impungenge ko imyaka ye ishobora gutuma atabasha gusohoza inshingano ashinzwe asaba ko yifuza gutanga ingoma.

Biteganyijwe ko igikomangoma Naruhito azahita yimikwa ejo ku wa Gatatu agatangira indi ngoma nshya yiswe Reiwa mu ndangamisi y’Ubuyapani. Naruhito azaba abaye umwami w’abami w’ 126 w’ubuyapani


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...