AMAKURU

UKWEZI
ubumwe

Dr Nyanzi uregwa gutuka Museveni yasabye ko ukuriye iperereza aza kumushinjura

Dr Nyanzi uregwa gutuka Museveni yasabye ko ukuriye iperereza aza kumushinjura
11-07-2019 saa 09:21' | By Nsanzimana Ernest | Yasomwe n'abantu 1295 | Ibitekerezo

Umugore wari Umushakashatsi muri Kaminuza ya Makerere akaba yarahagaritswe kuri uyu mwanya kubera ibyaha akurikiranyweho, yasabye urukiko gutumiza AIGP Grace Akullo, Umuyobozi w’ ishami rya Polisi ya Uganda rishinzwe iperereza kwitaba urukiko nk’ umutangabuhamya wo kumushinjura.

Dr Stella Nyanzi uregwa gutuka Perezida Museveni wa Uganda na nyina witabye Imana yasabye ibi nyuma y’ uko abatangabuhamya bagombaga kumushinjura banze kwitaba urukiko.

Nk’ uko byavuzwe n’ umunyamategeko wunganira Dr Nyanzi, Isaac Ssemakadde, ngo uyu mugore arasaba ko abatangabuhamya banze kwitaba urukiko ngo bamushinjure bashyirirwaho impapuro zibata muri yombi.

Yavuze ko AIGP Grace Akullo ariwe mutangabuhamya w’ umushinjura ukomeye usigaye kuko iki kirego cyose afite aho ahuriye nacyo.

Me Ssemakadde avuga ko bitabaho ko abatangabuhamya batatu banga kwitaba urukiko ntibanasabye imbabazi.

Uregwa yari afite urutonde rw’ abatangabuhamya 19. Umushinjacyaha Janat Kitimbo yasabye urukiko ko gusubika urubanza kuko ngo abona abatangabuhamya barabuze.

Yakomeje avuga ko nta mpamvu ihari yatuma abatangabuhamya banze kwitaba bashyirirwaho impapuro zibata muri yombi, cyokora ngo hari impamvu zatuma urubanza ruba rusubitswe impande zombi zikabanza kwitegura.

Perezida w’ iburanisha, Gladys Kamasanyu yahisemo gutumiza abatangabuhamya bose uko ari 19, mbere y’uko afata umwanzuro wo gusubika iburanisha ryari riteganyijwe none tariki 11 Nyakanga.

Ubushinjacyaha buvuga ko tariki 16 Nzeli 2018, Dr Nyanzi yashyize kuri page ye ya facebook ubutumwa buharabika Perezida Museveni na nyina witabye Imana.

Ubushinjacyaha kandi buvuga ko uyu mugore mu bihe bitandukanye yagiye ashyira kuri iyo page ye ubutumwa bubangamiye amahoro, n’ ubwinjira mu buzima bwite bwa Perezida Museveni.

Iyi ni inshuro ya kabiri Dr Nyanzi akurikiranyweho ibirego byo guharabika Perezida Museveni n’ umuryango we.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...