konka coffee
KONKA

AMAKURU

UKWEZI
Minijust

Ibyo wamenya k’ umugore ugaburira abana bo mu muhanda I Bujumbura

Ibyo wamenya k’ umugore ugaburira abana bo mu muhanda I Bujumbura
19-01-2019 saa 14:31' | By Nsanzimana Ernest | Yasomwe n'abantu 3210 | Ibitekerezo

Christine Ntahe, uri mu bagore 100 b’ indashyikirwa muri Afurika abana bo mu mahanda mu mujyi wa Bujumbura bamuhimbye ‘Mama Dimanche’ kubera igikorwa cy’ indashyikirwa amaze imyaka 25 akora buri Cyumweru.

Ntahe kuri ubu ugize imyaka 65 y’ amavuko amaze imyaka 25 afasha abana bo mu muhanda muri uyu mujyi. Uretse kuba buri Cyumweru abagaburira anabarihira amashuri bakiga.

Uyu mubyeyi buri Cyumweru arateka akagaburira abana 200 aricyo cyatumye bamuhimba ‘Mama wo ku Cyumweru’. Ntahe kandi afite abana 600 yitaho ku bijyanye n’ ishuri.

Christine Ntahe yabwiye BBC ko iki gikorwa yagitangiye mu 1993, nyuma y’urupfu rwa Perezida Melchior Ndadaye.

Yagize ati: "Natangiye mfasha abana 15 gusa. Ariko ubu ngeze ku magana. Igikorwa nkora ubwanjye kirakomeye cyane kandi gifite akamaro kubera ko benshi mu bo mfasha ubu bateye imbere, hari abarangije amashuri bari mu buzima butandukanye, hakaba n’abo usanga barubatse ingo zabo”.

Ntahe avuga ko yumva bimushimishije kuba bamwe mu bana bahoze mu muhanda yarabafashije kwiga ubu bakaba bararangije kaminuza.

Adrien Sibomana umwe mu bana Maman Dimanche yakuye mu muhanda afite imyaka 5 ubu afite imyaka 23 yiga muri Kaminuza.

Yagize ati "Niga mu mwaka wa mbere muri kaminuza muri informatique. Kuba narahuye n’uyu mubyeyi ni nk’igitangaza. Namwigiyeho byinshi harimo urukundo no gufashanya. Nahisemo kwiga informatique kuko nziko ikoranabuhanga kuko rigezweho rishobora gutuma mbona akazi vuba nanjye ngafasha abandi”

Christine Ntahe kuva mu myaka ya 80, amaze guhabwa ibihembo bitandukanye n’inzego z’igihugu, Imiryango mpuzamahanga n’ibihugu bikomeye nka za Leta Zunze Ubumwe za Amerika kuko yitanga mu gufasha abagowe.

Muri 2014 Perezida w’ u Burundi Petero Nkurunziza yamuhaye urupapuro bita certificat d’honneur. Christine Ntahe yakoze kuri radio y’igihugu cy’u Burundi mu cy’ imyaka 30 akora ibiganiro birimo n’ ibiganiro by’ abana.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...