Muri Leta Zunze Ubumwe za Amerika, hari impanga zavutse mu mezi atandukanye umwe ku wa 31/12/2019, undi avuka ku wa 01/01/2020 muri Leta ya Indiana.

Joslyn yavutse saa tanu z’ijoro n’iminota 37 (23h37) ku wa 31/12/2019 impanga ye Jaxon ahita avuka haciye iminota 30 , ni ukuvuga ku wa 01 z’ukwa mbere 2020.

Ikinyamakuru cyo muri Amerika cyatangaje iyi nkuru kivuga ko izo mpanga zavutse igihe kitaragera zikaba zikiri mu bitaro ziburirwa na sonde. Byari biteganyijwe ko izi mpanga zari kuzavuka ku kwezi kwa kabiri 2020.

Ariko ku wa 31/12/2019, niho ababyeyi babo, Dawn Gilliam na Jason Tello bagize amakenga bajya kwa muganga.

Papa w’aba bana avuga ko yatunguwe no kuba abana be baravutse mu myaka itandukanye. Ati "Icyadutangaje rero, bavutse ku matariki atandukanye n’imyaka itandukanye. N’ukuri twumiwe".