konka coffee
KONKA

AMAKURU

UKWEZI
ubumwe

Indege 60 ntizashoboye guhaguruka ku kibuga cya Jomo Kenyatta kubera imyigaragambyo

Indege 60 ntizashoboye guhaguruka ku kibuga cya Jomo Kenyatta kubera imyigaragambyo
6-03-2019 saa 14:42' | By Nsanzimana Ernest | Yasomwe n'abantu 2341 | Ibitekerezo 1

Polisi ya Kenya yakoresheje ibyuka biryana mu maso kugira ngo iburizemo imyigaragambyo y’ abakozi bo ku kibuga cy’ indege cya Jomo Kenyatta cya mbere mu bunini mu karere, gusa ingendo zisa n’ izahagaze.

Abagenzi ibihumbi bari mu gihirahiro kuri iki kibuga kuko batasobanuriwe ibyatumye ingendo zidakorwa uko bisanzwe, ibintu bavuga ko batishimiye.

Indege zigera kuri 60 zananiwe guhaguruka ku kibuga mpuzamahanga cy’indege cya Jomo Kenyatta - cya mbere mu bunini muri Afurika y’iburasirazuba - kiri mu murwa mukuru Nairobi wa Kenya. Amakuru avuga ko indege zimwe zagiye nta bagenzi zifite.
Ibibuga by’indege by’i Mombasa, Eldoret na Kisumu na byo byibasiwe n’iyi myigaragambyo.

Leta ya Kenya yamaganye iyi myigaragambyo ivuga ko itubahirije amategeko. Ivuga ko igiye kuzana abakozi bo gusimbura aba bigaragambya kugira ngo akazi gakomeze.
Polisi ya Kenya ihosha imyigaragambyo yagabwe aho iyo myigaragambyo iri kubera ndetse harashwe n’imyuka iryana mu maso mu gutatanya abigaragambya, nkuko bitangazwa n’ibitangazamakuru byo muri iki gihugu.

Moss Ndiema, umunyamabanga mukuru w’urugaga rw’abakozi bo mu rwego rwo gutwara abantu mu ndege ndetse wagize uruhare rukomeye mu gutegura iyi myigaragambyo, yatawe muri yombi.

Iyi myigaragambyo igamije iki?

Yatangiye saa sita z’ijoro ku isaha yo muri Kenya kuri uyu wa gatatu.
Moteri z’imashini zifashishwa mu kuzimya inkongi zikurwa mu mihanda y’indege yo ku bibuga by’indege, nuko abashinzwe umutekano, abakozi bagenzura abagenzi n’imizigo na bo bahagarika akazi.

Amashyirahamwe y’abakozi yamagana gahunda iteganywa yatuma kompanyi y’indege ya Kenya Airways iri mu gihombo ihabwa gucunga ibibuga by’indege bisanzwe bigenzurwa n’urwego rw’ingendo z’indege rwo ruri kubona inyungu rwa Kenya Airports Authority.

Aba bakozi bigaragambya bavuga ko ibyo bishobora gutuma batakaza akazi kabo.


INKURU ZA :
Tanga Igitekerezo
Ibitekerezo 1
Mimi Kuya 7-03-2019

Kenya niko yabaye, ikintu cyose barigaragambya, wagirango nta bundi buryo bagira bwo kumvikanisha ibyo bifuza.

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...