AMAKURU

UKWEZI
cheno 2020

Inzige zihaye ikaze muri Uganda, abasirikare ibihumbi 2 bagiye guhangana nazo

Inzige zihaye ikaze muri Uganda, abasirikare ibihumbi 2 bagiye guhangana nazo
10-02-2020 saa 14:44' | By Nsanzimana Ernest | Yasomwe n'abantu 12963 | Ibitekerezo 10

Minisitiri w’Intebe wa Uganda Dr. Ruhakana Rugunda yatumije inama y’igitaraganya yo kwiga ku buryo bwo guhangana n’icyorezo cy’inzige zamaze kugera muri Uganda.

Kuri iki cyumweru tariki 9 Gashyantare nibwo utu tusimba twageze muri Uganda twinjiriye mu majyaruguru ashyira iburasirazuba mu karere ka Amudat.

Inzige ni udusimba turya amababi y’ ibihingwa byose. Inzige aho zigeze zikurikirwa n’ibura ry’ibiribwa kuko imyaka yose iri mu mirima ziba zarayangije.

Inzige zimaze igihe ziri kuyogoza ibihugu byo mu ihembe rya Afurika birimo Ethiopia, Kenya Somalia na Sudani y’ Epfo. Ishami ry’umuryango w’abibumbye ryita ku buhinzi n’ibiribwa FAO ryaburiye ibihugu bya Afurika ko nihatagira igikorwa mu maguru mashya inzige zizagera no mu bihugu bitari ibyo mu ihembe rya Afurika.

Amateka agaragaza ko mu nzara zateye mu Rwanda harimo izatewe n’ibyorezo by’inzige n’ izatewe n’amapfa.

Itangazo ryashyizwe ahagaragara n’ibiro bya Minisitiri w’ Intebe wa Uganda rivuga ko hari itsinda ry’ingabo za Uganda rigizwe n’abasirikare 2000 rigiye gufatanya na Minisiteri y’Ubuhinzi n’ubworozi y’iki gihugu gutera imiti yica utu dusimba tumeze nk’ibihore. Ibihore bamwe babyita ibiharara.

Minisitiri w’intebe Ruhakana Rugunda yahise akoranya inama y’igitaraganya n’abanyapolitiki bandi bireba. Abasirikare bagiye guhangana n’inzige barimo mu kigo cya gisirikare cya Olilim batozwa gutera imiti bakoresheje uburyo busanzwe cyangwa bagakoresha imashini.

Uburyo byagaragaye ko bushobora guhangana n’izi nzige ni imiti iterwa hifashishijwe indege ariko Uganda ntabwo ifite indege n’imiti byabugenewe.

Leta ya Uganda iri kuganira n’iya Kenya ngo ibatize zimwe mu ndege zayo, ariko Kenya nayo ifite indege nkeya zabugenewe kandi nayo yagowe no guhashya izi nzige.

Ibihugu nk’u Rwanda n’u Burundi nabyo bisa n’ibyiteguye ko izi nzige zishobora kuhagera, nubwo abahanga bavuga ko zishobora kudakomeza kumanuka kuko zidakunda ahari ubukonje n’imvura.

Igitero cy’inzige cyagaragaye kandi mu majyaruguru ya Tanzania mu karere ka Kilimanjaro nk’uko byemejwe n’umuyobozi waho Anna Mgwira, wavuze ko zabonetse ahitwa Moshi.

Madamu Mgwira yabwiye BBC ko leta igiye gutangaza gahunda zihari zo guhangana n’izi nzige bicyekwa ko zageze aha zivuye mu gihugu gituranyi cya Kenya.

Kuboneka kw’inzige muri Tanzania kwateye inkeke abahinzi bafite ubwoba ko zigiye kwangiza ibihingwa byabo.


INKURU ZA :
Tanga Igitekerezo
Ibitekerezo 10
Media Kuya 27-02-2020

Yooo nukuri IMANA idutabarepe iturinde izonzige

Fabrice Kuya 14-02-2020

Twaba dushize nubundi inzara umeze nabi birakaze birakaze kbs

Fabrice Kuya 14-02-2020

Twaba dushize nubundi inzara umeze nabi birakaze birakaze kbs

Benimana ander Kuya 13-02-2020

Kuko inzige aricyorezo gikomeye kikabamubyateye,kwafarawo imana ikoreshejemose dusenge kandidukiranuke imana izabiturinda

Jean de Dieu Kuya 11-02-2020

Ngo ibihe by’imperuka?!!! Birangwa se n’inzige?!!! Leta nifate ingamba kuko ibihe by’imvura n’ubukonje bisa nibyimukiye izuba. Imvura isize idusize habi none izuba rigiye kuva mugihe ritariryitezwe, ntawamenya ukobirazakumera kbs.

Desire Kuya 11-02-2020

Nta kwirara twicare twiteguye icyorezo gitera aho gishaka

Desire Kuya 11-02-2020

Nta kwirara twicare twiteguye icyorezo gitera aho gishaka

Nyiraneza jeanne Kuya 11-02-2020

Nyabuneka minister wu buhinzi ntimwirare,burya ngo inkoni ikubise mukeba uyirenza urugo,twirinde kuko biruta kwivuza,muhangane nazo zitarinjira iwacu i rwanda.

edouard Kuya 11-02-2020

ni iminsi y imperuka

kalisa Kuya 11-02-2020

Ngo ntizakomereza murwanda hari ubukonje n’imvura zabonetse kuri kilimanjaro haba n’urubura ngo murwanda cg iburundi,mutubwire uko mwiteguye mureke iyo mitwe

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...