AMAKURU

UKWEZI
ubumwe

MTN irashinjwa guha ruswa Abatalibani na Al-Qaïda

MTN irashinjwa guha ruswa Abatalibani na Al-Qaïda
1-01-2020 saa 13:13' | By Nsanzimana Ernest | Yasomwe n'abantu 4368 | Ibitekerezo

Sosiyete y’ itumanaho iri mu zikomeye cyane muri Afurika irashinjwa guha ruswa imitwe y’ abarwanyi bagendera ku matwara akaze ya Islam ikorera muri Afghanistan.

Ibi birego byatanzwe ku wa Gatanu mu rubanza ruri kuburanishwa n’ urukiko rwo muri Amerika. MTN ishinjwa kuba yarahonyanze amategeko ya Leta zunze ubumwe za Amerika.

Uru rubanza rushamikiye ku rubanza rw’ imiryango ya Amerika yiciwe mu gitero cy’ Abatalibani. Hari andi makani atanu avugwa muri uru rubanza.

MTN iregwa ko yahaye ruswa Al-Qaïda n’abarwanyi b’abatalibani mu rwego rwo gushaka umutekano w’iminara yayo.

Ibyo birego bivuga ko ayo mafaranga yakoreshejwe mu bitero byateguwe na Al-Qaïda n’abarwanyi b’abatalibani mu gihugu cya Afghanistan.

Iyo kompanyi yo muri Afrika y’Epfo yemeza ko ikomeje ibikorwa byayo "mu buryo bwemewe n’amategeko mu bihugu byose ikoreramo".

MTN niyo kompanyi ya mbere ikomeye ya terefone ngendanwa muri Afrika, ifite abafatabuguzi miliyoni 240.

Mu 2015, abategetsi ba Nigeria baciriye iyo kompanyi ihazabu ya miliyari zitanu zirenga z’amadolari y’abanyamerika kubera ko yagenze biguru ntege muri gahunda yo guca amakarita sim yayo atari yanditswe.

Icyo gihano cyagiye kigabanywa kugera kuri miliyari 1.7 habanje kuba ukutumvikana, biba ngombwa ko uwari umukuru w’igihugu cya Afurika y’Epfo Jacob Zuma na we afasha mu gukemura iki kibazo.

Mu kwa kabiri k’umwaka ushize, uwahoze ahagarariye icyo gihugu muri Iran yahagaritswe ku murwa mukuru Pretoria, ashinjwa ko yariye ruswa kugira ngo afashe MTN kubona uruhushya rwa miliyari 31.6 rwo gukorera muri Irani.

BBC


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...