AMAKURU

UKWEZI

Nigeria: Kaminuza 58 zakoraga zitujuje ibisabwa zafunzwe

Nigeria: Kaminuza 58 zakoraga zitujuje ibisabwa zafunzwe
28-05-2018 saa 09:42' | By Akayezu Jean de Dieu | Yasomwe n'abantu 804 | Ibitekerezo

Komisiyo ishinzwe za Kaminuza muri Nigeria (National Universities Commission), yafunze kaminuza zigera kuri 58 nyuma yo gusanga zitubahirije amabwiriza ashyirwaho n’iyi kamisiyo ajyanye n’ibisabwa kugira ngo kaminuza yemererwe gukorera muri iki gihugu.

Muri izi kaminuza zafunzwe higanjemo izakoreraga muri iki gihugu ariko zifite ibyicaro mu mahanga, iyi komisiyo yatangaje ko ibyangombwa bitanwa n’izo kaminuza bitacyemewe n’ihuriro ry’abarangije kaminuza, abakoresha ndetse n’abatanga amasomo mu bindi byicaro bya kaminuza.

Ikinyamakuru The East African dukesha iyi nkuru cyavuze ko muri kaminuza zafunzwe harimo iyigishaga ibaruramari n’icungamutungo, Kaminuza ya Gikirisitu y’Abanyamerika yigisha ubumenyi n’ikoranabuhanga, Kaminuza yigisha ibijyanye n’inganda n’izindi nyinshi.

Umuyobozi ushinzwe itangazamakuru muri Nuc (National Universities Commission), Ibragim Yakassai yihanagirije buri wese ufite impamyabushobozi y’izi kamunuza zafunzwe ko zitemewe gukoreshwa kandi amategeko azakurikizwa ku muntu wese uzabirengaho.

Minisitiri w’uburezi muri iki gihugu, Adamu Adamu yasabye abafite aho bahuriye n’uburezi ko Nigeria itabashije kugera ku ntego z’ikinyagihumbi bitewe no kudashyira mu bikorwa gahunda z’uburezi uko bikwiye. Urutonde rwa za Kaminuza zafunzwe muri Nigeria


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...