AMAKURU

UKWEZI
pax

Perezida Trump ngo nareke kugira Covid-19 ikibazo cya politike

Perezida Trump ngo nareke kugira Covid-19 ikibazo cya politike
9-04-2020 saa 15:38' | By Nsanzimana Ernest | Yasomwe n'abantu 2347 | Ibitekerezo

Umuyobozi mukuru w’ Ishami ry’ Umuryango w’abibumbye ryita ku buzima OMS, arasaba ko abantu bagira ubumwe mu kurwanya icyorezo cya coronavirus, ni mu gihe uwo muryango wanenzwe na Perezida wa Leta Zunze Ubumwe za Amerika, Donald Trump.

Dr Tedros Ghebreyesus yashimagije ibikorwa na OMS, anasaba ko abantu bareka kugira covid-19 ikibazo cya politike.

Ni mu gihe Perezida Trump avuga ko agiye kureba uko yahagarika imfashanyo itangwa na Amerika muri uwo muryango.

Trump ashinja OMS ko yegamiye cyane ku ruhande rw’u Bushinwa.

Dr. Tedros yamaganye ayo magambo, agashimangira ati "Turi kumwe n’ibihugu byose, kandi nta vangura rituranga".

Mu kiganiro Trump yagiranye n’abanyamakuru ejo ku wa Gatatu yavuze ko uwo muryango "ugomba kwerekana neza ibikorwa ushira imbere".

Avuga ko Amerika igiye gukora umwiherero kugira ngo ifate umwanzuro niba ishobora guhagarika umusanzu wayo muri OMS.

Ati : "Babanje kuvuga ko ari ibinyoma. Tugiye guhagarika amahera dutanga muri OMS”.

Umunyamabanga wa Leta ya Amerika ushinzwe ububanyi n’amahanga Mike Pompeo na we ejo ku wa gatatu yabwiye abanyamakuru ko ubutegetsi burimo kwiga ku nkunga Amerika iha OMS.

Pompeo ati : "Imiryango igomba gukora no kwerekana ko arimo akora ibyo yiyemeje".

Covid-19 yabonetse bwa mu kwa 12 umwaka ushize mu mu mujyi wa Wuhan mu Bushinwa, ababa muri uwo mujyi ubu bongeye kwemererwa gusohoka nyuma y’ibyumweru 11 muri gumamurugo.

Tedros ntafise ubwoba ko Amerika yahagarika inkunga yayo. Ejo ku wa Gatatu, Dr Tedros yagize ati “Ndabasabye, mugire ubumwe mu gihugu cyose, reka kugira Covid-19 ikibazo cya politike".

Kugeza ubu Leta zunze ubumwe za Amerika nicyo gihugu gifite abarwayi benshi ba coronavirus (435,167), mu gihe Ubushinwa bwagaragayemo bwa mbere iyi virus bugeze ku mwanya wa 7 mu bihugu bifite abarwayi benshi, magingo aya bufite abarwayi 81,865.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA