AMAKURU

UKWEZI
ubumwe

UK: Ibitaro bikorana na mitiweri byambuwe miliyari 150 rwf na bamukerarugendo

UK: Ibitaro bikorana na mitiweri byambuwe miliyari 150 rwf na bamukerarugendo
27-08-2019 saa 10:09' | By Nsanzimana Ernest | Yasomwe n'abantu 2874 | Ibitekerezo

Ibitaro byo mu gihugu cy’ Ubwongereza biterwa inkunga na Leta y’ iki gihugu binyuze muri gahunda yitwa NHS byambuwe miliyoni 150 z’ amayero n’ abarwayi bo mu bihugu by’ amahanga bivuje bagataha batishyuye za fagitire.

Ibitaro bibiri byo mu mujyi wa London buri bimwe biberewemo umwenda wa miliyoni 28 z’ amayero, bimwe muri ibi bitaro ni ibyavuye umugore wo muri Nigeria byabyariye mu Bwongereza abana bane muri 2016 agataha atishyuye ibihumbi 500 by’ amayero.

Izi miliyoni 150 ni umwenda ibitaro 23 bya Leta biberewemo na bamukerarugendo byavuye bagataha batishyuye. Aya mafaranga yahemba abaforomo ibihumbi 6.

Ibitaro bya King’s College Hospital byo mu magepfo ya London byambuwe miliyoni 28,3 z’ amayero mu gihe ibya Barts Health Trust byo mu burasirazuba bwa London byambuwe miliyoni 27,8 z’ amayero.

Impamvu yatumaga ibi bitaro bidafata bugwate aba barwayi kwari ukwanga ko bishyinjwa ibangura rishingiye ku ibara ry’ uruhu nk’ uko byatangajwe na Dail mail.

Gusa abadepite ntibabikozwa. Depite Philip Davies ati “NHS ishinzwe kuvuza abenegihugu ntabwo ari iyo kuvuza abanyamahanga. Umuntu umaze amezi 6 mu Bwongereza yishyura imisoro niwe ushobora kuvuzwa na NHS”.

Muri 2017 NHS yashyizeho ibwirizwa rivuga ko umurwayi w’ umunyamahanga ugiye kwivuriza mu Bwongereza agomba kujya yakwa pasiporo akanasabwa kugaragaza igihamya cy’ uko afite ubushobozi bwo kwishyura ibitaro akabona kuvurwa.

Depite Philip Hollobone, ati “Abayobozi ba NHS bananirwa kwishyuza abanyamahanga bavuwe bakwiye kubiryozwa”

Umuvugizi wa NHS avuga ko bateye intambwe mu kwishyuza abanyamahanga kuko bamaze gukusanya miliyari 1,3 z’ amayero.

Buri muntu wese wishyura umusoro mu Bwongereza akatwa amafaranga ajya muri NHS yo kuvuza abarwayi.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...