konka coffee
KONKA

AMAKURU

UKWEZI
Minijust

Uganda: Minisiteri y’ Imari ngo yafashije umuherwe w’ Umuhinde kunyereza imisoro ya miliyari 40

Uganda: Minisiteri y’ Imari ngo yafashije umuherwe w’ Umuhinde kunyereza imisoro ya miliyari 40
13-02-2019 saa 11:48' | By Nsanzimana Ernest | Yasomwe n'abantu 985 | Ibitekerezo 1

Abayobozi bakuru muri Minisiteri y’ imari n’ igenamigambi, Ikigo cya Uganda cyakira Imisoro n’ amahoro (URA) kirabashinja gufasha umuherwe w’ Umuhinde ucuruza peteroli Yogesh Modi muri iki gihugu kunyereza miliyari 40 z’ amashilingi.

Kuva muri 2013 uyu muherwe yavugaga ko yinjiza mu gihugu ibikoresho akoramo amavuta ya moteri, hanyuma ayo mavuta agakorerwa mu karere ka Mukono. Muri 2018 nibwo abashinzwe gasutamo batahuwe ko Modi yinjiza mu gihugu amavuta yarangije gukorwa we agakora akazi ko kuyapakira no kuyacuruza.

Ibihugu bishaka guteza imbere ibikorerwa imbere muri byo bikuraho imisoro, cyangwa bikayigabanya ku bikorwamo ibikoresho(low materials) byinjizwa mu gihugu.

Chimpreports yatangaje ko amakuru yizewe yahawe na URA ariko tariki 11,20, 21, 23 Werurwe 2018 Modi yinjije muri Uganda kontineri z’ amavuta aho kuba ibikorwamo amavuta.

Byabaye ngombwa ko ayo mavuta ajyanwa kuri Laboratoire ya guverinoma kugira apimwe harebwe niba ari amavuta yarangije gukorwa cyangwa niba ari ibikorwamo amavuta. Tariki 4 Gicurasi 2018 nibwo Akorach Lucille wasuzumye aya mavuta yemeje ko ari amavuta yarangije gukorwa(Produits finis).

Tariki 22 Gicurasi 2018 Modi yasabwe kwitaba ngo atange ibisobanuro ntiyabikora, gusa tariki 12 Kamena yavuze ko atemera ibyavuye mu isuzuma kuko atizeye uburyo ibipimo(samples) zafashwe.

Tariki 12 Nyakanga Minisiteri y’ imari yakoranye inama n’ iyi kampani ya Modi igamije kwiga kuri iki kibazo, iyi nama ntiyatumiwemo URA. Tariki 2 Kanama Umunyabanga wa Leta muri Minisiteri y’ Imari David Bahati ashingiye ku isuzumwa ryakozwe bwa kabiri kuri ayo mavuta yategetse ko amakontineri yari yarafashwe na Leta asubizwa kampani.

Inkuru icukumbuye y’ iki kinyamakuru igaragaza ko ibipimo byakoreshejwe ku nshuro ya kabiri byavomwe ahantu hatandukanye n’ ahavomwe ibipimo bya mbere.

URA yabwiye iki kinyamakuru ko imisoro yanyerejwe n’ iyi kampani muri aya mayeri ari miliyari 40 z’ amashilingi, ivuga ko laboratoire ya guverinoma yakoreshejwe mu gushaka impapuro iyi kampani yazifashisha igihe yaba irezwe mu nkiko ko yanyereje imisoro.


INKURU ZA :
Tanga Igitekerezo
Ibitekerezo 1
gatera Kuya 13-02-2019

Abantu nyamwishi bakizwa no gukora amanyanga,cyanecyane corruption.Bibeshya ko ubuzima gusa ari amafaranga,ubutunzi,shuguri,politike,etc...Tujye twibuka ko UBUKIRE butatubuza kurwara,gusaza no gupfa.Niyo mpamvu niba dushaka Ubuzima bw’iteka muli Paradis,Yesu yadusabye "gushaka mbere na mbere ubwami bw’imana" nkuko Matayo 6:33 havuga,aho kwibera mu byisi gusa.Abantu bumvira iyo nama Yesu yasize aduhaye,azabazura ku Munsi w’Imperuka,abahe ubuzima bw’iteka nkuko yabyivugiye muli Yohana 6:40.Ntimukishinge bariya bavuga ngo iyo dupfuye tuba twitabye imana.Ntabwo bihuye n’ibyo Bible yigisha.Ikizere cyonyine cy’umuntu upfuye cyo kuzongera kubaho,nta kindi uretse umuzuko wo ku munsi w’imperuka ubikiwe abapfuye bumvira imana.

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...