konka coffee
KONKA

AMAKURU

UKWEZI
Minijust

Umubiligi yakatiwe gufungwa imyaka 10 azira kwica umukunzi we w’umunyarwandakazi

Umubiligi yakatiwe gufungwa imyaka 10 azira kwica umukunzi we w’umunyarwandakazi
15-01-2019 saa 11:25' | By Vincent Nsengiyumva | Yasomwe n'abantu 6864 | Ibitekerezo 2

Umugabo w’Umubiligi w’imyaka 33 witwa Bénjamin J. yakatiwe igifungo cy’imyaka icumi azira kwica umukunzi we w’umunyarwandakazi witwa Jocelyne Ingabire wari unatwite.

Bénjamin J. wahaniwe kwica umukunzi we w’umunyarwandakazi, yari atuye mu gace ka Zeebrugge mu Bubiligi.

Urukiko rwaburanishije uyu mugabo rwavuzeko impamvu yatumye akatirwa imyaka 10 ari uko yishe uyu mugore atabishaka, ibintu byatumye agabanyirizwa ibihano.
Mu kwiregura kwa Benjamin J. yakunze kumvikana avuga ko atibuka ibyabayeho ku 26 Gicurasi 2017 ubwo Jocelyne Ingabire yicwaga, ngo kuko bari biriwe basangira inzoga basinze.

Abaturanyi ba Bénjamin J. bavuga ko yari yiriwe asangira inzoga na nyakwigendera ariko ngo bigeze mu masaha y’ijoro baza kumera nk’abashyamiranye baratongana, aza kumuhondagura ikintu mu mutwe bimuviramo gupfa.

Umunyamategeko wunganira abarega yavuze ko Bénjamin yabyutse mu gitondo cyakurikiyeho, Ingabire arambaraye hasi ameze nabi cyane, aho kumujyana kwa muganga ngo aragenda yikomereza kwinywera.

Nyuma ngo yaje guhamagara umuganga we, amubwira ko amushaka ntiyamubwira icyo amushakira, uwo muganga aza kuhagera ku gicamunsi ajya yamenya icyo yahamagariwe abona Jocelyne Ingabire ameze nabi cyane bihutira kumugeza ku bitaro bya AZ Sint-Jan bamugezayo yashizemo umwuka.

Ikinyamakuru Het Laatste Nieuws dukesha iyi nkuru kivuga ko Jocelyne Ingabire yari anatwite inda y’ibyumweru birindwi nk’uko ibizamini yakorewe n’abaganga byabigaragaje.

Nyuma y’uo urukiko rubuze ibimenyetso bihagije bigaragaza ko uwo mugabo yishe Ingabire, rwemeje ko yamukubise atabishaka akamukomeretsa bikaza kumuviramo urupfu

Urukiko kandi rwahaye umuryango wa Ingabire impozamarira y’amayero 30 000.

Benjamin w’Umubiligi na Ingabire w’Umunyarwandakazi

JPEG - 53.6 kb

Ingabire yishwe atwite inda y’ibyumweru birindwi


INKURU ZA :
Tanga Igitekerezo
Ibitekerezo 2
mazina Kuya 15-01-2019

Abantu babana bishimisha mu busambanyi,ntitukavuge ngo "ni umukunzi we".Urukundo Imana idusaba,ntabwo ari bene uru.Imana yaduhaye sex kugirango tuyihe umuntu umwe gusa tuzabana binyuze mu mategeko.Millions and millions z’abantu basambana,ntabwo bemera ko ari icyaha kizatuma babura ubuzima bw’iteka muli paradizo dutegereje ivugwa muli 2 Petero 3:13.Ntacyo bimaze kwishimisha akanya gato,hanyuma ukazabura ubuzima bw’iteka muli Paradizo kandi ntuzazuke ku Munsi w’Imperuka.Nukugira ibitekerezo bigufi cyane.

Busingye Kuya 15-01-2019

Ariko abazungu barasetsa! Ubwo se aho atabishakaga ni hehe koko??? Uhindaguye umuntu mu cyico, umwimye ubutabazi amasaha menshi arimo gusamba, maze ngo ntiwabishakaga???? Noneho uwishe ba babirigi ba camp kigali nawe ntiyabishakaga?!

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...