konka coffee
KONKA

AMAKURU

UKWEZI

Umugore yishe umugabo we amuteye icyuma bapfuye ibiryo

Umugore yishe umugabo we amuteye icyuma bapfuye ibiryo
24-05-2018 saa 16:49' | By Vincent Nsengiyumva | Yasomwe n'abantu 8907 | Ibitekerezo

Umugore akurikiranweho icyaha cyo kwica umugabo we witwa Ahmed Salim amuteye icyuma, nyuma y’uko uyu mugabo yari amusabye gusubira mu gikoni akongera agateka ngo kuko ibyo yari amugaburiye bitari bimuhagije.

Aya mahano yabaye mu karere ka Newala Intara ya Mtwara iherereye mu Burasirasuba bw’amajyepfo y’igihugu cya Tanzania.

Polisi ikorera muri iyi Ntara ya Mtwara yemeje iby’aya mahano, ivuga ko Ahmed Salim yatewe icyuma n’umugore we maze ahita ashiramo umwuka.

Komanda wa Polisi muri iyi ntara ya Mtwara, Lucas Mkondya,yavuze ko aya mahano yabaye mu masaha ya saa sita z’ijoro ry’umunsi w’ejo ku wa Gatatu tariki 23 Gicurasi 2018, ubwo umugore yari amaze gutegurira umugabo we ibyo kurya.

Ati “Ibyo biryo byabaye bikeya, umugabo we , Ahmed Salim, amusaba gusubira mu gikoni ngo ateke ibindi ngo kuko ibyo yari amuhaye bitari bigize icyo bimumarira.Kuva ubwo hahise hazamuka intonganya bivamo n’imirwano maze umugore aza gufata icyuma agitera umugabo mu gatuza maze ahita apfa kubera kuva amaraso menshi.

Yakomeje avuga ko uyu mugore yahise atabwa muri yombi, afatanwa n’umusore wari waraye muri urwo rugo aho bari kubakoraho iperereza.

Komanda Mkondya yakomeje avuga ko uwo musore bamujyanye kugira ngo abazwe impamvu barwanye arebera ntabakiranure kugeza ubwo bicana, ariko nibasanga nta ruhare na ruto yabigizezmo bazamurekura.

Polisi yakomeje avuga ko umurambo wa nyakwigendera Ahmed Salim wahise ujyanwa ku bitaro bya Newala mu gihe hakiri gukorwa iperereza ndetse hanashakishwa uburyo azashyingurwa.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...