AMAKURU

UKWEZI

Umuherwe wa mbere muto muri Africa wari warashimuswe yabonetse

Umuherwe wa mbere muto muri Africa wari warashimuswe yabonetse
20-10-2018 saa 09:21' | By Vincent Nsengiyumva | Yasomwe n'abantu 6681 | Ibitekerezo 1

Umuherwe wa mbere muto muri Africa wari warashimuswe bunyago yabonetse

Mohammed Dewji w’Umunyatanzania ufatwa nk’umuherwe wa mbere muri Afurika ukiri muto, yabonetse nyuma y’icyumweru kirenga ashimuswe n’abantu bataramenyekana.

Uyu muherwe yari yashimutiwe kuri Colosseum Hotel iherereye mu Mujyi wa Dar es Salaam tariki 11 Ukwakira 2018, ubwo yari yazindutse ajya muri siporo.
Ibitangazamakuru binyuranye byo muri Tanzania byatangaje ko Mohammed Dewji yabonetse mu ijoro ryo ku wa Kane tariki 18 Ukwakira 2018.

Ikinyamakuru Mwananchi cyandikirwa muri Tanzania cyatangaje ko uyu mucuruzi ukomeye yabonetse ari muzima kandi ko ameze neza.

Gullan Dewji, umubyeyi w’umuherwe Mohammed Dewji aganira n’iki kinyamakuru yemeje ko umuhungu we yabonetse, akaba ari mu rugo kandi ko ameze neza.

Yagize ati “ Nibyo koko Mohammed Dewji yarabonetse. Ubu ari mu rugo kandi ni muzima.”

Mohammed Dewji ari kumwe n’abo mu muryango we abatekerereza ibyamubayeho

Nta makuru menshi uyu mugabo yashatse gutangariza itangazamakuru ku bijyanye n’uburyo yabonetsemo cyangwa abari bamushimuse.

Mohammed Dewji w’imyaka 43 y’amavuko, ni umushabitsi wo muri Tanzania akaba anakuriye ikigo Mohammed Enterprises Tanzania Limited gifite inganda zitandukanye, cyashinzwe na se mu 1970, kikaba gifite ibikorwa by’ubucuruzi mu bya peteroli, iby’ubwishingizi n’amazu.

Mohammed Dewji wavukiye i Singida muri Tanzania mu 1975, yize ibijyanye n’ubucuruzi muri Kaminuza ya Georgetown muri Amerika, arangije asubira iwabo muri Tanzania gucunga imitungo y’umuryango we.

Ikinyamakuru Forbes Magazine muri uyu mwaka wa 2018 cyamugaragaje nk’umuherwe wa mbere ukiri muto ku mugabane wa Afurika akaba n’uwa 17 ku rutonde rusange rw’abaherwe bo muri Afurika, n’akayabo k’amadolari 1.540.000.000, ni ukuvuga ko uyabaze mu mafaranga y’u Rwanda yakabakaba 1.360.077.480.000.


INKURU ZA :
Tanga Igitekerezo
Ibitekerezo 1
Jyambere marc Kuya 21-10-2018

Uwo mwarimukazi na hanwe kuko ubwo suburere bwiza yazaha abandi ba tamuhanye.

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...