AMAKURU

UKWEZI
cheno 2020

Umukecuru w’imyaka 97 yakize Coronavirus

Umukecuru w’imyaka 97 yakize Coronavirus
26-03-2020 saa 18:16' | By Twagirayezu Vincent | Yasomwe n'abantu 1032 | Ibitekerezo

Umukecuru w’imyaka 97 wo mu gihugu cya Koreya y’Epfo yakize Coronavirus akaba abaye umwe mu bantu bakuze kurusha abandi ku isi bakize iyi ndwara mugihe ubushakashatsi bugaragaza ko ikunze kwibasira no guhitana abageze mu za bukuru.

Kuri uyu wa Kane ibiro ntaramakuru bya Koreya y’Epfo (Yonhap) nibwo byatangaje ko umukecuru w’imyaka 97 yakize neza iyi ndwara gusa nta makuru arambuye byigeze bimutangazaho.

Uyu mukecuru akurikiye umusaza w’imyaka 100 wo mu Bushinwa wari watangajwe mu ntangiriro z’uku kwezi nk’uko byari byatangajwe n’Ibiro ntaramakuru by’Ubushinwa (Xinua), aba bombi bakaba babaye abantu bakuze kurusha abandi babashije gutoroka iki cyorezo.

Icyorezo cya Coronavirus kimaze kwandura abasaga ibihumbi 470 mugihe abayikize barenga ibihumbi 114 igahitana abasaga ibihumbi 21000.

Mu Rwanda Minisiteri y’ubuzima itangaza ko imaze kubona abantu 41 barwaye kuva ku itariki 14 Werurwe 2020 ubwo umuntu wa mbere yasangwagamo iyi ndwara ku butaka bw’u Rwanda, akaba Umuhinde wari waraturutse i Mumbai.

Amakuru meza ku Banyarwanda ni uko iyi mnisiteri itangaza ko aba barwayi bose uko ari 41 bamerewe neza nta n’umwe urembye aho bari kwitabwaho n’inzego z’ubuzima hakaba haranashakishijwe abahuye nabo nabo bagasuzumwa kandi bagashyirwa mu kato.

Ishami ry’Umuryango w’Abibumbye ryita ku buzima, OMS ritangaza ko Covid-19 imaze kugera ku bantu 2600 baturuka mu bihugu 46, uyu mugabane ukaba usigaranye ibihugu 8 byonyine itari yagaragaramo aribyo, u Burundi, Botswana, Ibirwa bya Comores, Lesotho, Malawi (ubu yamaze gutangaza ibihe bidasanzwe nubwo itari yahagera), Sudani y’Epfo, Sao Tome et Principe, Sierra Leone (nayo yatangaje ibihe bidasanzwe). Iyi virusi imaze kwica abantu 73 muri Afurika mugihe igihugu cyugarijwe kurusha ibindi ku isi ari Ubutaliyani kimaze guhitana abantu 7503.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...