AMAKURU

UKWEZI
ubumwe

Ibyo ukwiye kumenya kuri Pasiteri Bushiri wahamagaye Abamalayika bakaza mu rusengero

Ibyo ukwiye kumenya kuri Pasiteri Bushiri wahamagaye Abamalayika bakaza mu rusengero
19-02-2019 saa 21:17' | By Nsanzimana Ernest | Yasomwe n'abantu 7324 | Ibitekerezo 4

Umuhanuzi Pasiteri Bushiri amaze kumenyekana cyane muri Afurika ndetse ni umwe mu baherwe batunze amamiliyari bakiri bato. Yigeze gusenga abamalayika bagaragara mu rusengero ndetse abayoboke be bamwizera nk’ umuhanuzi wavuye ku Mana ukiza indwara ariko hari n’ abamubona mu ishusho y’ abapasiteri banyunyuza imitungo y’ abaturage ngo babyibushye amakofi yabo.

Muri 2018, yabwiye abanyamakuru ko ari ibisanzwe ko umuntu uteye imbere muri Afurika bifatwa nabi.

Yagize ati “Murabizi muri Afurika iyo umuntu ateye imbere bifatwa nabi, ariko ugasanga twiteguye gukomera amashyi abanyamahanga bateye imbere. Gutera imbere k’ umusore nkanjye muri Afurika byakagombye kubera urugero abandi”.

Umushumba Huxley Bushiri yavutse 20 Gashyantare 1983, ni umwanditsi akaba n’ umubwiriza butuma w’ umucuruzi ukomoka muri Malawi. Yatangije idini rya gikiristu ‘Enlightened Christian Gathering’. Iri dini rifite ikicaro gikuru mu mujyi wa Pretoria, South Africa, rikagira amashami mu bihugu bitandukanye mu Isi.

Pasteri Bushiri afite kampani y’ ishoramari ikorera ‘Shepherd Bushiri Investments Ltd’ ikorera Sandton hafi ya Johannesburg ibijyanye n’ ubucukuzi bw’ amabuye y’ agaciro n’ ubwikorezi bwo mu ndege.

Bushiri yakuriye ahitwa Mzuzu mu majyaruguru ya Malawi. Nyina yamwise Shepherd kubera ibibazo yarimo ubwo yabyaraga uyu mwana, yamwise Shepherd mu rwego rwo kugaragaza ko yishingikirije ku Mana nubwo ari mu bibabazo.

Mu bwana bwe Bushiri yahuye n’ ibibazo bituma yiyemeza kuba imbere y’ Imana cyane, ubu asigaye azenguruka mu bihugu bitandukanye mu Isi abwiriza, ahanura ndetse asengera abarwayi bagakira, abandi bakabona umugisha w’ amafaranga mu buryo bw’ igitangaza.

Muri Kanama 2018, yatumiwe nk’ umushyitsi w’ icyubahiro mu masengesho yo gusengera Afurika y’ Epfo ngo ibone ubumwe n’ubwiyunge yabereye kuri Sitade ya Emirates mu mujyi wa Johannesburg. Aya masengesho yanitabiriwe na Visi Peresida David Mabuza.

Shepherd Bushiri yatangiye gushaka ifaranga akiri muto ahereye ku mafaranga yagurijwe na se. Aya mafaranga yayashoye mu buhinzi biramuhira uyu munsi ni umwe mu baherwe b’ Abapasiteri mu Isi.

Bushiri iyo agiye gusenga aherekezwa n’ imodoka zimucungira umutekano, imbere y’ urusengero hacururizwa imipira iriho amafoto y’ uyu muhanuzi. Idini rye rifite abayoboke barenga miliyoni 6. Abantu barenga 1000 buri cyumweru baba bategereje kumva ubuhanuzi bwa Bushiri. Igihe kimwe ubwo bari mu iteraniro yarasenze abamalayika baza mu rusengero camera zibafata amashusho n’ amafoto.


INKURU ZA :
Tanga Igitekerezo
Ibitekerezo 4
Moses Kuya 26-03-2019

Abo Sabamarayika Yamanuye Ahubwo Nabadayimoni

Moses Kuya 26-03-2019

Mu Byahishuwe ,13 Havuga Ibimenyetso Nibitangaza Bizakorwa Niyo Nyamaswa. Ngo Imanura Umuriro, Uva Mwijuru Abantu Bawureba, Rero Uwo Mupasitoro Akorera Mukuboko Kwiyo Nyamaswa. Abo Sabamalaika, Ahubwo Nabadayimoni.

Moses Kuya 26-03-2019

Mu Byahishuwe ,13 Havuga Ibimenyetso Nibitangaza Bizakorwa Niyo Nyamaswa. Ngo Imanura Umuriro, Uva Mwijuru Abantu Bawureba, Rero Uwo Mupasitoro Akorera Mukuboko Kwiyo Nyamaswa. Abo Sabamalaika, Ahubwo Nabadayimoni.

mazina Kuya 20-02-2019

Aba bose biyita "abakozi b’Imana" nyamara bagamije IFARANGA,Bible ibita "abakozi b’inda zabo" nkuko Abaroma 16:18 havuga.Nkuko Bible ivuga,Yesu n’Abigishwa be birirwaga mu mihanda no mu ngo z’abantu babwiriza ijambo ry’Imana ku buntu.Yesu agiye gusubira mu ijuru,yasigiye uwo murimo Abakristu Nyakuri nkuko Yohana 14:12 havuga.Kandi abasaba kuwukora "ku buntu" nkuko Matayo 10:8 havuga.Intumwa ze.urugero PAWULO,bakoraga umurimo w’Imana ku buntu,bakabifatanya n’akazi gasanzwe kugirango babeho.Bisome muli Ibyakozwe 20:33.
Mbisubiremo,gushaka ubukire wiyita umukozi w’Imana,bituma uba Umwanzi w’Imana.Soma Yakobo 4:4.

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...