AMAKURU

UKWEZI
ubumwe

Papa Francis yagaragaje ko gusambanya abana ari bibi nko kubatamba

Papa Francis yagaragaje ko gusambanya abana ari bibi nko kubatamba
25-02-2019 saa 07:52' | By Nsanzimana Ernest | Yasomwe n'abantu 544 | Ibitekerezo 1

Umushumba wa Kiliziya gatolika ku Isi Papa Francis yagaragaje ko ibyo abihaye Imana bakora byo gusambanya abana ari bibi nko kubatamba avuga ko kiliziya gatolika igiye guhagurukira iki kibazo.

Yabikomoje kuri iki Cyumweru tariki 25 Gashyantare ubwo yasozaga inama y’ iminsi ine yari yahuye abepisikopi gatolika biga ku kibazo cy’ abana basambanywa n’ abihaye Imana muri iyi kiliziya.

Yagize ati “Binyibuta ibikorwa bya kinyamaswa byari byarakwiriye mu bwoko butandukanye byo gutanga ibitambo b’abantu cyane cyane abana bato mu migenzo ya gipagani.”

Yongeyeho ati “Umuntu watoranyijwe n’Imana ngo ayobore roho mu gakiza wemera kuyoborwa na kamere ye cyangwa uburwayi bwe, ahinduka igikoresho cya shitani. Muri ibyo bikorwa bibi, tubibonamo ikiganza cya sekibi kitabasha no kubabarira ubuzima bw’inzirakarengane z’abana.”

Ubwo iyi nama yabaga hanze ya Vatican abasambanyijwe bari mu myigaragambyo basaba ko kiliziya yabaha ubutabera.

Papa Francis yijeje inzirakarengane zasambanyijwe n’abihaye Imana ko zizitabwaho kandi ababigizemo uruhare bakagezwa imbere y’ubutabera.

Iyi nama idasanzwe yatumijwe na Papa Francis yitabiriwe n’abepiskopi bayoboye abandi mu bihugu bisaga 130 ku Isi.

Basabwe ibitekerezo by’uburyo gusambanya abana byacibwa muri Kiliziya Gatolika cyane cyane biganisha ku mategeko y’imyitwarire akwiriye kugenga abihayimana n’uburyo bwo kubakurikirana.

Muri iyo nama hanatanzwe ubuhamya bw’abasambanyijwe n’abihayimana ariko ubuhamya bwabo bagiye babutanga imyirondoro yabo yagizwe ibanga.

Muri iyi nama umwe mu ba karinidali akaba no mu bajyanama icyenda ba Papa Francis yavuze ko amadosiye y’ ibi byaha yapfukiranywe.


INKURU ZA :
Tanga Igitekerezo
Ibitekerezo 1
rekeraho Kuya 25-02-2019

Kuba muli Gatolika abapadiri n’abasenyeri nyamwinshi bagwa mu cyaha cy’ubusambanyi,biterwa nuko birengagiza itegeko ry’imana rivuga ko “Niba unaniwe kwifata ugomba kurongora†.Byisomere muli 1 Abakorinto 7:9.Nubwo Gatolika ivuga ngo Petero niwe Paapa wa mbere kandi ataribyo,Bible ivuga ko Petero yali afite umugore. Ndetse YESU yavuye Nyirabukwe wa Petero.Byisomere muli Matayo 8:14.Abapadiri ibihumbi n’ibihumbi ku isi baregwa gusambanya abana n’abagore.Muribuka Abasenyeri 34 bo muli Chili bose baherutse kwegura kubera ubusambanyi.Cyangwa Cardinal George PELL wo muli Australia,Vatican’s number 3,ushinzwe Amafaranga yose yo kwa Paapa.Ashinjwa ubusambanyi n’abantu 50 yabikoreye.Abenshi ni Choir Boys.Utibagiwe na Cardinal Donald WUERL hamwe n’uwo yasimbuye,Cardinal Theodore Edgar Mc CARRICK,bombi bayoboye Archdiocese ya Washington DC.Nabo bashinjwa ubusambanyi.Mu gitabo yise “In the Closet of the Vatican†,umushakashatsi witwa Frederic Martel,yakoze anketi mu bantu 1 500 bakora cyangwa bigeze gukora muli Vatican,barimo aba Cardinals 41, abasenyeri n’abacamanza 52, ba ambasaderi ba Papa 45, abarinzi ba Papa 11 bakomoka mu Busuwisi,abapadiri 200,bamubwira ko 80% by’Abapadiri b’I Vatican baryamana n’abo bahuje igitsina.Nyamara Gatolika yigisha ko ariyo "Kiliziya yonyine itunganye".

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...