konka coffee
KONKA

AMAKURU

UKWEZI
Minijust

Umuhanuzi Bushiri wahamagaye Abamalayika bakaza mu rusengero arashinjwa gusambanya abayoboke be

Umuhanuzi Bushiri wahamagaye Abamalayika bakaza mu rusengero arashinjwa gusambanya abayoboke be
20-02-2019 saa 08:18' | By Nsanzimana Ernest | Yasomwe n'abantu 4779 | Ibitekerezo 2

Abagore benshi bo mu itorero Enlightened Christian Gathering (ECG) rya Shepherd Bushiri n’ abarihozemo biyambaje imiryango itari iya Leta ngo ibarenganure bavuga ko umuhanuzi Shepherd Bushiri abarembeje abasaba ko baryamana.

Perezida w’ Umuryango w’ Abakirisitu muri Afurika y’ Epfo, Pastor Derick Mosoana yabwiye ibiro ntaramakuru nyafurika ANA ko ko Umuhanuzi Bushiri n’ abandi ba bagabo bo mu itorero rye ECG abagore benshi babashinja kubaka imibonano mpuzabitsina.

Ati “Ibi ni ubupfumu bwo ku rwego rwo hejuru Imana yonyine niyo yabikiza”

Uyu muryango w’ Abakiristu bo muri Afurika y’ Epfo (COSA) uhangayikishijwe n’ ubwiyongere bw’ abagore bashinja Umuhanuzi Bushiri n’ abagabo akuriye gubahoza ku nkeke babasaba ko baryamana.

Umuryango uharanira uburenganzira bw’ abaturage ‘NotInMyName’ ku Cyumweru watangaje ko wakiriye ibirego by’ abagore benshi bashinja Bushiri ubuhehesi. Bushiri ni umushumba w’ itorero ECG umaze kwamamara muri Afurika y’ Epfo dore ko yigeze gusenga agahamagara abamarayika bakaza mu rusengero nk’ uko bigaragazwa n’ amafoto n’ amashusho yafashwe uwo munsi.

Themba Masango, Umunyamabanga Mukuru wa #NotInMyName yavuze ko abagore babegereye bakavuga bashize amanga akarengane bakorerwa na Pasteri Bushiri bita ingirwa mukozi w’ Imana.

Maynard Manyowa, umuvugizi wa Bushiri yabwiye itangazamakuru ko uyu mukozi w’ Imana ibi birego atigeze abisuzugura ahubwo yohereje itsinda rimuhagarariye ngo rigirane ibiganiro na #NotInMyName.

Manyowa yongeyeho ko umuhanuzi Bushiri ukomoka muri Malawi ariko akaba afite urusengero rufite ikicaro gikuru mu mujyi wa Johannesburg yasabye abayoboke be mu iteraniro ryarimo abantu babarirwa mu bihumbi ati ‘Bagabo ni mwubahe abagore b’ abandi’.

Bushiri, Pasiteri uri mu bakize cyane ku Isi aherutse kurekurwa n’ urukiko rw’ I Pretoria atanze ingwate y’ amafaranga. Yari afungiye ibyaha bya forode no kwigana amafaranga bikekwa ko yafatanyije n’ umugore we Mariya. Polisi ya Afurika y’ Epfo iri no gukora iperereza ku kabuyo kabereye mu rusengero rwa Bushiri m’ Ukuboza 2018 abayoboke 3 bakahasiga ubuzima 17 bagakomereka.

Nubwo uyu muhanuzi yubashwe muri Afurika y’ Epfo kubera ibyo bamwe bita ibitangaza birimo no kubona amafaranga, ndetse akaba anatumirwa mu biterane biba byateguwe na Leta ya Afurika y’ Epfo, hari abasaba ko idini rye ryafungwa akirukanwa muri Afurika y’ Epfo agasubira iwabo muri Malawi.


INKURU ZA :
Tanga Igitekerezo
Ibitekerezo 2
wimbi Kuya 23-02-2019

urikubona c afite intoryi cg buyoyo?

Zainab djuma Kuya 20-02-2019

None ko mbona uyu mumalayika ari umugore kd nta mumalaika wugire cg umugabo ubaho yabikuyehe nimitwe yo kuryama abagire babandi ninkozi zibibi bahanwe abatekamutwe

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...