AMAKURU

UKWEZI

Umuvugizi wa ADEPR yariye indimi imbere y’urukiko ,abajijwe ibyinyerezwa ry’umutungo

Umuvugizi wa ADEPR yariye indimi imbere y’urukiko ,abajijwe ibyinyerezwa ry’umutungo
10-11-2018 saa 06:16' | By Muhizi Olivier | Yasomwe n'abantu 3537 | Ibitekerezo 4

Umuvugizi wa ADEPR, Karuranga Ephrem yitabye Urukiko kuri uyu wa Gatanu tariki 9 Ugushyingo 2018 nk’umwe mu bari bagize inteko rusange ya ADEPR kuva muri 2012 kugeza muri 2017 ngo atange ibisobanuro ku inyerezwa ry’umutungo bivuga ko wanyerejwe na komite yayoboraga itorero icyo gihe, avuga ko muri raporo zatangiwe muri izo nteko rusange nta gihombo cy’itorero kigeze kigaragazwamo.

Karuranga yitabye urukiko rwisumbuye rwa Gasabo hakomeza iburanisha ry’urubanza nshinjabyaha ADEPR iregamo abahoze bayiyobora kuva muri 2012 kugeza muri 2017 ibashinja kurigisa cyangwa gukoresha nabi umutungo wayo ufite agaciro k’amafaranga asaga Miliyali ebyiri.

Mbere yo gutangira iburanisha Rev. Karuranga Ephreim yabwiwe ko atahamagajwe mu rubanza nk’umuburanyi ahubwo ko ari umutangabuhamya, mbere gato abanza kurahirira ibyo agiye kuvuga.

Umucamanza yabajije Rev. Karuranga niba yazanye Rapport y’Umugenzuzi w’Imari wigenga Rev.Karuranga ati “Ntayo nazanye kuko ntayo nabonye muri Archives.”

Yakomeje amubaza niba inama zakorwaga n’abayobozi ba ADEPR yarazitabiraga avuga ko yazijyagamo. Umucamanza yamubajie niba yemera Rapport yakozwe n’Umugenzuzi w’imari wigenga asubiza ko ayemera.

Abaregwa 12 ni Sibomana Jean, Tom Rwagasana, Mutuyemariya Christine, Sebagabo Léonard, Sindayigaya Théophile, Gasana Valens, Niyitanga Salton, Beninka Bertin, Mukabera Lynea, Twizerimana Emmanuel, Nzabarinda Tharcisse na Mukakamari Mediatrice.

Abaregwa uko ari 12 bari bitabye urukiko n’abunganizi babo(photo by Umuseke )

Abahagarariye ADEPR mu rubanza iregamo abahoze bayiyobora bashinjwa kunyereza amafaranga asaga Miliyari ebyiri basabye ko bagarura ayo mafaranga bakongeraho asaga miyali eshatu na miliyoni 800 y’indishyi z’akababaro, inyishyu y’igihombo n’ikurikiranarubanza byose.

Karuranga yabajijwe impamvu yasinye kuri raporo zatangiwe muri izo nteko rusange zivuga ko nta gihombo kuva muri 2012 kugeza muri 2017 asubiza ko muri 2017 umugenzuzi wigenga (utari uwa ADEPR) witwa Kabarisa Gaspard yatanze raporo y’umutungo y’umwaka wa 2016 na we akagaragaza ko ADEPR nta kibazo cyo guhomba umutungo ifite ndetse avuga ko na Dove Hotel nta kibazo yagaragajweho ku bijyanye n’imari ndetse ahamya ko izo raporo zose ngo zemejwe n’abagize inteko rusange bose.

Mu nyandiko ikinyamakuru Ukwezi dufitiye kopi hagaragaramo umukono wa Karuranga yemeza ko Kabarisa Gaspard yatanze raporo y’umutungo y’umwaka 2016 na we akagaragaza ko ADEPR nta kibazo cyo guhomba umutungo ifite ndetse avuga ko na Dove Hotel nta kibazo yagaragajweho ku bijyanye n’imari ndetse ahamya ko izo raporo zose ngo zemejwe n’abagize inteko rusange bose.

Inyandiko igaragaza aho Karuranga yasinye nyuma y’igenzurwa ryakozwe tariki 14 Gashyantare 2017 rigaragaza ko nta nyerezwa ry’umutungo ryabaye.

Iyi ni imwe mu myanzuro yafashwe munama y’inteko rusange nyuma yo gusuzuma uko umutungo wakoreshejwe .

Icyaje kwibazwaho ni uko Karuranga yabajijwe raporo y’uwo mugenzuzi w’imari wigenga yakozwe tariki 31 Gicurasi 2017 akavuga ko yayishatse mu bubiko bw’impapuro bwa ADEPR akayibura, kandi ari yo igaragaza igihombo kingana na miliyari 1 na miliyoni 162 hanyuma akaba yazanye raporo zakozwe n’umukozi wa ADEPR gusa.

Abaregwa bavuze ko igenzura rikoresha ikoranabuhanga (forensic audit) ryakozwe bafunzwe kandi kugirango rikorwe hagomba kuba hari raporo ya internal na external audits bityo babaza Karuranga uwaba yaratanze raporo ya external audit ku bakoze forensic audit kandi avuga ko nta raporo yayo ihari.

Karuranga yavuze ko atari we wakoze igenzura (audit) ubwo abaregwa bari bafunze, avuga ko ibyo byabazwa abakoze audit bakavuga aho bakuye raporo ya external audit bakoresheje kuko we ngo ntiyigeze ayica iryera.

Abaregwa bavuze ko kugirango ’forensic audit’ ikorwe bisabwa n’ubushinjacyaha naho iyi yo yakozwe na GPO Partners ibisabwe na ADEPR abaregwa bagaheraho bavuga ko bavuga ko bitumvikana ukuntu umuvugizi Karuranga abura raporo y’uwo mugenzuzi w’imari wigenga akavuga ko yayishatse mu bubiko bw’impapuro bwa ADEPR akayibura kandi aribo bamuhaye akazi ,abaregwa bakavuga ko harimo ihuzagurika .

Abaregwa kunyereza menshi ni Sibomana aregwa kunyereza asaga Miliyoni 182, Rwagasana aregwa kunyereza asaga Miliyoni 454, Mutuyemariya aregwa asaga miliyoni 924, Sebagabo aregwa kugira uruhare mu kunyereza asaga Miliyali na miliyoni ijana,…

ADEPR yaregeye indishyi z’akababaro zisaga miliyari imwe, inasaba asaga miliyari ebyiri z’inyishyu y’igihombo cyaturutse ku mitungo bavuga ko yanyerejwe ndetse n’arenga miliyoni 80 y’ikurikiranarubanza.

Umushinjacyaha yasabye ko abaregwa bose bahamywa ibyaha bashinjwa kandi asaba ko Sibomana Jean, Tom Rwagasana, Sebagabo Leonard, Mutuyemariya Christine, Beninka Bertin, na Niyitanga Salton bahanishwa gufungwa imyaka 15.

Umushinjacyaha kandi yasabye ko Mukakamari, Mukakabera Mediatrice, Nzabarinda Tharcisse, Twizeyimana Emmanuel bagahanishwa gufungwa imyaka 10.

Umushinjacyaha yanasabye ko amafaranga yose bakurikiranyweho kunyereza bayagarura kandi imitungo yabo yafatiriwe igaherwaho mu kubishyuza.

Abaregwa bose bahakanye ibyaha byose bashinjwa ndetse bavuga ko batemera ibihano basabiwe ndetse ko batemera gutanga indishyi kuko nta byaha bakoze maze basaba ubutabera kubarenganura.

Umucamanza yavuze ko urubanza ruzasomwa ku itariki 07 Ukuboza 2018 saa munani .

Igenzura ryakozwe kandi ryagaragaje ko hotel ya Dove nta kibazo yagaragajweho ku bijyanye n’imari ndetse ahamya ko izo raporo zose ngo zemejwe n’abagize inteko rusange bose.


INKURU ZA :
Tanga Igitekerezo
Ibitekerezo 4
gasana Kuya 15-11-2018

Ibyo uyu Karuranga avuga ntaguhuzagurika kurimo. IYO witabiriye Inama ntabwo uba uje gukora auditing. Babamurikira ibyakozwe muri audit bo bakemera ibyo babwiwe. Igihe rero bigaragaye ko habaye itekinika muri audit, ibyo babazwa uwakoze audit. Ndetse akabazwa n’impamvu yabikoze. Kuvuga rero ngo Karuranga yarasinye, ntabwo we yize ibya audit, we ni Pasteur. Yasinye nkuwaje mu nama.

gasana Kuya 15-11-2018

Ibyo uyu Karuranga avuga ntaguhuzagurika kurimo. IYO witabiriye Inama ntabwo uba uje gukora auditing. Babamurikira ibyakozwe muri audit bo bakemera ibyo babwiwe. Igihe rero bigaragaye ko habaye itekinika muri audit, ibyo babazwa uwakoze audit. Ndetse akabazwa n’impamvu yabikoze. Kuvuga rero ngo Karuranga yarasinye, ntabwo we yize ibya audit, we ni Pasteur. Yasinye nkuwaje mu nama.

Sezibera Kuya 14-11-2018

Amadini nubwo yiyita ko akorera imana,yahindutse Mafia zo gukiza abakuru b’amadini no kunyunyuza abayoboke bayo.Yesu n’Abigishwa be,nta na rimwe basabaga amafaranga.YESU yasize adusabye "gukorera imana ku buntu".Byisomere muli Matayo 10:8.Pawulo nawe yaduhaye urugero muli Ibyakozwe 20:33.Havuga ko yakoreraga imana adasaba abantu amafaranga.Muli Ibyakozwe 8:18-20,havuga ko iyo wahaga amafaranga Intumwa za Yesu,zarakubwiraga ngo "uragapfana n’ayo mafaranga yawe".None Pastors babaye ba Gafaranga.Bose bahembwa ku kwezi,mu gihe Imana idusaba gukorera imana,tukabifatanya n’akandi kazi.Soma 2 Abatesaloniki 3:8.Imana idusaba gushishoza mu gihe duhitamo aho dusengera,no gusohoka mu madini y’ikinyoma.Bisome muli 1 Yohana 4:1 na Ibyahishuwe 18:4.

Mukristo Kuya 12-11-2018

iri shyaka murwanirirana muzarikomeze n’imbere y’IMANA,kuko muz’ukuri kwa byose.gusa byose bizarangira

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...